"Ekonomiarako Sarrera II: Makroekonomiaren Oinarriak” 6 kredituko derrigorrezko irakasgaia da, 1. ikasturteko bigarren lauhilekoan kokatzen dena. Irakasgai honen helburua ondasun eta zerbitzuen merkatua eta diruaren merkatua ikastea da (epe laburreko testuinguruan), honela ekoizpen osoa eta interes tasa nola finkatzen diren ulertu ahal izateko. Arreta berezia ipintzen zaie moneta-politika eta zerga-politiken helburuei, eta beren ondorio ekonomikoei.



Gainerako irakasgaiekiko erlazioa

Enpresen Administrazio eta Zuzendaritzako Gradua bost modulutan antolatuta dago, eta "Ekonomiarako Sarrera II: Makroekonomiaren Oinarriak” irakasgaia lehenengo moduluan barne hartzen da (M01), oinarrizko edukien atalean. Ezagutza alorrari dagokionez, "Ekonomiarako Sarrera II: Makroekonomiaren Oinarriak” irakasgaia, Ekonomia orokorraren ikasketa jorratzen duten sei irakasgaietako bat da, Ekonomia Aplikatuaren eremuan kokatzen dena. Honez gain, "Ekonomiarako Sarrera I: Mikroekonomiaren Oinarriak” (1. Ikasturtea, 6 kreditu, oinarrizkoa), eta beste lau irakasgai daude: “Mikroekonomia” (2. Maila, 6 kreditu, oinarrizkoa), “Egitura ekonomikoa” (2. Maila, 6 kreditu, derrigorrezkoa), “Makroekonomia” (3. Maila, 6 kreditu, derrigorrezkoa) eta “Nazioarteko Finantza Sistema” (4. Maila, 5 kreditu, hautazkoa).

"Ekonomiarako Sarrera II: Makroekonomiaren Oinarriak” irakasgaia 1. Ikasturteko 2. Lauhilekoan ikasten da, lehenengo lauhilekoan "Ekonomiarako Sarrera I: Mikroekonomiaren Oinarriak” irakasgaia ikasi ostean (bertan merkatuaren oinarrizko funtzionamendua ikasi da aurretiaz). Halaber, ondoren etorriko diren irakasgaiak ulertu ahal izateko ezinbestekoa da, hau da: “Egitura ekonomikoa”, “Makroekonomia” eta “Nazioarteko Finantza Sistema” (Finantza ikasketen Minorrean hautazkoa dena).

GAITASUN OROKORRAK, Titulazioaren Oinarrizko Edukiekin erlazionaturikoak (M01)

G2: Enpresa edo erakunde bat zuzendu eta antolatzea, haren kokapen lehiakorra eta erakunde-kokapena ulertu eta haren sendotasunak eta ahultasunak identifikatuz.

G3: Iturri desberdinak dituen informazioa bilatu, identifikatu, aztertu eta laburtzea enpresaren egoera eta hark izan dezakeen bilakaera baloratzeko gaitasun kritikoarekin; arrazoitutako iritziak ematea eta ekonomia, enpresa, gizartea eta etikarekin zerikusia duten gai garrantzitsuei buruzko erabakiak hartzea.



ZEHARKAKO GAITASUNAK Titulazioaren Oinarrizko Edukiekin erlazionaturikoak (M01)

T1: Ikasleak gai izatea talde-lanean aritzeko, arduraz eta errespetuz, iniziatiba eta lidergoa erakutsiz.

T2: Ikasleak gai izatea idatziz nahiz ahoz erraztasunez komunikatzeko.

T4: Eskuratutako gaitasunak bere lanean aplikatzeko gaitasuna, enpresen antolakuntza eta zuzendaritzako edozein eremutan.

T6: Ikaskuntza-gaitasunak garatzea, autonomia maila altu bat eskuratzeko.



IRAKASGAIAREN BERARIAZKO GAITASUNAK

E1. Makroekonomiako oinarrizko aldagai eta erlazioak azaldu eta neurtzen jakitea.

E2. Diruaren erakuntzan eragiten duten mekanismoak ulertzea eta kuantifikatzea, eta banku zentralak zein merkatal-bankuek jokatzen duten papera ulertzea. Halaber, moneta politikaren oinarrizko tresnak barneratzea.

E3. Orekako errenta maila eta interes tasa finkatzeko eta azaltzeko gai izatea ekonomia itxian (IS/LM eredua erabiliz)

E4. Moneta-politika eta zerga-politiken helburuak barneratzea eta hauek jarduera ekonomikoaren gain dituzten eraginen jabe egitea.

E5. Errenta, banaketa eta aurrekontu jakin batzuen arabera moneta- eta zerga-politikak diseinatzeko gaitasuna.

1. gaia. Oinarrizko agregatu makroekonomikoak. Produkzio nominala eta erreala. Inflazio-tasa eta prezio-indizeak. Langabezia-tasa. Hazkunde-tasak. Okunen legea. Ziklo ekonomikoak. Kontabilitate Nazionala. BPGa. Oinarrizko identitate makroekonomikoak. Eskari agregatua eta eskaintza agregatua.



2. gaia. Ondasun-merkatua. Eskari agregatuaren osagaiak. Kontsumo-funtzioa. Aurrezki-funtzioa eta inbertsioa. Aurrezkiaren paradoxa. Sektore publikoa eta aurrekontua. Kanpo sektorea. Orekako errentaren zehaztea. Biderkatzaile keynestarra. Egonkortzaile automatikoak.



