Fisika garrantzitsua da Energia Berriztagarrietarako Graduan, energiaren kontzeptua bere aldaera eta transformazio ezberdinetan ezagutzea ahalbidetzen baitu.



Graduaren barnean beharrezkoa da gai hau hurrengo ikasturteetan landuko dituzten beste gai batzuen oinarri gisa, nola diren: Zirkuitu Elektrikoak, Makina elektrikoak, Erregulazio Automatiko eta Kontrola, Eguzki Energia Fotoboltaikoa, Energia Berriztagarrietako Instalazio Elektrikoak eta Energiaren Bihurtze Prozesuetako Sistema Elektronikoak.

Aldi berean, Fisika II gaiak aurreko lau hilabetean ikusitako Fisika I, Aljebra, Kalkulua eta Kimika gaiak ditu oinarri.

Beste alde batetik, lauhileko honetan aldi berean, ematen diren Adierazpen Grafikoa, Energia Berriztagarrietarako Sarrera eta Analisi Matematikoa eta Numerikoa gaiekin ere erlazionatzen da zenbait alditan.

Ikastaro hau egitean erdietsiko diren zeharkako gaitasun garrantzitsuenak honakoak dira:

G007- Ingurune eleaniztunean eta jakintzagai askotarikoan lan egin

Honako ikaskuntza emaitzak erdiesten ditu:

- Arau ortografikoak eta gramatikalak errespetatzen ditu, testu akademikoak idaztean.

- Idatzizko komunikazio espezializatuan egiturak eta arauak erabiltzen ditu.

- Ideiak eta argudioak era ulergarrian komunikatzen dit, ezarritako irizpide formalekin bat etorrita.

- Euskararen erabilera testuinguru akademikora egokitzen du.



G012- Metodologia zientifikoa erabili kasuei aurre egiteko, hipotesiak eginez eta irtenbideak eta emaitzak aurkituz.

Honako ikaskuntza emaitzak erdiesten ditu:

- Behaketa sistematikoa erabiltzen du, hainbat egoerari buruzko gogoeta egiteko oinarrizko teknika gisa.

- Arazo edo egoera bat konpontzeko aukerak deskribatzen ditu, konponbide bakoitza argudiatuz.

- Arazo bat konpontzen du ekiteko modu bat aukeratuz hainbaten artean.

- Arazo baten konponbidean lortutako emaitzak analizatzen ditu, prozedura zientifikoren bat aplikatuta.



Horretaz gain,konponbide teknikoek gizartean eta ingurumenean duten eragina aztertu eta balioesten du, jasangarritasun-irizpideak aplikatuta.



Eta gaitasun espezifikoei dagokienez:

GE- Fisikako lege orokorrak, eremuak, uhinak, optika eta elektromagnetismoa ulertu eta jakin, ingeniaritzako zereginetan sortzen diren arazoetan erabili eta ebazteko.



Fisika II (Elektromagnetismoa eta Uhinak) egiten ari den ikasleak honako ikasketa-emaitzak erdietsiko ditu:



-Fisikako laborategiko tresnak erabili.

-Neurketa esperimentalen metodoak era egokian bildu eta erabili; ondoren, aurkitutako datuak interpretatuko ditu dagozkien lege fisikoekin lotuz.

-Higidura Harmoniko Sinplea beste Higidura periodikoetatik bereiziko du.

-HHS-an hasierako baldintzak erabiliz anplitudea, hasierako fasea, maiztasuna eta periodoa kalkulatuko ditu.

-Uhin Harmonikoen parametroak, ingurune batean hedapena eta uhinen gainezarpena ezagutuko ditu.

-Uhinen hedapen-abiadurak, uhinen intentsitatea eta uhinen arteko interferentziaren emaitzak kalkulatuko ditu.

-Errefrakzio eta islapen fenomenoen legeak erabiliko ditu argi-izpien hedapenean ispilu eta dioptrioetan.

-Eremu elektriko eta magnetiko kontzeptuak ezagutuko ditu. Zenbait karga-banaketa edo korronte-banaketetan eremu elektriko edo magnetikoaren intentsitateak kalkulatuko ditu Gauss-en edo Ampèreren legeak ,hurrenez hurren, erabiliz.

-Potentzialaren kontzeptua erabiliz deskribatuko du eremu elektrikoa ikuspegi energetikotik.

-Kapazitate, autoindukzio eta elkar-indukzio kontzeptuak ezagutu eta erabiliko ditu. Materialen propietate elektriko eta magnetikoak ere ezagutuko ditu.

