GAITASUNAK:



-G1: Publizitate-jarduerari aplikagarri zaion lege-ordeneko funtsezko kontzeptu juridikoak ulertzea eta erabiltzea.

-G2: Araudi juridikoa, jurisprudentzia-irizpideak eta doktrina-ekarpenak modu autonomoan eta kritikoan interpretatzeko metodologiak erabiltzea.

-G3: Publizitate-jardueraren egikaritza eraginkorra eta arduraduna lortzeko asmoz, modu arrazoituan eta zehatzean informazio juridikoa transmititzea eta ezagutza juridikoak aplikatzea.

-G4: Egungo publizitate-jardueraren egikaritzan arazo juridikoak aurkitzea, analizatzea, aplikagarri diren iturriak identifikatzea eta hauek konpontzeko aktuazio juridikoak proposatzea zientifikoki argudiatuz.

-G5: Lankidetzan lan egitea.

-G6: Lan profesionala erantzukizun juridikoaz burutzea, arazo juridikoak lokalizatuz eta esparru profesionalean sortarazten diren arazo horiek trebetasunaz konponduz.



IRAKASGAIA IKASTEAREN EMAITZAK:



-E1: Publizitate-jarduerari aplikagarri zaion lege-ordena osatzen duten kontzeptuak eta instituzio juridikoak zuzen azaltzen ditu.

-E2: Publizitatea erregulatzen duen araudia interpretatu eta testuinguruan ezartzen du, araudi hori osatzen duten arau-multzoetan sartuz.

-E3: Jurisprudentzia-doktrina interpretatzen du, bertatik eratortzen diren informazio juridikoa eta gatazkak elaboratuz eta transmitituz.

-E4: Arazo zehatz baten aurrean, jasotako informazio juridikoa transmititzen du eta arazoa konpontzeko dagokion aktuazio juridikoa, zehaztasunez eta oinarrituz, aplikatzen du.

-E5: Arazoaren ebazpenean aplikagarri den argudio juridikoa taldean eraikitzen du, ideiak eta interpretazioak konparatuz eta besteen iritziak kontuan hartuz.

-E6: Publizitate-jardueraren egikaritzan aplikagarri diren mugak menderatzen ditu eta praktikan ager daitezkeen gatazken ebazpenean trebetasunez aplikatzen ditu.

1.- PUBLIZITATEA ETA ORDENAMENDU JURIDIKOA. Publizitate Zuzenbideari buruzko sarrera. Publizitatea eta Ordenamendu juridikoa. Publizitate Zuzenbidearen iturriak. Profesioaren autorregulazioarako eskubidea.

2.- PUBLIZITATEAREN LEGE-KONTZEPTUA. Publizitate Lege Orokorraren aplikazio eremua. Publizitatearen kontzeptua PLO delakoan. Publizitatearen kontzeptua Hauteskundeetarako Erregimen Orokorraren Lege Organikoan (LOREG). Merkataritzako publizitatea versus publizitate instituzionala. Publizitate instituzionalaren araudia. Publizitate printzipioak.

3.- PUBLIZITATE-SUBJEKTUAK. Publizitate-subjektuaren kontzeptu juridikoa. Publizitatearen Lege Orokorraren publizitate-subjektuak. Iragarlearen araudia. Publizitate-agentziaren araudia. Publizitate-hedabideen araudia. Hedabide-tarteak erosteko banaguneak. Publizitatearen hartzaileak, kontsumitzaileak eta kontsumitzaileen elkarteak.

4.- PUBLIZITATE-KONTRATUAK. Izaera juridikoa. PLO delakoaren arau orokorrak. Publizitate-kontratua. Sorkuntza-kontratua. Hedapen-kontratua. Babesletza kontratua. Bartering kontratua.

5.- PUBLIZITATE EZ ZILEGIA. Pertsonaren duintasunaren aurkako publizitatea eta Konstituzioan jasotzen diren balioak eta eskubideak urratzen dituena. Engainuzko publizitatea. Publizitate desleiala. Publizitate subliminala. Araudi berezien aurkako publizitatea.

6.- PUBLIZITATE EZ ZILEGIAREN AURREAN JUDIZIOZKO ETA JUDIZIOZ KANPOKO KONPONKETA. Publizitate prozesua. Etete akzioa. Publizitate-zuzentze akzioa. Epaiaren hedapena eta publizitate zuzentzailea. Publizitatearen Kontrol administratiboa. Publizitatearen kontrol pribatua. Publizitatearen autorregulazio-sistema. Publizitatearen Jokaera oneko Kodeak. Autocontroleko Publizitatearen Epaimahaia eta horren erabakiak.

7.- SALMENTEN PROMOZIOA ETA HORREN PUBLIZITATEA.

