Irakasgaiaren irakaskuntza emaitzak honako hauek dira:

1. Giza gorputzaren osagai molekularren ezaugarri estruktural eta funtzionalak ezagutzea.

2. Entzimologiaren oinarriak ulertzea eta organismoan entzimen zeregina zehazki ulertzea.

3. Hormonen ekintza-mekanismoak ezagutzea

3. Informazio genikoaren transmisio eta adierazpen prozesuak maila molekularrean azaltzea.

4. Banaketa eta analisirako teknikak erabiliz prozedura biokimikoak modu gidatuan burutzea.

I. BIOMOLEKULEN EGITURA ETA PROPIETATEAK

Giza gorputzaren osagai molekularrak. Karbohidratoak, lipidoak, nukleotidoak, aminoazidoak.



II. INFORMAZIO GENETIKOAREN TRANSMISIOA ETA ADIERAZPENA

Azido nukleikoen egitura. Azido nukleikoen eta proteinen sintesia. Gene-adierazpenaren erregulazioa. Biologia Molekularreko teknikak.



III. PROTEINEN EGITURA ETA FUNTZIOA

Proteinen egitura mailak. Kate polipeptidikoen tolesmena. Oxigenoaren garraiorako proteinak.



IV. ENTZIMEN KATALISIA, ZINETIKA ETA ERREGULAZIOA

Katalisi entzimatikoaren ezaugarri orokorrak. Entzimen zinetika eta erregulazioa. Entzimen aplikazio klinikoak



V. HORMONEN EKINTZAREN MEKANISMOAK

Komunikazio interzelularrerako sistemak.



VI. BIOKIMIKAN ERABILITAKO OINARRIZKO TEKNIKAK

Biomolekulen banaketarako eta analisirako oinarrizko teknikak.

Irakasgai honetan hainbat metodo erabiltzen dira:



Eskola magistralak. Kontzeptu teorikoak azaltzen dira.

Mintegiak. Ikasle talde batek, proposatutako gai espezifiko bati buruz ariketak ebazten ditu, ezagumendu teorikoak finkatzeko eta materiaren beste gaiekin erlazionatzeko.

Gidatutako lana. Ikasle talde batek gai bat prestatzen du ahozko aurkezpena egiteko; aurretik emandako informazioa erabiltzen du.

Ikasgelako praktikak. Ikasleek ariketak ebazten dituzte, banaka edo taldeka, azalpen eskolatako informazioa eta informazio osagarria erabiliz.

Laborategiko praktikak. Talde lana egiten da, oinarrizko teknika biokimikoen ezagumenduak eta trebetasunak lantzeko.

Ordenagailu praktikak. Proteinen eta azido nukleikoen ikerketarako programak, datu-baseak eta erreferentzia bibliografikoak erabiltzen dira ariketak ebazteko.

Irakasgaiaren ebaluazioa mistoa izango da, eta atal hauek izango ditu:



1. Ebaluazio teorikoa: irakasgaiaren notaren %65-70 izango da. Materiaren edukiei buruz 2 proba egingo dira. Lehenengoa lau hilabetearen erdialdean izango da. Bigarrena, lau hilabetea amaitzean egingo da; irakasgaiaren ebaluatu gabeko partea ebaluatzen da, eta lehenengo partea errekuperatzeko aukera dago. Proba hori, zentroko egutegi akademikoak zehaztutako epean egingo da.



2. Bestelako jardueren ebaluazioa: irakasgaiaren notaren %30-35 izango da. Kontuan hartuko dira:

- Gidatutako lanaren ahozko aurkezpena

- Jarduera ezberdinei buruzko txostenak

- Praktiketan lortutako ezagumenduei buruzko azterketa idatzia



Irakasgaia gainditzeko beharrezkoa da ebaluazio teorikoa zein beste jardueren ebaluazioa gainditzea.



UKO EGITEA

Graduko Titulazio Ofizialetako Ikasleen Ebaluaziorako Arautegiaren arabera http://www.ehu.eus/eu/web/estudiosdegrado-gradukoikasketak/ebaluaziorako-arautegia



1.- Deialdiari uko egiten dioten ikasleek «aurkezteke» kalifikazioa jasoko dute.