3. gaia. Diru-merkatua. Banku zentrala, dirua eta kreditua. Diru-eskaintza. Diru-biderkatzailea. Diru-eskaria. Diru-merkatuko oreka eta interes-tasa.



4. gaia. Dirua, interes-tasa eta errenta. Ondasun-merkatua eta IS erlazioa. Diru-merkatua eta LM erlazioa. IS-LM eredua. Politika monetarioak eta fiskalak.

Astean hiru klase teoriko dira norbanako lanari zuzendurikoak, eta klase praktikoen ordu bat astean taldeka lan egiteko. Taldeak lau pertsonakoak izango dira (ikaskideen artean antolatua), klase teorikoetan landuriko edukiak garatzeko ariketa eta kasu praktikoak ebazten jardungo dutenak klase praktikoetan.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 65
  • Praktikak egitea, ariketak, kasuak, buruketak eta test (%): 35

Proposaturiko ebaluazio sistema jarraia da. Nolanahi ere, ikaslegoak ebaluazio ez-jarraiaren bitartez ebaluatzeko aukera izango du (nahiz eta ebaluazio jarraian partehartu aurretiaz); horretarako, irakasleari eskaera idatziz aurkeztu beharko dio, irakasgaiaren klaseak amaitu baino hilabete lehenago.



EBALUAZIO JARRAIAREN SISTEMA

Honako ebaluazio sistema jarraia proposatzen da:



a) kontrolak eta ikasturtean zehar egindako probak: kalifikazioaren %35eraino.

b) azterketa finala: kalifikazio finalaren gainontzeko portzentajea, ikasturtean

izandako ikasketa-emaitzen arabera.



AZKEN EBALUAZIOAREN SISTEMA

Azken azterketa: puntuazioaren %100



UKO EGITEA

Bai ebaluazio jarraia eta baita ez-jarraiaren kasuan ere, azterketa ofizialera ez aurkezteak automatikoki deialdiari uko egitea dakar eta aktan EZ AURKEZTUA jarriko du.

Ohiko deialdian irakasgaia gainditu ez dutenek, edozein ebaluazio sisteman izanik ere, ez-ohiko ebaluazioko froga eta azterketan aurkezteko eskubidea dute.



- Ikasturtean zehar ebaluazio jarraiaren bidezko kalifikazio positiboa izanez gero, kalifikazio hori ikasturte bereko ez-ohiko deialdian gordeko da.

- ez-ohiko deialdian ebaluazio finalaren bidez ebaluatuko dira irakasgaiak

- ez-ohiko deialdiko ebaluazio finaleko frogak behar beste azterketa eta ebaluazio jarduera izango ditu, ohiko deialdian neurtu ziren ikasketa emaitzak neurtu ahal izateko.



UKO EGITEA

- azterketako data ofizialean ez aurkezteak automatikoki deialdi ez-ohikoari uko egitea ekarriko du, eta aktan EZ AURKEZTUA jarriko du.

Apunte osoak eta ariketak e-Gela plataforman izango dira esekita. Halaber, Fakultateko erreprografia zerbitzuan ere eskura daitezke irakasgaian erabiliko diren apunte zein ariketa guztiak.

Oinarrizko bibliografia

* GUENAGA, G.: “Makroekonomiarako sarrera”. Euskara Errektoreordetzaren Sare Argitalpena, UPV/EHU, 2010.

* DELONG, J.B. eta OLNEY, M.L.: “Makroekonomia. Bigarren argitalpena”. Deustuko Unibertsitatearen itzulpena. Deustuko Unibertsitatea, Donostia, 2009.

* BLANCHARD, O: "Macroeconomía", 4ª ed., Prentice Hall, Madrid, 2009.

* DORNBUSCH, R. FISCHER, S. Y STARTZ, R. "Macroeconomía" 10ª Ed. McGraw-Hill, México, D.F., 2009.BLANCHARD, O: "Macroeconomía", 4ª ed., Prentice Hall, Madrid, 2009.

* KRUGMAN, P. y WELLS, R.: "Introducción a la Economía. Macroeconomía", Ed.Reverté, Barcelona, 2009.

Gehiago sakontzeko bibliografia

* DELONG, J.B. eta OLNEY, M.L.: “Makroekonomia. Bigarren argitalpena”. Deustuko Unibertsitatearen itzulpena. Deustuko Unibertsitatea, Donostia, 2009

Aldizkariak

* Boletín Estadístico. Banco de España
* Cuadernos de Información Económica.
* Ekonomiaz
* Diario El País. Negocios
* Diario Expansión
* Diario Cinco Días

Web helbideak

Direcciones institucionales, fuentes estadísticas y bases de datos on line:
EUSTAT: http://www.eustat.es/idioma_c/indice.html#axzz2sLWceI00
INE: http://www.ine.es/
BANCO de ESPAÑA: http://www.bde.es/bde/es/
EUROSTAT: http://epp.eurostat.ec.europa.eu/portal/page/portal/eurostat/home/
FMI: http://www.imf.org/EXTERNAL/SPANISH/INDEX.HTM
BANCO MUNDIAL: http://www.bancomundial.org/

Noticias económicas
http://www.expansión.es
https://cincodias.elpais.com/

Enciclopedias virtuales
http://www.eumed.net
http://www.econolandia.es/