"Gizarte eta hezkuntza esku-hartzea talde kaltetuetan" ikasgaia hirugarren ikasturteko seigarren moduluan kokatzen da. Modulu honen xedea da ikasleek gizarte eta hezkuntza esku-hartzearen testuingurua (programak, egoerak, populazio-taldeak, esparruak) eta lanbide honetako funtsezko tresnak ezagutzea. Modulu honen bitartez, gizarte hezkuntzako esku-hartzearen esparru nagusietako eginkizunei eta prozedurei ekin nahi diegu, eta bereziki lehenetsi, gure testuinguruan eskari handiagoa duten, eta, beraz, enplegua lortzeko aukera gehiago eskaintzen dituzten esparruak:

Haurtzaroa, nerabezaroa, gaztaroa, familia, pertsona helduak, adinekoak, menpekoak eta testuinguru kaltetuetan aurkitzen diren pertsonak.

Ikaskuntza hori, hautazko ikasgaietako edukien lanketarekin osatzen da, zeintzuetan gaur egungo errealitatean esku-hartzeko gizarte esparruen aniztasuna (familia, kultura, hizkuntza-aniztasuna) sakontzen den, deontologia profesionalaren konpromiso sozialean eta etikoan oinarritutako gizarte hezkuntza inklusiboaren funtsezko elementu baitira.



Gizarte eta hezkuntza esku-hartzea talde kaltetuetako ikasgaiak arrisku-testuinguruak eta baztertze soziala (bazterketa, gutxiengoak, pobrezia, immigrazioa) pairatzen dituzten gizataldeetan sakontzen du eta honekin lotuta, esku-hartze aproposa egiteko ereduak eta erremintak aurkeztea du helburu.

Irakasgai honen lortu beharreko ezagutzak honakoak dira:

1. Talde kaltetuetako haur, nerabe eta helduen beharrizanak eta gabeziaren ondorio psikologikoak ezagutu.

2. Pertsona eta talde kaltetuetan gizarte eta hezkuntza esku-hartzea aurrera eramateko estrategiak eta ezagutza psikologikoak sakondu.



Zehazki, irakasgai honen bukaeran lortu nahi diren ikaskuntza emaitzak hauek dira:

1. Datu baseetan informazioa eskuratzeko gaitasuna izatea.

2. Talde kaltetuen profila (beharrak, ezaugarriak, egoera, motibazioak edo interesak) ezagutzea.

3. Talde kaltetuekin lan egiten duten elkarteak ezagutu eta enuntziatzea.

4. Talde kaltetuekin lan egiten duten erakundeen sarearen antolakuntza ezagutzea.

5. Talde kaltetuekin aurrera eramaten diren esku-hartzeen ezagutza adieraztea.

6. Talde kaltetuetan hautemandako premiei erantzuteko gizarte eta hezkuntzako programak, proiektuak edo/eta planak diseinatzeko gaitasuna aurkeztea.

7. Gizarte eta hezkuntzako gaiei buruzko ideiak, argudioak, etab. ahoz adierazteko trebetasuna izatea.

8. Dokumentuak idazteko trebetasuna izatea.

9. Taldean lan egiteko gaitasuna adieraztea.

10. Etengabeko prestakuntzarako jarrera ona edukitzea, gizarte eta hezkuntzako esku-hartzean eta laneko garapenean hobetzen laguntzeko.

Gizarte eta Hezkuntzako Esku-hartzea Talde Kaltetuetan irakasgaiak arrisku eta bazterketa sozial testuingurutako arazoetan sakontzen du (marjinazioa, gutxiengoak, pobrezia, immigrazioa) eta esku-hartzerako ereduak eta tresnak ematen dira.



