Irakasgai honetan erabiliko dira analisi instrumentaleko hainbat teknika benetako laginak analizatzeko. Irakasgaia bi zatitan banatuko da. Lehenengoan, praktiketako gidoiak jarriko dira ikasleen eskura, hauek haiekin lan egin dezaten. Bigarrenean, ikasleek taldeka lan egingo dute proiektu batzuetan, zeintzuk oinarrituko diren “Inquiry Based Learning” (IBL) eta “Research Based Learning” (RBL) izeneko metodologietan.

Irakasgai honetan erabiliko dira analisi instrumentaleko kontzeptu asko benetako laginak analizatzeko. Ikasleek garatu beharko dituzte Kimikaren arloan definitutako oinarrizko gaitasunak, maila honetarako, Kimika Analitikoaren arloko gaitasun espezifikoak, eta Oinarrizko Moduluaren gaitasun orokorrak: M02CM04 (Prozesu analitikoa), TM02CM08 (Teknika instrumentalak aukeratu karakterizaziorako), TM02CM09 (Ahozko eta idatzizko aurkezpena), TM02CM10 (Informazioa bilatu eta aukeratu), TM02CM11 (Erlazionatu kimika beste disziplina batzuekin, sektore kimiko industrialean garrantzitsuak ).

Koordinazioa kurtsoko gainontzeko irakasgaiekin eta Graduko gainontzeko kurtsoekin, Graduko Koordinazioko Batzordearen ardura izango da.

Honako teknika instrumentalen aplikazio analitikoak landuko dira: ultramore-ikuskorreko espektroskopia, absortzio eta emisio espektroskopia atomikoa, espektrofluorimetria, potentziometria, gas kromatografia, likido kromatografia, kromatografia ionikoa eta elektroforesi kapilarra.

Irakasgaiko 6 ECTS kredituak modu honetan banatuko dira.



Lehenengo 3.6 kredituak aurreneko lauhilekoan emango dira, eta hauetan ohiko metodologia erabiliko da. Ikasleek, bikoteka eta 9 praktika saiotan, gidoi batzuk jarraitu beharko dituzte non aurreikusitako emaitzak lortuko diren. Helburua da ikasleek ezagutzea analisi kimikoa egiteko instrumentuak eta hauek erabiltzen ikastea. Praktika bakoitza amaitzean, bikoteak txosten bat bete behako du lortutako emaitzekin. Azkenik, test moduko azterketa bat egingo da.



Gainontzeko 2.4 kredituak bigarren lauhilekoan emango dira, eta horietan ikasleek taldeetan lan egingo dute hainbat proiektutan, balizko mito zientifikoetan oinarrituak. Lehendabizi inkesta bat pasa beharko dute planteatuko diren gaiez eta ondoren, taldeko eztabaida egingo da inkesten emaitzen inguruan. Jarraian, ikasleek bilaketa bibliografikoa egingo dute haien proiektuaren inguruan eta analisi metodo bat proposatu beharko dute. Proiektuen zati esperimentala laborategian egingo da 5 praktika saiotan. Ondoren, beste taldeko eztabaida bat antolatuko da emaitza esanguratsuenak aurkezteko eta azkenik, talde bakoitzak bukaerako txostena entregatu beharko du.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Test motatako proba (%): 25
  • Praktikak egitea (ariketak, kasuak edo buruketak) (%): 25
  • alde lanak (arazoen ebazpenak, proiektuen diseinuak) (%): 50

EBALUAZIO JARRAITUAREN SISTEMA



Irakasgaia gainditzeko, ezinbestekoa da programatutako ekintza GUZTIETAN parte hartzea, eta haietako bakoitzean gutxienez 5.0 lortzea.



Ikasleak huts egiten badu, justifikatu gabe, aurrez aurreko klaseen %7 baino gehiagotan, galdu egingo du eskubidea ebaluazio jarraituaren sistemarekin jarraitzeko.



Ikasleak uko egin ahal izango dio deialdiari eta horretarako, hilabete bateko epea izango du ikasgaiaren ikasaldia amaitu aurretik (ikasturteko 26. astea). Ukapen hau idatziz aurkeztu beharko dio irakasgaia ematen duen irakasleari, eta kasu horretan ikasleak EZ AURKEZTUA izango du nota finalean.



EBALUAZIO FINALAREN SISTEMA



Proba bakarra izango da, non ebaluatuko diren irakasgai honetan lortu beharreko gaitasun guztiak. Ikasleak gainditu beharko ditu planteatuko zaizkion proba guztiak. Proba bakar horrek proba teorikoak zein praktikoak eduki ditzake, eta egun batzuetan zehar luzatu liteke.



Proba bakarra egin nahi duen ikasleak, 18 asteko epea du, ikasturte hasieratik kontatuta, irakasleari aukera hau eskatzeko.

Ezohiko deialdia ebaluatuko da soilik proba finalarekin, baina mantendu ahal izango dira ohiko deialdian lortutako emaitza partzial positiboak.

Laborategiko bata. Segurtasun betaurrekoak. Espatula. pH papera. Kalkulagailua. Praktiketako koadernoa.

Oinarrizko bibliografia

D.C. Harris, Análisis Química Cuantitativo 3ª ed. Reverté, Barcelona, 2007.



D.A. Skoog, D.M. West, F.J. Holler, S.R. Crouch. Fundamentos de Química Analítica, 8ª ed. Thomson, Madrid, 2005.



D.A. Skoog, F.J. Holler, S.R. Crouch. Principles of instrumental analysis, 7th ed. Cengage Learning, Boston, 2018.



J. Guiteras, R. Rubio, G. Fonrodona. Curso experimental en Química Analítica. Síntesis, Madrid, 2003.

Gehiago sakontzeko bibliografia

J.C. Miller, J.N. Miller. Estadística y Quimiometría para Química Analítica, 4º ed. Pearson Education, Madrid, 2002.

R.Compañó, A.Ríos. Garantía de la calidad en los laboratorios analíticos. Síntesis, Madrid, 2009.

V. Barwick, S. Burke, R. Lawn, P. Roper and R. Walker. Applications of reference materials in analytical chemistry. LGC, United Kingdom, 2001.

Métodos oficiales de análisis (4 volúmenes). Ministerio de Agricultura, Pesca y Alimentación, 1987.

Aldizkariak

Journal of Chemical Education. American Chemical Society, Washington. http://jchemed.chem.wisc.edu

Analytica Chimica Acta. Elsevier Scientific, Amsterdam. http://www.sciencedirect.com

Talanta. Elsevier Scientific, Amsterdam. http://www.sciencedirect.com/

Analytical Chemistry. American Chemical Society, Washington. http://pubs.acs.org/journals/ancham/index.html

Web helbideak

www.scifinder.cas.org
www.sciencedirect.com