Ingeniaritza Mekanikoa Graduko 3. mailako 1. lauhilekoan lantzen da. Aipatu graduaren 1. mailan landutako ezagutza eta gaitasunetan sakontzeko, proiektuak eginez. Horrela, 4. mailako irakasgaietan lantzen diren proiektuen bidea erraztuz, eta beren lanbiderako prestatuz ere.



Irakasgai: Adierazpen Grafikoan Sakontzen.

Kredituak: 6

Ikasturtea: 3.

Lauhilekoa: 1.

Ezaugarria: Nahitanahiezkoa



Adierazpen Grafikoan Sakontzen irakasgaia lantzeko ezinbestekoa 1. mailako Adierazpen Grafikoa izeneko irakasgaia gainditua izatea.



Eduki nagusiak:

1. Industri Diseinuaren Oinarriak

2. Ingeniaritza Mekanikorako Irudigintzaren erabilerak.

3. Diseinu Mekanikorako CAD aplikazio zehatzak.

Gaitasun zehatzak:



CE1. Industri Diseinuaren oinarriak zehatz ezagutuz, aztertuz eta aplikatuz Ingeniaritza Mekanikoaren proiektuak garatu.

CE2. Arauketa Ingeniaritza Grafikoan sakondu, Ingeniaritza Mekanikoarekin uztartuz.

CE3. Mekanismo mekanikoen atal ez arautuak diseinatu eta irudikatu egoki, eta atal arautua kera egokiak aukeratu eta zehaztu. Horretarako kontuan izanik, besteak beste, funtzioa, fabrikazioa, muntaketa, mantenimendua, etab.

CE4. CAD sistema baten aplikazio desberdinak ikasi, landu eta garatu.



Helburuak:



Planu mekaniko arautu mota desberdinak irakurri, ulertu eta garatu.

Ingeniaritza Mekanikoari dagokion proiektuak garatu, txostenak idatzi eta beren aurkezpenak egin.

Industri Diseinuaren ezagugutzak eta jarduerak proiektu mekanikoetan aplikatu.

Guztia hiztegi eta terminología egokia erabiliz.

Proiektuen inguruko ideiak sortu, eztabaidatu, garatu eta erabakiak hartu taldeka.

Diseinu mekanikoen proiektuak garatu.

Diseinu mekanikoaren inguruko arautegia, zehaztapenak eta legislazioa proiektuetan aplikatu.

1. Gaia: Industri Diseinuaren oinarriak: Diseinu zehaztapenak, Kontzeptu diseinua, akats eta ondorioen modu azterketa, fabrikaziorako eta muntaketarako diseinua, eta zehaztasun-diseinua.

2. Gaia: Diseinurako baliabideak: CAD.

3. Gaia: Mekanismoak. Atal ez arautuen diseinua, eta fabrikaziorako planoen garapena: forma geometrikoak mugatuz, neurriak eta ezaugarri teknologikoak mugatuz. Atal arautuen aukeraketa eta erreferentzia.

4. Gaia: Industri diseinuaren plano teknikoak.

5. Gaia: Diseinu Mekanikorako Ordenagailuz Urgatzitako Diseinu programak: CSG zuhaitzak, CAD modelaketa: oinarrizkoa eta parametrikoa; muntaketa eta planoak.

Industri Ingeniaritzaren arloko agertoki errealak aurkeztuz lehendabizi. Ondoren, arazo erreal horiei irtenbidea aurkitzeko ikasleek "ikasketa-helburuak" eta gaiak aurreikusi eta zehaztu, irakaslearen laguntzarekin behar izanez gero. Jarraian, zehaztutako gaiak ikasleek ikasi, eta ikasitakoa ziurtatu. Eta ondoren, ikasitako agertokiari dagokion arazoari aplikatu eta ebatzi. Eta amaierako ikasketa aurkezgaiak aztertu, bakarka eta era bateratuan. Prozesu osoa ebaluazio jarraian oinarritzen da, unean uneko iradokizunak eskainiz ikasleari, beren ikasketa beharrari egokituz.



