Ikasgaiaren konpetentzia espezifikoa:



M01CM04- Oinarrizko kontzeptuak ulertu eta menderatzea mekanikaren, termodinamikaren, eremu eta uhinen eta elektromagnetismoaren lege orokorrez eta haien aplikazioaz ingeniaritzaren arazoak konpontzeko.

1. zatia - MEKANIKA ETA UHINAK: Gorputzen higidura deskribatu eta higiduraren kausak aztertu

0-Analisi bektoriala

1-Zinematika

2-Dinamika - Newton-en legeak

3-Lana eta energia

4-Partikulen sistemak

5-Solido zurruna

6-Oszilazio-higidura

7-Uhinak



2. zatia - ELEKTROMAGNETISMOA: Eremuen teoria eta aplikazioak ingenieritzan

8-Eremu elektrikoa

9-Potentzial elektrikoa

10-Korronte jarraituko zirkuituak

11-Eremu magnetikoa

12-Indukzio elektromagnetikoa

- Klase magistraletan irakasleek ikasgaiaren atal teorikoa azalduko dute, honako materiala erabiliz: powerpoint bidezko aurkezpenak, bideoak, irudiak eta argazkiak, arbeleko garapenak edota saiakera txikiak. Erabili beharreko material guztia eGela plataforman egongo da ikasleentzat eskuragai klaseetan azaldu aurretik. Halaber, oso gomendagarria da proposatutako bibliografia erabiltzea, ikasleek eskolako liburutegian aurki dezaketena.



- Azalpen teorikoetan azaldutako kontzeptuak sendotzeko, ariketen bidezko adibideak ere tartekatuko dira klase teorikoetan.



- Gai bakoitzeko atal teorikoa ikusi eta gero, gai horri dagozkion ariketak ebatziko dira behar beste klasetan. Klasean egin beharreko ariketak eGelan egongo dira eskuragai ikasleak euren kabuz ebazten saia daitezen klase orduetatik kanpo.



- Laborategiko praktika bakoitzerako gidoia eGelan egongo da eskuragarri. Ikasleek gidoia irakurri eta ulertu behar dute aurretiaz. Laborategian daudenean, binaka edo hirunaka antolatuko dira lan praktikoa egiteko, gidoia jarraituz. Gero, praktikaren idatzizko txosten bat edo ahozko aurkezpen bat prestatuko dute egindako lana eta lortutako emaitzak azalduz.

Ebaluazio jarraituaren sistema aukeratzen duten ikasleak:



Ikasgaiaren nota honela kalkulatuko da:



%75 teoria eta ariketen nota + %20 praktiken nota + %5 ikasgaiaren jarraipenerako banakako lanaren nota (kurtsoan zehar proposatutako ariketak edota jarduerak).



- Teoria eta ariketen nota, kurtsoan zehar egingo diren bi azterketa partzialen batezbestekoa izango da, bat urtarrilean eta bestea maiatzean. Partzial bakoitzean lortutako nota gutxienez 4koa izan beharko da batezbestekoa egiteko. Gainditu gabeko partzialak (bat edo biak) ohiko deialdi ofizialeko azterketan berreskuratu ahal izango dira. Azterketako nota 4koa izan beharko da gutxienez ikasgaia gainditu ahal izateko. Ez bada lortzen 4ko gutxieneko nota hori, espedientean agertuko den nota azterketarena izango da.



- Praktiketako nota, laborategiko txostenetan eta aurkezpenetan lortutakoen batezbestekoa izango da.



- Ikasgaiaren jarraipenerako banakako lanaren nota ikasturtean zehar proposatuko diren bi ariketen batezbestekoa izango da (lauhileko bakoitzean bana).





Ebaluazio jarraituari uko egiteko:



- Ebaluazio jarraituari uko egin nahi duten ikasleek hori jasotzen duen idatzi bat aurkeztu beharko diote irakasgaiaren ardura duen irakasleari (Maite Goiriena Goikoetxea). Idatzia aurkezteko 18 asteko epea izango dute ikasturtea hasten denetik kontatzen hasita.



**********



Azken ebaluazioaren sistema aukeratzen duten ikasleak:



Ikasgaiaren nota honela kalkulatuko da:



%80 teoria eta ariketen nota + %20 laborategiko nota



- Teoria eta ariketen nota idatzizko azterketa batean lortutakoa izango da. Azterketako nota 4koa izan beharko da gutxienez ikasgaia gainditu ahal izateko. Azterketan ez bada 4ko gutxieneko nota lortzen, espedientean agertuko den nota azterketarena izango da.



- Laborategiko nota, proba praktiko baten bidez zehaztuko da, non ikasleak laborategiko praktika bat egin beharko duen. Proba hori hitzartu beharreko ordutegian egingo da, azterketa teorikoaren ondoren.





**********



Ohiko deialdiari uko egitea:



- “Ez aurkeztua” kalifikazioa lortzeko, nahikoa izango da ohiko deialdiko azterketara ez aurkeztea.

- Departamentuak emandako materiala: ariketak, praktiken gidoiak.
- http://egela.ehu.eus

Oinarrizko bibliografia

- Fisika. Fishbane. Ed. Prentice-Hall

- Física. Tipler. Ed Reverté

- Física. Serway. Ed.Thomson

- University Physics. Sears and Zemansky. Ed. Pearson

Gehiago sakontzeko bibliografia

- Física Vol. I eta II. Alonso & Finn. Ed. Addison-Wesley
- Fundamentos de Física. Halliday-Resnick. Ed. Wiley

Aldizkariak

- Elhuyar