-Eremu magnetikoak korronte baten gaineko indarra edo espira baten gaineko momentua kalkulatuko du eta eragin horien erabilpenak eta horietan oinarritutako tresnak ezagutuko ditu.

-Faraday eta Lenz-en legeak erabiliko ditu korronte induzitua aurkitzeko, zirkuitu bat eremu magnetiko aldakor baten barnean dagoenean edo, eremu magnetiko konstante baten barnean sartzen edo ateratzen ari denean.

-Espektro elektromagnetikoaren eremu ezberdinak ezagutuko ditu uhinen sorreraren arabera edo uhinek materiarekin duten elkarrekintzaren arabera.

1. gaia- Higidura oszilakorra.

Higidura harmoniko sinplea. Konposizioa. Oszilatzaileak. Oszilazio aske, indargetu eta behartuak.





2. gaia- Uhin-higidura harmonikoa.

Zeharkako eta luzetarako uhinak. Energia eta intentsitatea. Interferentzia.





3. gaia- Optika

Islapen legea eta errefrakzioaren Snell-en legea.





4. gaia- Eremu elektrikoa.

Coulomb-en legea. Karga baten eta karga-banaketaren eremua eta potentziala. Gauss-en legea. Eroaleak elektrostatikan. Kondentsadoreak.





5. gaia- Eremu magnetikoa.

Partikula kargatuen higidura eremu magnetikoaren barrena. Eremu magnetikoek korronte elektrikoarengan egiten duten indarra. Korronte zuzenak eta espira bateko korronteak sortutako eremu magnetikoa. Ampère-ren legea.





6. gaia- Denboraren menpeko diren eremuak.

Faraday eta Lenz-en legea. Elkar-indukzioa eta autoindukzioa. Eremu magnetikoaren energia. Oszilazio elektrikoak.





7. gaia- Maxwell-en ekuazioak.

Maxwell-en ekuazioak. Uhin elektromagnetikoak. Espektro elektromagnetikoa.





Laborategian zazpi saio eginen dira:





1. Praktika: Oszilazioak.

2. Praktika: Oszilazio bortxatuak. Erresonantzia. Uhinak. Uhin geldikorrak.

3. Praktika: Uhinak. Optika.

4. Praktika: Eremu elektrikoa. Kondentsadoreak.

5. Praktika: Korronte-balantza.

6. Praktika: Eremu magnetikoa.

7. Praktika: Eremu elektromagnetiko aldakorrak.

Fisika gaia bi ikasgaietan banatu da. Bietan teoria, buruketak eta laborategiko praktikak eginen dira.



Teoria eta buruketak gelan egiten dira. Teoria zati bakoitzari ariketa eta buruketa multzo bat dagokio, ikusitako kontzeptuak zuzenean erabiltzeko eta ondoren, beste multzo bat kontzeptu ezberdinak elkarrekin erlazionatzeko. Eskola-orduetan gaiaren oinarriak eta kontzeptu berriak jorratuko dira. Etxean gelan ikusitakoa aplikatuz ariketak eginen dira, ondoren gelan zuzenduko direnak.



Hamabostean behin laborategiko bi orduko saioa egiten da. Laborategiko 7 praktika eginen dira, beti eskola-orduetan eta etxean lantzen ari denarekin loturik egonen direnak eta kronologikoki bat eginen dutenak. Laborategian, beti, talde txikitan lan eginen da. Saiakuntzetan jasotako datuei tratamendu egokia emanen zaie programa informatikoen bidez (Capstone erabiliko dugu datuen tratamendua egiteko eta askotan Pasco etxeko sentsoreak datuak biltzeko edo neurtzeko) eta, ondoren, interpretatuko dira emandako teoriaren argitan. Laborategian egindako praktikaren txostena talde-lanean egin behar da laborategi eta gelatik kanpo eta hurrengo praktika egin aurretik eman behar zaio irakasleari. Txostenak era egokian egitea garrantzitsua da.



e-gela erabiliko da irakaskuntza-materiala eskuratzeko, galdera-sortak egiteko (irakaskuntza aktiboetan) eta, azkenik, ikasturtean zehar ikasleak erdietsitako nota guztiak bertan azalduko dira. Plataforma hau erabiliko da, baita, ikasleek beraien lanak igotzeko eta, ondoren, irakasleek lan horiek zuzenketekin itzultzeko.