Horrela, ikasleak ariketa eta/edo proiektuak ebazteko modu aktiboan aritzea bere ikasketa prozedura ebaluatzeko (formakuntzarako autoebaluazioa).

Eskakizun maila honi jarraituz, ikasleari jarraiako lana eskatuko zaio, askotan bere kabuz egitea espero dena.

Irakasleak, orientatzaile moduan, ariketa eta/edo proiektua planteiatu egingo ditu, hauen bidez ikasketa beharrak ikusteko. Irakaskuntza-ikaskuntza prozedura jarraituko du, eta egiten den moduari atzerako elikadura emango dio.

Irakaskuntza-ikaskuntza prozedurak gidatzeko formakuntzarako ebaluazioa erabiliko da (autoebaluazioa eta irakaslearen oharrak). Ikastaldiaren bukaerako emaitzak neurtzen dira (batuketako ebaluazioa).

Ikaslea proiektuak egiteko taldean lan egingo du, modu honetan ezagutza lortzeko eta aplikatzeko elkarren artean lagunduz (elkar-trukatze tekniko eta kulturala). Bai irakaslearengandik eta bai beste ikasleengadik ikastea espero da.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 50
  • Ahozko defentsa (%): 10
  • alde lanak (arazoen ebazpenak, proiektuen diseinuak) (%): 40

A aukera: EBALUAZIO – JARRAIA: Ohiko eta ez-ohiko deialdiak



Ebaluazio jarraiak lehentasuna izango du, ikaslearen lanak, ikaslanak eta lortutako gaitasunak baloratuko direlarik: bakarka zein taldeka, aurrez-aurre zein eskola-saioz kanpo.



Ohiko deialdian irakasgaiaren atalen bat gainditu gabe utziz gero ikasleren batek, aukera izango du gainditu gabeko kasuan-kasuko atalak ez-ohiko deialdian gainditzeko, ikasturte beraren barruan.



1. Ikaslana: ARIKETA TEORIKO-PRAKTIKOAK (planoak esku-hutsez, CAD). Pisua: % 10

Helburua: Ingeniaritza-atalen forma, neurriak eta ezaugarri teknologikoak mugatu, beren perspektiba adierazgarriaz lagundurik. Guztia era ulergarri, argi eta neurriko zehaztasunarekin.

Ebaluazioa: planoak zuzentzeko ezaugarri zerrenda.



2. Ikaslana: PROIEKTUA TALDE-LANEAN. Pisua: % 40

Helburua: Ingeniaritza-mekanismo baten diseinua landu, diseinuaren oroitidazkia idatziz, eta garatutako lana aurrez-aurre aurkeztuz.

Ebaluazio irizpideak: a) Planoak zuzentzeko ezaugarri zerrendak, b) 3D modelaketa eta planoen ezaugarri zerrendak, c) guztia zehatz, argi eta garbi landurik, eta egoki eta ulergarri antolaturik.

Ebaluazioa: proiektuaren astez-asteko jarraipena, proiektuaren oroitidazkia (% 30) eta, aurrez-aurreko aurkezpen defentsa (%10).



3. Ikaslana: AZTERKETA-FROGAK BAKARKA: ariketa teoriko-praktikoak eta CAD azterketa. Pisua: % 50

Helburua: Bakarka, irakasgaian zehar landutako ariketa teoriko-praktikoak garatu, azterketa-denboraren barruan. Guztia era ulergarri, argi eta neurriko zehaztasunarekin.

Ebaluazioa: Ikaslanak eta planoak zuzentzeko ezaugarri zerrenda.



Horrela, ebaluazio jarraiaren bidez, ohiko edo ez-ohiko deialdian, irakasgaia gainditzeko adierazitako ikaslan bakoitza (Plano-bilduma, Proiektua eta bakarkako azterketa) era bereizian gainditu behar dira. Aldi berean, behin ikaslan bat gainditu ondoren, ikasturte horretarako, gainditurik geratzen da.



