Lanen Plangintza eta Kudeaketa irakasgaia Ingeniaritza Zibileko graduko laugarren mailako irakasgaia da.



Helburu nagusia obra-proiektu baten exekuzioaren antolakuntza eta programazioa egiten ikastea da, obra-plana izanik emaitza. Obra-planak, obra-buruek obrak zuzendu eta jarraipena egiteko erabiltzen duten oinarrizko tresna da.



Lanen plangintza eta kudeaketa irakasgaia M06 - Gai osagarriak moduluan sartzen da. Modulu hau Ingeniaritza Zibileko Graduko 3. eta 4. mailetako lehen lauhilekoan ematen da.

“2010/10/15eko Ingeniaritza Zibileko Graduko Titulua Egiaztatzeko Memoria”-ren arabera, ikasleak eskuratu behar dituen gaitasunen artean, Lanen plangintza eta kudeaketa irakasgaiaren helburu nagusia honako hau da:



M06CM03 - Eraikuntza-prozedurak, eraikuntza-makinak eta obrak planifikatzeko teknikak aplikatzeko gaitasuna.



Gaitasun hori ikasleak Lanen plangintza eta kudeaketa irakasgaia bukatzean lortu behar dituen ikasketa-emaitzetan (IE) zehaztu da:



IE1 - Ingeniaritzak bere arloetan dituen berezko arazoak konpontzen ditu; hipotesiak, metodoak, sinplifikazioak eta soluzioak aplikatzen eta planteatzen ditu, ingeniaritzako berezko ereduak erabiliz.



IE2 - Obra-proiektua antolatzen eta planifikatzen du, baliabideak aztertuz eta esleituz, eta obra-proiektuaren segimendua egiten du.



IE3 - Bere espezialitateko ingeniaritza-arloko ezagutzak, prozedurak, emaitzak, trebetasunak eta alderdiak behar bezala jakinarazten ditu, berariazko hiztegia eta terminologia eta bitarteko egokiak erabiliz.



IE4 - Taldean lan egiten du arazoei ekiteko, proposamenak egiteko, besteen ekarpenak aztertzeko, ideiak eztabaidatzeko eta ekintzak modu koordinatuan gauzatzeko.

“2010/10/15eko Ingeniaritza Zibileko Graduko Titulua Egiaztatzeko Memoria”-ren arabera, edukiak dira:



Obraren kudeaketa integratua. Obra proiektuaren antolaketa. (IE1)



Obra proiektuaren bidez aztertzea. Obra neurtu eta baloratzeko dokumentuak aztertzea. (IE1)



Obraren plangintza. Sareak planifikatu eta garatzeko teknikak aztertzea, obrak planifikatzeko. (IE2)



Jarraipena eta kontrola. Obraren jarraipena eta kontrola, desbideratzeen azterketa eta balorazioa. (IE2)



Kalitate sistemak. Kalitatea kontrolatzeko eta antolatzeko araudi eta teknikak, obren kalitatearen jarraipena egiteko. (IE2)

Gaitasunak zereginak burutu ahala lortzen dira. Zeregin bat irakasgai barruan planifikatutako prestakuntza-jarduera da. Zeregin bat egiteko denbora parte bat irakaslearekin batera klasean, laborategian edo bulegoan lan egiteko izango da (ikasgelako denbora). Beste partea, norberak irakaslerik gabe zeregina egiteko behar duen denbora izango da (ikasgela kanpoko denbora).



Irakasgaian lantzen diren gaitasunak lortzeko ikasleak 150 lan ordu bete beharko ditu. Denbora honetan ikasgelako eta ikasgela kanpoko orduak sartzen dira: klasera etortzea eta azterketak, norberaren ikasketa denbora, lanen aurkezpena eta bidalitako zereginak barne.



Mota ezberdinetako zereginak egitea beharrezkoak da (banakakoak eta talde lana). Talde lana burutzeko, taldeak behin behinekoak izan daitezke edo Obra-Plan baten dokumentazio burutzeko adibidez, lauhilabetekoan mantenduko diren talde egonkorrak.



Oso garrantzitsua: zereginak etengabe burutu behar dira ikastaro osoan zehar, ezin dira ikastaro bukaerarako utzi. Zeregin bakoitza irakasleak ezarritako epean egin behar da eta zeregin guztiak ebaluatuko dira. Lortutako azken kalifikazioa, zeregin guztietan lortutako notekin osatuko da.



Irakasgai honetako irakaskuntza-modalitateak Magistralak (M), Gela Praktikak (GP), Ordenagailu Praktikak (OP) eta Tutoretzak dira. Irakaskuntza modalitate bat edo beste klaseko beharren arabera aukeratuko da.



Horrez gain, IKTak erabiliko dira prestakuntza-jarduerak bultzatzeko (Moodle plataforma https://egela.ehu.eus/).



Zereginak burutzeko, gelara ordenagailua ekartzea (taldeko batek) gomendagarria da.



