Ikasgai honek Oinarrizko Programazioa ikasgaia osatzen du, diseinu algoritmikoari oinarri teorikoak gehituz.

Irakasgaia egin ondoren, ikasleak ondoko irakasketa emaitzak lortuko ditu:



1. Aplikazioak modu sendo eta seguruan analizatzen, diseinatzen, sortzen eta mantentzen jakitea.

2. Programak espezifikatzen, dokumentatzen, balidatzen eta egiaztatzen jakitea.

3. Programen inguruko propietateak justifikatzen eta arrazonatzen jakitea.

4. Kalitatearen ikuspegitik programen espezifikazioa eta dokumentazioa baloratzen jakitea.

5. Iterazioa eta errekurtsibitatearen arteko erlazioa ezagutzea eta programak transformatzeko teknikaren menperatzea.

6. Programak espezifikatzeko eta diseinatzeko sistema formalen menperatzea.

1. gaia SARRERA: Espezifikazioa, zuzenketa eta kontratu bidezko diseinua.

2. gaia PROGRAMEN ESPEZIFIKAZIOA: Aurre-ondoetako espezifikazio formala.

3. gaia PROGRAMA ITERATIBOEN EGIAZTAPENA: Hoare-ren sistema formala.

4. gaia PROGRAMA ERREKURTSIBOEN DISEINU ETA EGIAZTAPENA.

5. gaia DMA-en ESPEZIFIKAZIO EKUAZIONALA: Datu-mota abstraktuak.

6. gaia PROGRAMA ERREKURTSIBOEN TRANSFORMAZIOA: Burstall-en metodoa

Eskola ordutegian taldelana, eztabaida eta ariketen emaitzen aurkezpena sustatzeko aktibitateak proposatuko dira. Era honetan ikastaroaren garapenean zuzeneko partaidetza bultzatuko da: ikaslearen motibazioa piztea dugu helburu. Gainera, laborategi praktiko bat egingo da, aurretik ikasleek ikasitako gidoi bat erabiliz.

Bestalde, ikasgai honek ikaslearen autonomia bultzatuko du hurbilpen metodologiko desberdinak erabiliz, besteak beste, problemen ebazpenen eztabaidak edo ikasgela iraulian oinarritutako ekimenak.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 90
  • Praktikak egitea (ariketak, kasuak edo buruketak) (%): 10

Ikasgai hau ebaluatzeko bi modu proposatzen dira: bukaerako ebaluazioa eta ebaluazio jarraitua.



Ebaluazio jarraitua eskola egun presentzialetan parte hartuko duten ikasleei bakarrik eskainiko zaie. Ebaluazio-aktibitateak ondokoak izango dira ebaluazio jarraituan:

ebaluazio jarraituarekin lotutako 3 proba idatzizkoak (%20, %40 eta %30) eta laborategi bat (%10). Ebaluazio-proba guztietan aurkeztea derrigorrezkoa da.



Lehenetsita, inskripzioa ebaluazio jarraituan egingo da. Ebaluazio jarraituari dagozkion idatzizko bigarren eta hirugarren proben artean ikasleak ez badu adierazten bukaerako ebaluaziora aldatu nahi duenik, ebaluazio jarraituan inskribatuta egotea behin betikoa izango da.



Ebaluazio jarrituari eutsi ahal izateko, ezinbestekoa izango da idatzizko lehen bi proben arteko nota 10 puntuetatik gutxienez 3 lortzea. Hau da, N1*0.2 + N2*0.4 >= 3, non N1 eta N2 lehenengo bi proba idatzizkoen notak diren. Gainera, 4 puntu edo gehiago duenak nota igotzeko beste proba idatzizko bat egiteko aukera izango du, ebaluazio jarraitua bukatu ondoren.



Bukaerako ebaluazioa egiten dutenek:



Lehenengo deialdia: ikasgaiaren %90a ebaluatzen duen idatzizko azterketa eta %10a ebaluatzen duen lan praktikoa (errekurtsibitatea) egin beharko dute. Lan praktikoa azterketa egin aurretik entregatu beharko dute.

%100a balio duen idatzizko azterketa idatzia.

Moodle plataforman agertzen den materiala eta aktibitateak: ikasgelan erabiliko diren gardenkiak zein ariketen eta laborategiaren enuntziatuak.

Oinarrizko bibliografia

- Especificación, Verificación y Derivación Formal de Programas.

Alvez J., Arregi X., Gaintzarain J., Lucio P., Maritxalar M. Pearson, 2015.

- Programazioaren Metodologia.

Alvez J., Arregi X., Lucio P., Maritxalar M. Open Course Ware. UPV/EHU. 2013.

- Metodología y Tecnología de la Programación II. M. Díaz Roca,, J. C. Rodríguez del Pino. Univ. Palmas Gran Canaria, 2004.

- Verificación de Programas y Metodología de la Programación. A. Díaz de Ilarraza, P. Lucio. Servicio Editorial Universidad del País Vasco, 1990.

- Program Derivation. The Development of Programs from Specifications. G. Dromey. Addison-Wesley, 1989.

Gehiago sakontzeko bibliografia

- Program Construction and Verification. R. C. Backhouse. Prentice-Hall, 1986.
- Programación metódica. J.L. Balcázar. MacGraw-Hill, 1993.
- Diseño de Programas.- Formalismo y Abstracción. Ricardo Peña. Prentice Hall, 1998.

Aldizkariak

- Acta Informatica
- Programming and Computer Software
- Science of Computer Programming
- Software Quality Journal
- Transactions on Software Engineering and Methodology

Web helbideak

http://en.wikipedia.org/wiki/Formal_verification
http://en.wikipedia.org/wiki/Design_by_contract
http://en.wikipedia.org/wiki/Collatz_conjecture
http://ocw.ehu.es/course/view.php?id=191