Ingeniaritza Kimikoa irakasgaiaren bidez ikasleak Kimikaren industria esparruan murgilduko dira, eta industria kimikoan dauden ekipo desberdinen analisi eta diseinurako behar dituzten erremintak ikusiko dituzte.

Kurtso honetan oinarrizko eragiketaren kontzeptua, propietate-balantzeak eta erreaktore kimikoen deskripzio matematikoa azalduko dira; hain zuzen ere, eragiketa industrialen oinarri teorikoak ikusiko dira. Honela, eragiketa industrial eta prozesu kimikoen azterketarako beharrezkoak diren metodo eta teknikak jasoko ditu ikasleak.

Irakasgai honen bidez, ikasleak ondoko konpetentziak garatzea nahi da: RD1293/2007 dekretuan definitzen diren oinarrizko konpetentziak eta Oinarrizko Moduloan definitzen den M02CM07 konpetentzia espezifikoa (Kimikaren oinarrizko printzipioak aplikatu ahal izatea industria kimikoen jardueran eta instalakuntza kimikoen proiektuen garapenean). Bestalde, irakasgai honetan hurrengo konpetentzia transbersalak landuko dira: M2CM09 (Kimika eta antzeko gaiekin zerikusia duten fenomeno eta prozesuak ahoz zein idatziz eta era ulergarrian azaltzea); M02CM010 (Kimika zein beste arlo zientifikoekin zerikusia duen informazioa bilatzeko eta aukeratzeko gaitasuna lortzea, bibliografia eta informazio-teknologiak erabiliz); M02CM011 (Kimika beste arloekin erlazionatzeko gai izatea eta gaur egungo gizartean duen inpaktua eta industria kimikoaren alorrean duen garrantziaz jabetzea).

Irakasgaiaren koordinazio horizontal eta bertikala, bai Moduloan zein Graduan, Titulazioaren Koordinazio-Batzordearen esku dago.

1.- Sarrera

Ingeniaritza kimikoaren helburua eta egitura. Industri mailako prozesu kimikoen deskripzioa. Oinarrizko eragiketa: kontzeptua eta eragiketa-motak



2.- Materia balantzeak

Materia transferentziaren mekanismoak. Materia balantze makroskopikoak. Faseen arteko oreka. Nahaste bitarren destilazioa. Flash destilazioa. Errektifikazio jarraitua.



3.- Energia balantzeak

Energiaren adierazpen moduak. Balantze entalpikoak. Bero-garraiorako mekanismoak. Bero-eroapena. Konbekzioaren bidez ematen den bero-garraioa. Bero-trukagailuei sarrera. Hodi bikoitzeko bero-trukagailuak.



4.- Fluidoen fluxua

Fluidoen biskositatea. Fluxu laminarra eta zurrunbilotsua. Fluidoen barne-fluxuaren kasuan erabiltzen diren oinarrizko ekuazioak. Marruskaduraren bidez ematen den karga-galera. Fluxurako beharrezkoa den potentzia.



5.- Erreaktore kimikoak

Termodinamika eta zinetikari buruzko kontzeptuak. Erreakzio kimikoen sailkapena. Erreaktore idealen diseinua. Erreaktore ez-jarraitua. Nahaste perfektuzko erreaktore jarraitua. Hodizko erreaktore jarraitua. Erreaktoreen arteko konparazioa. Erreaktore-andanaren diseinua.

Irakasgaiaren irakaskuntza bi modutan egiten da. Alde batetik, irakasleak klase magistralak ematen ditu, betiko metodologia erabiliz. Bestalde, gelako praktikak egiten dira, non ikasle bakoitzak, edota ikasle-talde bakoitzak problemak ebatzi behar baititu, eta kurtsoan zehar azaltzen zaizkien aktibitate desberdinak burutu.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 50
  • Praktikak egitea (ariketak, kasuak edo buruketak) (%): 45
  • alde lanak (arazoen ebazpenak, proiektuen diseinuak) (%): 5

- Irakasgaiaren ebaluazioa: %50 azterketa idatzia eta %50 kurtsoan zehar egindako aktibitateak.



- Bi azterketa idatzi egingo dira: Lehenengo lauhilekoaren bukaeran eta azterketa finala.



- Lehenengo lauhileko ebaluazioaren batezbesteko nota gutxienez 5 bada, partzial hau gaindituta izango da eta azterketa finalean bigarren partzialeko azterketa besterik ez da egin beharko. OHARRA: azterketa idatziaren batezbestekoa gutxienez 4 behar du izan, aktibitateekin batezbestekoa egiteko.



- Irakasgaiaren azken nota lauhilabeteko bakoitzean lortutako noten batezbestekoa izango da.



- Deialdi jarraituari uko egiteko irizpideak Ikasleen ebaluaziorako araudia, 2. kapituluko 12. puntuan azaltzen direnak dira. Ebaluazio jarraitua erabiltzen den arren, azken probaren pisua % 50koa denez, nahikoa izango da proba honetara ez aurkeztea azken kalifikazioa "aurkezteke" izan dadin.



- Ebaluazio finala eskatzeko irizpideak Ikasleen ebaluaziorako araudia, 3. kapituluko 8. artikuluan azaltzen direnak dira. Honela, ebaluzio bakarra nahi duen ikasleak notaren % 100 balio duen azterketa finala egiterik izango du. Horretarako, kurtsoa hasi eta gehienez 18 aste igaro baino lehenago eskatu beharko dio irakasleari idatzi baten bidez.

- Ezohiko deialdiaren ebaluazioa: Azterketa idatzia (teoria eta problemak) izango da eta notaren % 100 balio du.



OHARRAK:



- Ezohiko deialdira aurkezten ez denak "ez aurkeztua" kalifikazioa izango du.

Ez dago

Oinarrizko bibliografia

G. Calleja (Ed), F. García, A. de Lucas, D. Prats, J.M. Rodríguez, "Introducción a la Ingeniería Química", Ed. Síntesis, 1999.

J.M. Santamaría, J. Herguido, M.A. Menéndez, A. Monzón, "Ingeniería de los reactores", Ed. Síntesis, 1999.

O. Levenspiel, "Ingeniería de las reacciones químicas”, Ed. Reverté, 2000.

O. Levenspiel, "Fluidoen fluxua eta bero-trukea ingeniaritzan", EHUko Argitalpen Zerbitzua, 2009

Gehiago sakontzeko bibliografia

J.M. Coulson, J.F. Richardson, "Ingeniería Química" (hainbat bolumen), Ed. Reverté, 1987.
R.B. Bird, W.E. Stewart, E.N. Lightfoot, "Transport phenomena", John Wiley & Sons, New York 2007.
W.L. McCabe, J.C. Smith, "Operaciones básicas de la Ingeniería Química", Ed. Reverté. 2007.
R. Perry, "Manual del Ingeniero Químico", 8. Edizioa, 2008.

Aldizkariak

Ingeniería Química.

Web helbideak

www.ingenieriaquimica.net
www.ingenieriaquimica.org
physics.nist.gov/cuu/Units
www.convertworld.com/es/