Azkenik, ikasgelako ikasle-kopuruak UPV/EHUk hartutako babes-neurriek kalkulatutako kopuru onargarria gainditzen badu, irakaskuntza bimodalaren alde egingo da. Modalitate honetan, aurrez aurreko irakaskuntza eta aurrez aurrekoak ez diren prestakuntza-jarduerak konbinatzen dira, ikasleen ikaskuntza autonomorako; hala, aurrez aurreko eskolen metodologia erabiltzen da, baina ikasleen zati batek urrutitik jarraitzen ditu, ahal dela modu sinkronoan. Modalitate honek aukera ematen dio Irakaslearekin eta ikaskideekin elkarreraginean aritzeko.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 40
  • Praktikak egitea (ariketak, kasuak edo buruketak) (%): 40
  • alde lanak (arazoen ebazpenak, proiektuen diseinuak) (%): 20

BUKAERAKO PROBA ETA PROBA EZOHIKO DEIALDIAN



Bukaerako proba, ikastegiak ezarritako azterketa egutegiko datan burutuko da eta hurrengo atalez osatuko da:



(notaren %40). Obren planifikazioari eta kudeaketari buruzko IDATZIZKO AZTERKETA, gai teorikoak, arazoen ebazpena eta berariazko softwarearen erabilera barne (IE1, IE2).



(notaren %60). ENTREGAGAIAK:

Obra-plana (IE1, IE2, RA3) (% 30)

Egindako obra-planaren ahozko defentsa (IE3) (% 10)

Eraikuntza- eta eraispen-hondakinak kudeatzeko plana (IE1, IE2, IE3) (% 10)

Txosten teknikoa (IE1, IE2, IE3) (% 10)





Bukaerako proba gainditzeko 5 bat edo gehiagoko nota beharko da hurrengo ataletan: Idatzizko azterketa, Obra-plana eta Ahozko defentsa.



OHAR GARRANTZITSUA: ENTREGAGAIAK atala egun bakar batean garatzea ezinezkoa denez, ezinbestekoa izango da ikasleak irakasgaiaren irakaslearekin harremanetan jartzea ikasturteko lehenengo bi asteetan, ikasturtean zehar horren garapena planifikatzeko.



DEIALDIARI UKO EGITEA



Graduko Titulazio Ofizialetako Ikasleen Ebaluaziorako Arautegiaren arabera, 12. artikulua 1,2 eta 3 ataletan:



“1.– Deialdiari uko egiten dioten ikasleek «aurkezteke» kalifikazioa jasoko dute.



2.– Etengabeko ebaluazioaren kasuan, azken probaren pisua bada irakasgaiko kalifikazioaren %40 baino handiagoa, nahikoa izango da proba horretara ez aurkeztea azken kalifikazioa "aurkezteke" izan dadin. Aldiz, azken probaren pisua bada irakasgaiko kalifikazioaren % 40 edo hori baino txikiagoa, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.



3.– Azken ebaluazioaren kasuan, azterketa egun ofizialean egin beharreko probara ez aurkezte hutsak ekarriko du automatikoki kasuan kasuko deialdiari uko egitea.”

Graduko Titulazio Ofizialetako Ikasleen Ebaluaziorako Arautegiko 9. artikulua 2 eta 3 atalen betetzearen arabera “Ezohiko deialdietan irakasgaiak ebaluatzeko sistema bakarra azken ebaluazioa izango da.



Ezohiko deialdiko azken ebaluazioko probak definituta dauden ikaskuntzaren emaitzak ebaluatzeko eta neurtzeko behar beste azterketa eta ebaluazio jarduera izango ditu, emaitzok ohiko deialdiaren pareko baldintzetan ebaluatu ahal izateko. Ikasleek ikasturtean zehar eskuratutako emaitza positiboak gorde ahal izango dira. Aldiz, ikasturtean zehar egindako etengabeko ebaluazioaren emaitzak negatiboak badira, emaitzok ezin izango dira ezohiko deialdirako mantendu eta deialdi horretan ikasleek kalifikazioaren % 100 eskuratu ahal izango dute”. Ondorioz, azken probak 3 atalean adierazitako ikasketa emaitzen ebaluazioa kontutan izango du eta 7.2.1. Bukaerako proba eta proba ezohiko deialdian atalean zehaztutakoaren arabera burutuko da.

Oinarrizko bibliografia

Moneo Martín, Marisol. La Dirección de Obra; Guía de Asistencia Técnica 16” (2ª edición: diciembre 2007). Fundación C.O.A.M.



Guía para el Desarrollo Sostenible de los Proyectos de Urbanización (Grupo Sprilur, Ihobe de EJ-GV)

Gehiago sakontzeko bibliografia

Guía de los Fundamentos para la Dirección de Proyectos PMBOK 4ª edición Global Standard, Project Management Institute, Inc. (PMI)

Organización y Gestión de Proyectos y Obras. (2007). Mcgraw-Hill Martínez Montes, German; Pellicer Almiñana, Eugenio.

Organización, planificación y control de obras y tajos.Encargado de Obra.Parte común. (1ª edición: octubre de 2007). Tornapunta Ediciones S.L.U. García-Amorena García, Luis

Web helbideak

https://www.contratacion.euskadi.eus/inicio/
http://www.guiaurbanizacionsprilur.com/
https://www.ihobe.eus/residuos
https://www.euskadi.eus/laboratorio-informacion-tecnica/web01-a2calida/es/