Kimika Analitikoa I eta Kimika Analitikoa II irakasgaietan batzen diren eduki eta ezagutzetan oinarrituta, irakasgai honetan aztarna analisiaren eta analisi instrumentalaren kontzeptuan lagin errealen analisian aplikatuko dira. Bi mota desberdineko aktibitateak beteko dira. Batetik, laborategiko 5 praktika gidatu egingo dira, bakoitzean, instrumentazio desberdinaren erabilera bermatzen duten metodologiak landuz. Bestetik, prozedura analitikoaren ikuspuntu osotuagoa bermatzen duen metodologia analitiko baten garapenean oinarritzen den azken praktika bat egingo da: lana laborategian egiteko jarraitu beharreko prozedura analitikoaren plangintza eta aurkezpena. Lehenengo praktikak laborategiko oinarriak ezartzeaz gain, laborategiko lanak dirauen bitartean laborategiko koadernoaren idazketa, eta, emaitzen idatzizko zein ahozko aurkezpenak lantzeko eta trebatzeko erabiltzen dira irakasgaian zehar azaltzen diren arauak jarraituta. Aktibitate horiek

guztiak proiektu teorikoa diseinatzeko erabiliko dira.



Irakasgai honetako estrategia analisirako teknika instrumentalen erabileraren eta aplikazioaren mailaz mailako lorpena da. Praktika bakoitza analisi jakin baten testuinguruan ematen da eta problema analitiko zehatz horren ebazpenerako jarraitu behar den prozesu analitiko osoa ematen du. Prozedura honetan zehar, kalibraturako aukera desberdinak, eragiketa analitiko batzuen optimizazioa, emaitza analitikoen kalitatearen bermatzea, laginaren tratamendu desberdinen konparazioa eta antzeko gaiak jorratuko dira.



Behin prozedura hauek laborategian eta hauei lotutako jardueretan landu diren, proiektu sinple baten garapenean bateratuko dira. Kasu honetan, ikasleek analisi metodoa diseinatu beharko dute.

GAITASUN ESPEZIFIKOAK:

Prozedura analitikoa eta bertan dauden urratsak ezagutzea eta kasu bakoitzean gai izatea aurkeztutako auzi analitikoen aurrean erabili beharreko metodo egokiena planifikatzeko, aplikatzeko eta kudeatzeko.

ZEHARKAKO GAITASUNAK:

1. Kimikarekin eta gertukoak diren zientziekin erlazionatuta dauden prozedurak eta gertakariak irakasgaiaren hizkuntza ofizialean eta modu ulerkorrean, bai ahozko hizkeran bai idatzizko hizkeran, aurkezteko gai izatea eta ingelesez dauden dokumentu eta materialak lantzeko eta ulertzeko gai izatea.

2. Bibliografia eta informazio zein komunikazio teknologiak erabilita kimikarekin eta gertukoak diren zientziekin erlazionatuta dagoen informazioa aurkitzeko eta aukeratzeko gai izatea.

3. Laborategiko segurtasun arauen eta produktuen erabileraren arauen arabera laborategiko lana garatzeko gai izatea.

UV-Ikuskorra eta fluoreszentzia molekularreko espektroskopiak

Xurgapen atomikoa edota igorpen atomikoa

Teknika elektrokimikoa

Bereizmen altuko likido kromatografia

Gas kromatografia

Irakasgai honetan laborategiko 5 praktika burutuko dira. Praktikak dirauen bitartean laborategiko koadernoaren idazkera landuko da eta praktika bakoitzak bere txostena, gutxienez bi formatu desberdinetan, beharko du izan, ahozko bi aurkezpen ere egingo direlarik. Horrez gain mintegi eta gelako praktika desberdinak erabiliko dira laborategiko praktikeei gehigarriak diren jarduerak egiteko.



