Moduluko konpetentzien artean, ikasgai hau bi hauetan zentratzen da:

- Hezkuntzako esku-hartzeak proposatzea eta ebaluatzea, hezkuntza sustatze aldera, etengabeko hobekuntzaren ikuspegiaren barruan.

- Egindako zereginekin lotutako ideiak eta argudioak jendaurrean jakinaraztea



Gainentzeko konpetentziak ere kontuan hartuz:

- Ikerketaren oinarrizko ereduak eta etapak ezagutzea, bai dimentsio teorikoan bai dimentsio aplikatuan.

- Hainbat ikerketa motaren emaitzen oinarrizko azterketa eta interpretazioa egitea, eta horiek eraikitzeko prozesua ulertzea.

- IKTak funtsezko tresna gisa erabiltzea, esku kontuan hartuta.

- Txosten idatziak egitea, ezarritako irizpide formalekin.





Hauek dira ikasleek irakasgai honetan erakutsi behar dituzten ikaskuntza-emaitzak:

- Bere etorkizunari buruzko gogoeta egiten du profesional gisa, hezkuntza-erakundeak hobetzen laguntzeko.

- Berrikuntza aukera eraldatzaile eta demokratiko gisa deskubritzen du.

- Hezkuntza formalaren eta ez-formalaren oinarrizko printzipioak profesionaltasunez argudiatzen ditu.

- Etorkizuneko berrikuntza-proposamenen norabidea hipotetizatzen du.

- Berrikuntza-proposamen baten faseak eta aplikatzeko zailtasunak ulertzen ditu.

- Erakundeen hezkuntza-ereduak identifikatzen ditu, haien diseinua eta berrikuntza-proiektuak kontuan hartuz.

- Aldaketa inklusibo baterako estrategia parte-hartzaileak ezagutzen ditu.

- Ikastetxeen proposamen berritzaileak ezagutzen ditu.

- Diseinua aztertu ondoren, Unitate Didaktiko bat hobetzen du, ikuspegi inklusibo batetik.

Hezkuntzaren diseinu eta berrikuntzaren edukiak hiru zehaztapen-mailak kontuan hartuta planteatzen dira, orokorrenetik zehatzenera joanda. Bost unitate didaktiko planteatzen dira.

1.- Heziketa-diseinu ideala

Legeria.

Oinarrizko printzipioak.



2.- Berrikuntza: alderdi orokorrak

Berrikuntzako ildo estrategikoak.

Berrikuntzarako erraztaileak eta oztopoak.



3.- Hezkuntza-ereduak: diseinuak eta berrikuntza

Eredu teknikoa.

Eredu deliberatiboa.

Eredu sozio-kritikoa.

Hezitzaileen konpetentziak: prestakuntza-beharrak.

Pedagogoaren rola.



4.- Berrikuntzarako tresna batzuk

Diagnostikorako eta esku hartzeko tresnak.

Erakundeak demokratizatzeko estrategia parte-hartzaileak.



5.- Proposamen berritzaileak eskolan eta ikasgelan

Planteamendu berritzaileak.

Prozedurazko edukiei heltzeko zereginak.

Jarrerazko edukiei heltzeko zereginak.

Parte-hartzaileen arteko koebaluaziorako eta autoebaluaziorako tresnak.

Lan-proposamenaren oinarria da prestakuntza-prozesu batek ikaskuntza autonomoa eta independentea sustatu behar duela. Horretarako, ikaslea izan behar da ikaskuntzaren protagonista nagusia, elkarrizketaren eta parte-hartzearen bidez.

Ildo horretan, irakasgaiaren kontzeptuzko edukien azalpen-eskolak ikasleek banaka eta taldean parte hartzea eskatzen duten hainbat zeregin eta jarduerarekin konbinatuko dira.

Proposatzen den ebaluazio-sistema mistoa da, lau proposamen kontuan hartuz.

1.- Unitate Didaktiko taldeka, hurrengo irizpideekin: indarrean dagoen legedia, diseinu inklusiboa eta barne-koherentzia zatien artean.

