Deskribapena

Zatoz Gabonetako gala honetara disfrutatzera!

EUSKAL HAUSPOAREN SOINUA
KORRONTZI, musika tradizional taldea (Euskal Herria) taldeko trikitilaria den Agus Barandiaranek sortu zuen 2004ean. Euskal Herriko musika folklorikoaren soinu tradizionala itxura garaikidearekin fusionatuta uztartzen du, beti ere trikitixaren musikan oinarritutako ikuspegi batetik eta instrumentu modernoagoekin lagundurik.

Korrontzik eszenatokietan daramatzan hogei urte hauetan hamairu disko argitaratu ditu. Urte hauetan zehar, bere kultura, hizkuntza, dantza eta musikarekin mundu osoan barna bidaiatu da, Kanada, Eslovenia, Ingalaterra, Maroko, Alemania, EEBB, Errumania, Frantzia, Kabo Berde, Irlanda, Brasil, Malasia, Grezia, Belgika, Txekiar Errepublika, Italia, Isla Reunion, Portugal... bezalako herrialdeak ezagutuz, horrela, munduko musika jaialdi nagusietan Euskal Herriko musika eta tradizioen erakusleiho bihurtu delarik, non beti goraipamen eta laudorio handia jaso duten.

Sari eta aipamen berezi aunitz jaso dituzte, besteak beste, “WOMEX official selection" 2014 eta 2019urteetako hautaketa, “World Music Charts” edo “Europako Banda hoberena,Eurofolk” jaso dituztelarik.
Laburbilduz, Korrontzi inor epel uzten ez duen euskal musika taldea da, indar eta energiaz beterik antzinako garaietatik folk musikaren azken joeratako soinuak bere ikuspegi berezi eta progresista transmititzeko gai direlarik.

SARRERA DOAN

IZENA EMATEA BEHARREZKOA DA