Oharra:

M: Magistrala; S. Mintegia; GA: Gelako P; GL: Laborategiko P; GO: Ordenagailuko P;

GCL. P. klinikoak; TA: Tailerra; TL: Ind. tailerra; GCA: Landa P



Oharra:

GL-ak egitea derrigorrezkoa da

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 15
  • Ahozko defentsa (%): 10
  • Praktikak egitea (ariketak, kasuak edo buruketak) (%): 60
  • alde lanak (arazoen ebazpenak, proiektuen diseinuak) (%): 15

Ohiko deialdiko ebaluazioa aurretiaz aipatutako ebaluazio tresnen ondorio izango da (jarduera praktikoak eta azterketak) bakoitzari dagozkion portzentajeak kontutan izanda.



Aginte akademikoak jasota duten modura, ebaluazio jarraituaren ereduarekin irakasgaia gainditzeko aukerarik ikusten ez duten ikasleek deialdira hasieratik uko egiteko moduan izango dira eta ebaluazio finalari heldu ahal izango diote, beti ere 18. astea baino lehen eta idatziz. Ebaluazio final honek irakaskuntza-emaitzak jaso direla agerian utziko du horretarako beharrezkoak diren zereginak eta azterketak erabiliko direlarik irakasgaian barneratutako gaitasun guztiak gainditu direla bermatzeko. Zehazki, analisi-metodo baten garapena eta aplikazioan datzan proiektuari dagozkion urrats guztiak egiteko gai dela erakutsi beharko du ikasleak: plangintza, laborategiko lana, idatzizko txostena eta proiektuaren ahozko aurkezpena (euskarri digitala barne).

Ez-ohiko deialdian ebaluazio finala burutuko da. Ebaluazio final honek irakaskuntza-emaitzak jasota dituenaren ebidentzia agerian utziko du horretarako beharrezkoak diren zereginak eta azterketak planifikatuz irakasgaian barneratutako gaitasun guztiak gainditu direla bermatuz. Ebaluaziorako erabiliko diren tresnak ohiko deialdian ebaluazio finala aukeratuta zehaztu diren berdinak izango dira.



Ebaluazio jarraituaren bidez lortutako emaitzak positiboak direneko kasuetan, salbuespen modura, emaitza hauek aintzat hartu daitezke ohiko deialdiko portzentajean azken frogak ebaluazioaren %100 osatuko duelarik.

Laborategiko koadernoa, mantala, banakako segurtasun-materiala (betaurrekoak, eskularruak etabar.), espatula eta beirarako errotuladorea

Oinarrizko bibliografia

D.A. Skoog, F.J. Holler, T.A. Nieman, Principios de análisis instrumental, McGraw-Hill, Madrid, 2001

J.F. Rubinson, K.A. Rubinson, Análisis instrumental, Prentice Hall, México, 2000

K.H. Esbensen. Multivariate data analysis, 5 ed. Camo AB Oslo, 2001

D.C. Harris, Análisis químico cuantitativo, Reverté, Barcelona, 2007

Gehiago sakontzeko bibliografia

Quantifying uncertainty in analytical measurements, Eurachem/Citac Guide, 2nd ed. 2000 (www.eurachem.org)
M. Alley The Craft of Scientific Presentations: Critical Steps to Succeed and Critical Errors to Avoid, Springer Verlag, 2003
Hans F. Ebel, Claus Bliefert, and William E. Russey The Art of Scientific Writing, Wiley-VCH 2004
J.R Gartzia Jendaurrean hizlari, Alberdania,Bilbo, 2008

Aldizkariak

Analytical Chemistry
Trends in Analytical Chemistry
The Analyst
Analytica Chimica Acta
Talanta
Analytical and Bioanalytical Chemistry

Web helbideak

UPV/EHUko liburutegia: http://www.biblioteka.ehu.es/p207-home/es/
The Analytical Chemistry Springboard:
http://www.anachem.umu.se/jumpstation.htm
International Union of Pure and Applied Chemistry (IUPAC): http://iupac.chemsoc.org
Laboratory of the Government Chemist (LGC) :
http:// www.lgc.co.uk
The Virtual classroom:
http://ull.chemistry.uakron.edu/classroom
The Chemistry Hypermedia Project:
http://www.files.chem.vt.edu/chem-ed/vt-chem-ed.html
Eurachem: http://www.eurachem.org/
Writing Guidelines for Engineering and Science Students http://writing.engr.psu.edu/index.html
TED: Ideas worth spreading: http://www.ted.com