2.- Formatu libreko banakako portfolio bat entregatzea (testua, argazkiak, marrazkiak, kontzeptuzko mapak eta abar). Bertan, ikasturtean zehar etengabe ikasteko prozesua islatuko da, honako irizpide hauen arabera: edukien deskribapen zuzena; erreferentzia bibliografiko berrien bidez zabaltzea; ikasgelan gertatutakoari buruzko hausnarketa (jardueren balorazioa, parte-hartzea); eta gogoeta pertsonala, ikaskuntzak berreraikiz, haien irrika profesionalak ere kontuan hartuta. ( % 25).

3.- Amaierako proba bat egitea, landutako edukietan oinarrituta. ( % 40).

4.- Diziplina Arteko Jarduera Modularraren ebaluazioa, zeinaren ebaluazio-irizpideak gidan jasota baitaude. ( % 20).



Ebaluazio misto honek eskatzen du % 80ra klasera joatea (teorikoak zein praktikoak), eta adierazitako praktika eta lan guztiak egitea.



Konfinamenduaren kasuan, etengabeko ebaluazioari eta irizpideei eusten zaie, eta ehunekoak aldatu egiten dira: lanak ( % 15); portfolioa ( % 25); garatu beharreko idatzizko proba ( % 20); eta moduluko diziplinarteko jarduera (DILAN) ( % 40).



Deialdiari uko egitea

12.2. artikulua. Ikasleek deialdiari uko egin ahal izango diote 9. astea baino lehen. Uko egite hori idatziz aurkeztu beharko zaio irakasgaiaren ardura duten irakasleari.

Ikasle hauek azken ebaluazioaren bidez egiaztatu ahal izango dute gaitasunak garatu dituztela. Ebaluazio hori bi probatan egingo da:



A.- Unitate Didaktiko bat egitea edo hobetzea, eredu eta metodologia berritzaileetan oinarrituta ( % 30). Irizpideak: indarreko legeriatik justifikatzea; Ikaskuntzaren Diseinu Unibertsalaren (IDU-DUA) presentzia; jardueren kalitatea; eta aldeen arteko barne-koherentzia.

B.- Berrikuntza-proiektu baten diagnosia eta hobekuntza-proposamena ( % 50). Irizpideak: berrikuntza-eskaeraren justifikazio kontestualizatua; prozesuaren xehetasuna; tresnen eta dinamiken aurkezpen eta erabilera egokia; ebaluazio-tresnak eta/edo dinamikak eraikitzea; eta espero diren onurak.

C.- Egindako lanen ahozko defentsa ( % 20).

Ikasleentzako materialak e-gela plataforman, edo honelako batean, egongo dira.

Oinarrizko bibliografia

Aguirre, A., Benet, A., Moliner, O., Sales, A., Sanahuja, A. y Traver, J.A. (2018). Técnicas para la participación democrática. La formación para la convivencia democrática en los procesos de mejora. Universitat Jaume I.

Bustamante, J.P.(2012). Creatividad aplicada.EOI

Escudero, J.M. (Coor.) (1999). Diseño y desarrollo e innovación del currículum. Síntesis.

López-Goñi, I. y Goñi Zabala, J.M. (2015) Hacia un currículum guiado por competencias. UPNA.

Moliner, O. y Sales, A. (2020). La escuela incluida en el territorio: La transformación educativa desde la participación ciudadana. Octaedro.

Moliner, O. (2020). Acompañar la inclusión escolar. Dykinson.

Gehiago sakontzeko bibliografia

Blanco, N. (2010). La investigación en el ámbito del currículum y como método para su desarrollo. En GIMENO SACRISTÁN (comp.). Saberes e incertidumbres sobre el currículum. Morata, pp. 569-587
Bolívar, A. (coord.) (2010). Competencias básicas. Wolter Kluwer.
Carbonell, J. (2012). La aventura de innovar. El cambio en la escuela. Morata
Gimeno, J. (2021). Ideas que perviven. El valor de la crítica en educación. Morata
Perrenoud, P. (2004). Diez nuevas competencias para enseñar. Graó.
Pujolás, P. (2004). Aprender juntos, alumnos diferentes: los equipos de aprendizaje cooperativo en el aula. Octaedro.
Villa, A., Escotet, M.A. y Goñi, J.J. (2007). Modelos de innovación de la educación superior. Mensajero.

Aldizkariak

Aula de Innovación Educativa
Apertura
Cuadernos de Pedagogía
Hik hasi
@tic: Revista de Innovación Educativa
REDU y REICE. Revista Electrónica Iberoamericana sobre Calidad, Eficacia y Cambio en Educación
Tantak