1. Gizarte- eta hezkuntza-arloko esku-hartzea talde kaltetuetan. Hainbat kontzepturen definizioa.



2. Haurrak eta nerabeak. Definizio eta testuinguru kaltetuak haurtzaroan.



3. Helduaroa. Definizio eta testuinguru kaltetuak helduaroan.



4. Adinekoak. Definizio eta testuinguru kaltetuak pertsona nagusiengan.

Irakasgai honetako edukiak irakaslearen azalpen, bakarkako eta taldeko jardueren bidez osatuko dira. Gainera, metodologia aktiboa erabiliko da, kasuaren edo proiektuen bidezko metodologia aplikatuz.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Ohiko edo ezohiko deialdiaren ebaluazio-sistema (%): 100

Ebaluazioa, ikastetxe eta modulu bakoitzaren ezaugarri espezifikoetara eta horietan adostutako irakaskuntza-modalitateetara egokituko da.

Irakasgaiko ebaluazio-sistemak bi modalitate ditu: ETENGABEKO eta AZKEN ebaluazioa.



ETENGABEKO EBALUAZIOA edo EBALUAZIO JARRAIA



Irakasgai honen ebaluaketak hiru alderdi ditu:



. Bakarkako lanak (%10-30).

. DILAN, Moduluko Disziplina Arteko Lana (%15-20)

. Talde lanak (%35-50)



DILAN ari dagokionez ikasle guztiek lan honetan landutako irakasgaiko ezagutzak menperatu beharko dituzte baina hauen frogapena baldintza hauen araberakoa izango da:

-Moduloko 3 irakasgai edo gehiagotan matrikulatutako etengabeko ikasle presentzialek, taldekako DILANa egin behar dute.

Graduko titulazio ofizialetako ikasleen ebaluaziorako arautegiaren 12.2. artikuluaren arabera, etengabeko ebaluazioaren kasuan, azken probaren pisua bada irakasgaiko kalifikazioaren % 40 baino handiagoa, nahikoa izango da proba horretara ez aurkeztea azken kalifikazioa "aurkezteke" izan dadin. Aldiz, azken probaren pisua bada irakasgaiko kalifikazioaren %40a edo hori baino txikiagoa, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.



-Moduloko 3 irakasgai edo gehiagotan matrikulatuta ez dauden etengabeko ikasle presentzialek, DILANaren inguruan irakasgaian landutako ezagutzen inguruko txostena egingo dute. Hala ere, nahi izanez gero aukera izango dute talde batean txertatu eta moduluko irakasgaiak barne hartzen dituen disziplina arteko lana egiteko, nahita irakasgai guztietan matrikulatuta ez egon.







AZKEN EBALUAZIOA



Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoa hasten denetik kontatzen hasita.



Modulu berean 3 irakasgai edo gehiagotan matrikulatuta izanik eta 3 irakasgai edo gehiagotan azken froga eskatzen duten ikasleek, EZ dute DILAN-a egin beharko. Hala ere, ikasleak irakasgai bakoitzaren azken froga horretan, irakasleak aukeratutako frogak, testak, azterketa mota, aurkezpenak edo/eta praktikak egin beharko ditu, irakasgaian eta moduluan eskuratu behar diren edukien ezagutza, ikaskuntza emaitzak eta gaitasunak bermatzeko.



Araudiaren arabera (2016ko abenduaren 155ekoa, Universidad del País Vasco / Euskal Herriko Unibertsitatekoaren Gobernu Kontseiluarena, Graduko Titulazio Ofizialetako Ikasleen Ebaluaziorako Arautegia onartzeko):

1.– Deialdiari uko egiten dioten ikasleek «aurkezteke» kalifikazioa jasoko dute.

2.– Etengabeko ebaluazioaren kasuan, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.

3.– Azken ebaluazioaren kasuan, azterketa egun ofizialean egin beharreko probara ez aurkezte hutsak ekarriko du automatikoki kasuan kasuko deialdiari uko egitea.



* COVID19 pandemia egoera dela eta konfinamendua izazen gero, ebaluazio siatema hau izanen da:



- Ikasle presentzialak: ebaluazioa berdin eginen dugu, lanen defentsak eta aurkezpenak era telematikoan egingo dira.