-Irakaskuntza Emaitza: Publizitate jarduera erregulatzen duen ordenamendu juridikoaren oinarrizko kontzeptuak eta instituzio juridikoen edukiak ongi azaltzen ditu. Irakaskuntza metodologia: klase magistrala.

-Irakaskuntza Emaitza: Publizitatearen araudia bere testuinguruan interpretatzen du, araudi horien arau bereziak behar bezala desberdinduz. Irakaskuntza metodologia: klaseko praktika.

-Irakaskuntza Emaitza: Jurisprudentzia behar bezala interpretatzen du, informazio juridikoa ondo gorpuztuz eta arazoak ondo planteatuz. Irakaskuntza metodologia: klaseko praktika.

-Irakaskuntza Emaitza: Arazo jakin baten aurrean, ondo azaltzen du ikasitako informazio juridikoa eta araudia aplikatzen du egoki eta zehaztasunez, arazoari irtenbidea emanez. Irakaskuntza metodologia: klaseko praktika.

-Irakaskuntza Emaitza: Arazoari emandako irtenbidea behar bezala arrazoitzen du lantaldean. Era berean, ondo alderatzen eta osatzen ditu ideia desberdinak neurriko erantzun bat emateko asmoz. Irakaskuntza metodologia: klaseko praktika.

-Irakaskuntza Emaitza: Publizitate jarduerak dituen mugak eta murriztapenak ondo ezagutzen ditu eta sortutako arazoei erantzun juridiko egoki eta eraginkorra ematen dizkie, aipatutako arazoa konpontzeko asmoz. Irakaskuntza metodologia: klaseko praktika.

ORIENTAZIOAK:



1. Azterketen deialdirako data ofizialean egin beharreko proba Test bat izango da, negatiborik gabekoa. Proba horrek amaierako notaren %50a balio du.



2. Lantaldetako lanak, etengabeko ebaluazioan, hauek izango dira: ariketak burutzea, kasu praktikoak eta publizitate jardueraren inguruko arazoak aztertzea eta konpontzea, epaiak eta erabaki estrajudizialak aztertzea eta komentatzea. Jarduera hauek derrigorrez entregatu beharrekoak dira, hauek burutzea eta irakaslearen oniritzia jasotzea ezinbestekoa delarik. Beraz, guztiz egindakoan eta irakaslearen oniritzia lortuz gero, amaierako notaren %40a lortuko da.

Irakasleak esandako lantaldetako lanen ahozko aurkezpenak, amaierako notaren %10a balio du.



UKO EGITEA:



Ikasleen Ebaluaziorako Arautegiaren 8.3 artikuluari jarraiki ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta horretarako, bederatzi asteko epea izango du lauhilekoa hasita.



Azken ebaluazioaren sistemak hurrengo probak izango ditu:



1. Test azterketa, negatiborik gabekoa. Proba hau, azterketen deialdirako data ofizialean egingo da. Amaierako notaren %50a balio du.



2. Kasu praktiko baten idatzizko iruzkina burutzea. Amaierako notaren %40a balio du. Banakako ataza hau entregatu beharrekoa da, azterketen deialdirako data ofizialaren aurretik bost egunen denbora mugatuan. Eta, lan praktiko horren ahozko aurkezpen labur bat egitea, bere entrega egin ondoren burutuko dena, irakasleak ezarritako egunean. Amaierako notaren %10a balio du.

Indarrean dagoen legedia, bai Europakoa bai Estatukoa.

IRAKULIS ARREGI, N. / LEIÑENA MENDIZABAL, E., Publizitate Zuzenbidearen eraberritzea eta lehiaketa desleiala, Udako Euskal Unibertsitatea, Bilbo, 2012.

Oinarrizko bibliografia

-LÁZARO SÁNCHEZ, E., Derecho de la Publicidad, Civitas, 2012

-DE LA CUESTA RUTE, J. M.ª, Curso de Derecho de la Publicidad, Eunsa, Pamplona, 2002

-SANTAELLA, M., Derecho de la Publicidad, Thomson-Civitas, Madrid, 2003

-TATO PLAZA, A., La publicidad comparativa, Marcial Pons, Madrid, 1996

-FERNÁNDEZ-NOVOA, C., Estudios de Derecho de la Publicidad, Universidad de Santiago de Compostela, 1989

-VIDAL PORTABALES, J. I., El contrato de patrocinio publicitario en el Derecho español, Marcial Pons, 1998.

-PALAU RAMÍREZ, F., Descuentos promocionales, Marcial Pons, Madrid, 1998.

-IRACULIS ARREGI, N. / LEIÑENA MENDIZABAL, E., Publizitate Zuzenbideko Eskuliburua, Udako Euskal Unibertsitatea, Bilbo, 2006