Honako gaitasun hauek izateko edukiak biltzen ditu ikasgaiak: espazio-zentzua edukitzea, eta metodo tradizionalen bidez eta ordenagailuren bidezko adierazpen grafikoko teknikak ezagutzea. Irakasgai hau eta ADIERAZPEN GRAFIKOA I irakasgaia elkarren osagarri dira.

GAITASUN ZEHATZAK



M01CM02 - Ikuskera espazialerako gaitasuna eta adierazpen grafikorako teknikak, bai geometria metriko eta deskriptiboaren metodo tradizionalen bidez eta bai ordenagailuz lagundutako diseinurako aplikazioen bidez.



GAITASUN OROKORRAK (1. maila)



MEC1 - Ikasleek frogatzea lehen mailan landutako gaiak bereganatu eta ulertu dituztela, beren aurreko ezagutzetan zimendaturik.



MEC2 - Lehen mailako gaiei buruzko ariketa espezifikoak ebaztea modu arrazoituan.



MEC3 - Graduko lehen mailari dagozkion problema zientifikoak ebazteko datu pertinenteak bildu eta interpretatzea.



MEC4 (idatzia) - Idatziz modu argi eta egituratuan adieraztea bai norberaren ideiak eta bai irakasgaiaren edukiak, hiztegi espezifikoa erabiliz.



MEC5 - Jarrera positibo eta arduratsua garatzea, eta irakasleek aurkeztutako kontzeptuak ulertu eta bereganatzea.

1.- ARAUGINTZA

Hizkuntza teknikoa. Normalkuntza. Lerroak, errotulazioa, eskalak, formatuak, inskripzio-laukiak, planoen tolestea.



2.- ARAUTUTAKO IRUDIGINTZA (I)

Irudigintza-sistemak. Bista arautuak. Falta den bista irudikatzea. Europar eta amerikar sistemak. Beharrezkoak eta nahikoak diren bistak. Bista bereziak. Hitzarmenezko irudikapenak. Garatutako bistak. Bista laguntzaile bakunak eta bikoitzak. Ebakidurak: osoa, erdia, plano paralelozkoa, biratutakoa, laguntzailea, xehetasunekoa eta etena. Ebakitzen ez diren elementuak. Sekzioak. Hausturak.



3.- ARAUTUTAKO IRUDIGINTZA (II)

Akotazioaren zergatia. Ezaugarriak. Sailkapenak. Akotatzeko hastapen orokorrak eta zehatzak. Akotazioaren elementuak: lerroak eta inskripzioak. Akotazio-sistemak. Pieza baten zehazpen geometrikoa. Krokisak.



4.- ARAUTUTAKO IRUDIGINTZA INGENIARITZAN

Ingeniaritzako alorrak. Ingeniaritzako elementuak eta instalazioak irudikatzea. Irudikatzeko araugintza ingeniaritza alorretan.



5.- ARAUTUTAKO PERSPEKTIBAK

Perspektiba-sistemak. Araututako perspektiben aplikazioak irudigintza teknikoan. Perspektiba axonometrikoa.



6.- ORDENAGAILUREN BIDEZKO IRUDIGINTZA (OBI).

OBIren aplikazioa araututako irudigintzan: planoan. OBIren aplikazioa objektuen eta egituren 3D-ko diseinuan. OBIren aplikazioak ingeniaritza alorreko objektu, gainazal eta egituren araututako irudigintzan.

Ikasgai magistralak eta ariketa praktikoak (batzuk ikasgelan bertan, beste batzuk eskola-orduetatik kanpo).



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 53
  • Praktikak egitea (ariketak, kasuak edo buruketak) (%): 36
  • alde lanak (arazoen ebazpenak, proiektuen diseinuak) (%): 11

Ebaluatzeko irizpide orokorrak (aurrez aurrekoa edo online, beharrezkoa bada):



Irakasgaia, independenteki gainditu behar diren bi zatik osatzen dute:

1. Irudigintza teknikoaren normalizazioa (notaren % 75)

2. Ordenagailuren bidezko irudigintza (notaren % 25)



Bi zatiak behin gainditurik, bi zati horien batezbesteko haztatua izango da irakasgaiaren azken nota.



Azken ebaluazio bidez ebaluatuak izateko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoa hasten denetik kontatzen hasita.



Ebaluatzeko irizpide espezifikoak:

1. zatia - Irudigintza teknikoaren normalizazioa

Ebaluazio jarraitua ohiko deialdian:

- Asteroko praktikak (% 15)

- Azterketa partziala (% 30)

- Taldeko lana (% 15)

- Azken azterketa (% 40); atera beharreko gutxieneko nota = 3,5



2. zatia - Ordenagailuren bidezko irudigintza

- Eskola-orduetan egindako ariketetan lortutako nota (klasera etortzea nahitaezkoa da). Kasu batzuetan, azterketa oso edo partzial bat egingo litzateke.

Ezohiko deialdian azken azterketa (aurrez aurrekoa edo online, beharrezkoa bada) besterik ez da egingo (gutxienez 5 puntu atera beharko da).



Halaber, talde-lana gaindituta izan behar da; ezohiko deialdian entregatu ahal izango da lan hori. Talde-lana entregatu ez bada, ordezko azterketa bat egingo da.

- Programatutako praktika-bilduma
- Marrazteko tresnak

Oinarrizko bibliografia

- Etxeberria, P., Adierazpen grafikoa II. Apunteak, 2019

- Espinosa, M.M., Domínguez, M., Fundamentos de dibujo técnico y diseño asistido, 2002

- Bartolomé, R., Perspectiva: fundamentos y aplicaciones. Axonométrico, caballera, cónico, 2000

- AENOR, Normas UNE sobre Dibujo Técnico. Obra Civil y Edificación, 1997

Gehiago sakontzeko bibliografia

- Etxeberria, P., Taboada, I., Irudigintza teknikoa. Ariketa ebatziak, 2018
- Martí, J., Domínguez, J., Dibujo técnico. Sistema axonométrico, 2014
- Félez, J., Martínez, M.L., Ingeniería gráfica y diseño, 2008
- Fernández San Elías, G., Vistas y visualización de formas, 2004
- AutoCAD gidaliburuak
- Solid Edge gidaliburuak