- Ikaslego ez presentziala: ikasle bakoitzak ikasgaiean ikusi ditugun moduluetako testuen eskema eta laburpen bat entregatu beharko du.



Garrantzitsua: irakaskuntza-gida honetako atalak moduluen gidetan eta irakasgai bakoitzeko ikaslearen gida espezifikoan zehaztu eta azalduko dira. Ikasleek gida horiek kontsultatu beharko dituzte, eta izan ditzaketen zalantzak argitu irakasgaia ematen duen irakaslearekin.

1.– Irakasgaia ohiko deialdian gainditzen ez duten ikasleek, hautatutako ebaluazio sistema gorabehera, eskubidea izango dute ezohiko deialdiko azken ebaluazioko proba osatzen duten azterketa eta jardueretara aurkezteko.

2.– Ezohiko deialdietan irakasgaiak ebaluatzeko sistema bakarra azken ebaluazioa izango da.

Irakasgaiko hezkuntza gidak.

Oinarrizko bibliografia

Ararteko (2006). Respuesta a las necesidades básicas de las personas sin hogar y en exclusión grave. Ararteko.

Barudy, J. (1998). El dolor invisible de la infancia. Una lectura ecosistémica del maltrato infantil. Paidós.

Castillo, S., Cabrerizo, J., eta Rubio, M. J. (2011). La práctica de la evaluación en la intervención socioeducativa. Materiales e instrumentos. Pearson.

Castillo, S., eta Cabrerizo, J. (2011). Evaluación de la intervención socioeducativa. Agentes, ámbitos y proyectos. Pearson.

González, E. (1996). Menores en Desamparo y Conflicto Social. CCS.

Guasch, M., eta Ponce, C. (2002) ¿Qué significa intervenir educativamente en desadaptación social? ICE, Universidad de Barcelona.

López, F., López, B., Fuertes, J., Sánchez, J. M., eta Merino, J. (1995). Necesidades de la infancia y protección infantil. Ministerio de Asuntos Sociales de Madrid.

Quintanal, J., Melendro, M., Rodríguez, A. E., eta Marí, S. (2016). Acción socioeducativa con colectivos vulnerables. UNED.

Vega, A. (1991). Pedagogía de inadaptados sociales. Narcea.

Gehiago sakontzeko bibliografia

Clemente, A. (1994). Intervención psicopedagógica y desarrollo humano. CSV.
De Paúl Ochotorena, J. (1987). Problemas de conducta en hijos de padres con trastornos psíquicos. En R. Alzate de Heredia (Ed.), Trastornos de conducta en la infancia. Universidad del País Vasco, Servicio Editorial.
Kotliarenco, M. A., Cáceres, I., eta Álvarez, C. (Eds.) (1996). Resiliencia: Construyendo en adversidad. CEANIM.
Lacasa, P. (1994). Escenarios interactivos en la relación niño-adulto. En M. J. Rodrigo (Ed.). Contexto y desarrollo social (pp. 79-116) Síntesis.
Rodrigo, M. J., eta Palacios, J. ( 1998). Familia y desarrollo humano. Madrid: Alianza Editorial.

Aldizkariak

Boletín de Exclusión social
Electronic Journal of Research in Educational Psychology
European Journal of Education and Psychology
Journal of Child Psychology and Psychiatry
Revista de educación social
Psicología Educativa
Revista de Intervención Socioeducativa
Revista de Psicodidáctica
Revista de Psicología de la Educación
Revista de Psicología social
Surgam. Revista de Orientación Psicopedagógica

Web helbideak

http://www.peretarres.org/
http://www.eduso.net/res/
http://www.campus-oei.org/revista/numeros_proximos.htm
http://www.psicologia.nu/Formacion_A_Distancia.shtml
http://www.derechosinfancia.org.mx/resiliencia_sitios.htm