B aukera: EBALUAZIO EZ JARRAIA

a) Ebaluazio jarraiari uko egiteko: Ikasleak aukera du ebaluazio-jarraitik ateratzeko, eta “amaierako froga bakarra” (behar beste azpifroga edo ikaslanez osatua) eskatu. Horretarako, kasuan-kasuko irakasgaia-taldeko arduradunari idatzi formala helarazi behako dio, kasuan-kasuko ikasturtearen 9. astea baino lehen.

b) Ebaluazio jarraiari uko eginez gero:

Aipatu “amaierako azterketa frogak” (% 100) bi atal nagusi izango ditu:

-. Azterketa teoriko praktikoa (% 60)

-. CAD azterketa (% 40): pieza, mekanismo eta planoa.

Eta bata zein bestea, behar beste ariketaz osatua egongo da, gidan adierazitako eta ikasturtean zehar landutako ezagutza eta gaitasun guztiak neurtze aldera. Azterketa teoriko-praktikoak izango duen atal bat ebaluazio jarraia egin dutenen berdina, eta aurrekoari gehituta atal osagarri bat (eskola-saioetan azaldutakoaren adierazle) ebaluazio jarraitik atera diren ikasleentzako.



Ebaluazio irizpideak: a) Planoak zuzentzeko ezaugarri zerrendak, b) 3D modelaketa eta planoen ezaugarri zerrendak, c) guztia zehatz, argi eta garbi landurik, eta egoki eta ulergarri antolaturik.



Horrela, ebaluazio ez jarraiaren bidez gainditu ahal izateko, azterketa (Teoriko Praktikoa zein CAD azterketa) bakoitza era bereizian gainditu (>5 puntu) beharra dago.

Irakasgaiaren atalen bat (proiektua edo azterketa) gainditu ezean, gainditu gabeko atalaren nota izango da irakasgaiaren nota.

Ebaluazio irizpideak ohiko deialdiarentzako adierazitako berdinak.



EBALUAZIO JARRAIAREN JARRAIPENA

Ebaluazio-jarraia jarraitu dutenentzako: aurrez atalen bat (proiektua edo azterketa) gainditua badute, soilik gainditugabeko atala landu edo aztertzeko aukera dute.



EBALUAZIO EZ JARRAIA

Ebaluazio ez jarraia osatzen duten AZTERKETAren bat (Teoriko Praktikoa edo CAD azterketa) gainditua badu ohiko deialdian, aipatu azterketa egin beharrik ez du.



Irakasgaiaren atalen bat (Ebaluazio jarraian: proiektua edo azterketa // Ebaluazio ez jarraian: azterketa Teoriko Praktikoa edo CAD azterketa) gainditu ezean, gainditu gabeko atalaren nota izango da irakasgaiaren nota.

Marrazketarako beharrezkoa den materiala: arkatzak (bi lodieratako) erregela, eskuadra, kartaboia, etab. Eta aukera duenak ordenagailua.

Oinarrizko bibliografia

eGElan irakasgaiarentzako informazioa, bertatik irakasleak irakasgaiarentzako prestatutako blogetara sartuz irakasgaiarentzako ikasketa baliabideak ikasleentzako eskura.



AENOR Normas UNE sobre Dibujo Técnico. Tomo 3 Normas Fundamentales. AENOR 823 páginas ISBN-84-8143-053-8



FELEZ, Jesús; MARTINEZ M. Luisa. Ingeniería Gráfica y diseño. Madrid. 1ª Edición. (Editorial Síntesis 2008).867 páginas. ISBN 978-84-975649-9-1

Gehiago sakontzeko bibliografia

CHEVALIER, A. Dibujo Industrial. Limusa Noriega Editores. México. 1998.

FRENCH, T., VIERCK, CH. "Dibujo de Ingeniería". Editorial McGraw Hill. México, 1977

Brusola, F.; Calandin, E.; Baixauli, J. y Hernandis, B. ACOTACIÓN FUNCIONAL. Ed. Tebar Flores, Madrid (1986).

Aldizkariak

http://revista.robotiker.com/revista/index.jsp
SIEMENS PLM Newsletter

Web helbideak

- www.aenor.es
- www.iso.org
- https://docs.plm.automation.siemens.com/tdoc/nx/10/nx_help/#uid:index
- http://revista.robotiker.com/revista/index.jsp
- www.grabcad.com