Garapen Iraunkorreko Helburuak lantzeko lanak edo/eta ariketak egingo dira ikasleek jasangarritasun irizpideak aplikatu dezaten.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 75
  • Praktikak egitea (ariketak, kasuak edo buruketak) (%): 25

-Azterketa idatzia

-Praktikak egin (ariketak, buruketak edo kasuak)

-Taldeko lanak



Derrigorrezkoa da laborategiko saio guztietara agertzea. Horretaz gain, laborategiko praktikak gainditzeko saio bakoitzari dagokion txostena egin behar da, bakoitza dagokion epean emanez irakasleari. Irakasleak praktiketako notak jartzeko kontuan hartuko ditu egindako txostenak eta praktika egitean jarritako ekimena eta gogoa.



Teoria eta buruketen azterketa bat eginen da lehen lauhilekoa amaitzean eta, hortaz gain, bigarren lauhilekoaren erdi aldera lehen zatiaren proba eginen da. Ohiko deialdian, bigarren zatia bakarrik egin daiteke (lehen zatiaren proban gutxienez 10etik 5 atera bada) edo bi zatiak dituen azterketa osoa egin daiteke.

Azterketez gain, irakasleak kontuan hartuko du gelan egin beharreko lanetan (buruketa, ariketa edo kasua) parte-hartzea eta ekimena.

Bai teoria eta buruketen azterketan, bai praktiketan nahitaezkoa da gutxienez 4 puntu ateratzea 10etik hurrengo sistema erabili eta aprobatu ahal izateko; azken nota honela kalkulatuko da:



0.25 x praktiketako nota+ 0.75 x teoria-buruketetako nota

Horrela kalkulatutako notak gutxienez 5 balio behar du.



AZKEN EBALUAZIOAREN SISTEMA



Graduko eta lehenengo eta bigarren zikloko Ikasleen ebaluaziorako arautegiko 8. artikuluaren arabera, ikasleek eskubidea izango dute azken ebaluazio bidez ebaluatuak izateko. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoa hasten denetik kontatzen hasita. Kasu honetan, ikaslea azkeneko azterketa bakarrarekin ebaluatua izango da, alderdi praktikoa (laborategiko proba) ere izango duena. Alderdi praktikoak %25 balioko du eta teoria-buruketak %75. Derrigorrezkoa da alderdi bakoitzean 10etik 5, gutxienez, lortzea.





Edozein dela ere ebaluazio-sistema (jarraitua edo azken ebaluazio-sistema)osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.



UKO EGITEA



Araudi horretako 12. artikuluaren arabera, horrez gain, ikasleek aukera izango dute deialdiari uko egiteko. Horretarako, eskaria irakas­gaiko irakasleari egin beharko diote idatzi bidez eta irakasgaiaren irakaskuntza epe data amaitu baino hilabete bat lehenago gutxienez, irakasgaiaren ikasketen gidaliburuan hala agertuko dena.

Ikaslea ez bada idatzizko probara aurkezten, edozein deialditan, deialdiari uko egin diola ulertuko da eta «Aurkezteke» jarriko zaio.

Aurreko ataleko baldintza berak.

Ikaslearen lan-koadernoa

Franco, A. Interneteko Fisika-ikastaro elkarreragilea. http://www.sc.ehu.es/sbweb/fisika/

Oinarrizko bibliografia

Fishbanne-Gasiorowicz-Thornton, Fisika zientzialari eta ingeniarientzat. EHU (2008)



Tipler P.A. y Mosca G., Física para la ciencia y la tecnología. Editorial Reverté, S.A.

Barcelona, (2005).



Física, Vol. 1 y 2. Serway. Raymond A. Editorial Thomson (2003).

Gehiago sakontzeko bibliografia

Etxebarria, Fisika orokorra. Udako Euskal Unibertsitatea (2003)

Alonso, Finn. Física. Addison-Wesley Interamericana (1995)

Franco, A. Interneteko Fisika-ikastaro elkarreragilea. http://www.sc.ehu.es/sbweb/fisika/

Aldizkariak

Physics Teacher Online, http://scitation.aip.org/tpt/
Physics Education, http://www.iop.org/EJ/journal/PhysEd
Elhuyar, http://www.elhuyar.org

Web helbideak

http://www.hiru.com/fisika
http://eu.wikipedia.org/wiki/Fisika
http://www.fisicahoy.com/fisicaUAM/problemas/fisica.html