2.- Etengabeko ebaluazioaren kasuan, nahikoa izango da azken probara ez aurkeztea azken kalifikazioa "aurkezteke" izan dadin.

3.- Azken ebaluazioaren kasuan, azterketa egun ofizialean egin beharreko probara ez aurkezte hutsak ekarriko du automatikoki kasuan kasuko deialdiari uko egitea.



ETENGABEKO EBALUAZIOARI UKO EGITEA

Graduko Titulazio Ofizialetako Ikasleen Ebaluaziorako Arautegiaren arabera http://www.ehu.eus/eu/web/estudiosdegrado-gradukoikasketak/ebaluaziorako-arautegia



Etengabeko ebaluazioaren kasuan, nahikoa izango da azken probara ez aurkeztea azken kalifikazioa "aurkezteke" izan dadin.



EZ-PRESENTZIALTASUNEKO EGOERETARAKO KONTINGENTZIA-PLANA

Osasun-egoerak aurrez aurreko irakaskuntza bertan behera uztera behartzen badu, irakaskuntza-aldian zehar banatuta dauden jarduerak modu ez-prezentzialera egokituko dira, ikasleekin harreman zuzena mantenduz. Horretarako, BlackBoard Collaborate (BBC) edo antzekoa erabiliko da ahal den neurrian, eta osagarri bezala irakurketak, ikus-entzunezko materiala, galdetegiak, posta elektroniko instituzionala eta abar erabiliko dira. Zalantzak argitzeko eta ikasleei atzeraelikadura emateko banakako edo taldeko tutoretzak bideokonferentziako tresnen edota posta elektronikoaren bidez egingo dira.

Mintegietan ikasleek entregatu behar ditzuten txostenak, gidoiak eta abar, posta elektronikoz entregatuko dituzte eta ezagumendu teorikoak finkatzeko eta materiaren beste gaiekin erlazionatzeko eGelako galdetegiak, Kahoot, Socrative edo antzeko tresnak erabiliko dira. Ahozko proben ordez, ikasleek BBCren bidezko bideokonferentzia-saioak egingo dituzte.

Ikasgelako praktikak telematikoki egingo dira eta ikasleek landu behar dituzten ariketak posta elektronikoz entregatuko dituzte.

Laborategiko praktiken kasuan, ahal den guztietan, jarduera hauen ordezko aukerak bilatuko dira ikus-entzunezko materialen, simulagailuen edo bestelako euskarri didaktikoen bidez eta azalpenak BBCren bidez emango dira.

Ordenagailu praktikak BBCren bidez bideratuko dira.

Irakaskuntza-aldian zehar banatuta dauden ebaluazio-probak eGela plataformaren bidez egingo dira nagusiki. Jardueren eta zereginen kalifikazioei dagokienez, aurrez aurreko irakaskuntzarako adierazitako ehuneko berak eta datak mantenduko dira.

Ez dago

Oinarrizko bibliografia

Devlin T.M. Bioquímica, 4. ed., Ed. Reverté, 2004.

Mathews C.K, van Holde K.E., Ahern K.G. Bioquímica, 4.ed. Addison Wesley, 2013.

Nelson D.L., Cox M.M. Principios de Bioquímica de Lehninger, 7. ed., Omega, 2018.

Stryer L., Berg J.M., Tymoczko J.L. Bioquímica, 7. ed, Reverté, 2013.

Tymoczko J.L., Berg J.M., Stryer L. Bioquímica Curso básico, 1. ed, Reverté, 2014.

Gehiago sakontzeko bibliografia

Herráez A. Texto ilustrado e interactivo de Biología Molecular e Ingeniería Genética, 2. ed, Elsevier, 2012.
Murray R.K, Bender D.A., Botham Kathleen M., Kennelly P.J., Rodwell V.W., Weil P.A. Harper. Bioquímica ilustrada, 28 ed., McGraw Hill, 2009.
Baynes J.W., Dominiczak M.H. Bioquímica Médica, 3ª ed. Elsevier Mosby, 2011.
Wilson K., Walker J. Principles and techniques of practical Biochemistry, 5th Edition, Cambridge Univ. Press, 2000.