Kimika Makromolekularra irakasgaia kimikako graduko laugarren mailakoa da eta titulazio honen modulu aurreatuan txertatuta dago. Irakasgaia Material Makromolekularrak espezialitatean eskeintzen den hautazkoetako bat da eta izaera teoriko-praktikoa du. Klaseak eta laborategiko praktikak lehen lauhilabetekoan dira.Irakasgai honekin ikasleak polimero edo makromolekulen ohizko ekoizpen sintesi-metodoak ezagutzea bilatzen da: Etapa-polimerizazioa eta kate-polimerizazioa beraien aldaerekin. Irakasgaiak aldez aurretik sintetizatutako makromolekulen, eta beraien propietateen eta aplikazioen aldaketa nabarmenak dakartzaten, eraldaketa-metodoei sarrera bat du ere. Ezauera hauek oso interesgarriak dira oxigeno, argi, bero, eraso mekaniko eta biodegradazioaren eraginez material makromolekularretan gertatzen diren giro-degradazio prozesu desberdinak aztertzeko. Laborategiko praktiketan ikasleak makromolekulen sintesi eta eraldaketa erreakzioetan, baita, beraien degradazio-prozesu oso ezaugarrietan, trebekuntzak landuko ditu.

Irakasgai hau Material Makromolekularrak espezialitateko beste irakasgaiekin osatzen da,

Irakasgaia makromolekularren ildoan kokatzen da, modulu aurreratuaren barnean eta honen ondorioz modulu honen zeharkako gaitasunak partekatzen ditu, [M03.CM01] [M03.CM11] [M03.CM12] [M03.CM13] [M03.CM17] eta [M03.CM18] gaitasunak hain zuzen ere.



M03.CM01: Makromolekula sintetikoen lorpenerako, horien aldaketa kimikorako eta ingurugiro-degradazioko prozesuetarako metodo orokorrei buruzko oinarrizko ezagutzak ulertzea eta menderatzea.



M03.CM11: Prozesu esperimentalak diseinatzeko, programatzeko eta gauzatzeko gaitasuna, baita kimikaren arloko arazoetarako teknika instrumental egokiak erabiltzeko gaitasuna ere.



M03.CM12: Kimikaren arloan eta antzeko beste arlo batzuetan informazioa bilatzea ahalbidetzen duten sareko tresnak eta zerbitzuak ezagutzea.



M03.CM13: Kimikaren eta antzeko gaiekin lotutako fenomenoak eta prozesuak transmititzea, ahozko azalpenetan edo/eta idatzizko txostenetan, modu ulergarrian, horretarako, euskal autonomia erkidegoko bi hizkuntza ofizialetako bat edo ingelesa erabiliz.



M03.CM17: Behaketarako, analisirako eta sintesirako gaitasunak erakustea, gaitasun kritikoa izanez eta autokritika eginez.



M03.CM18: Bizitza profesionala garatzeko, ikaskuntzarako eta lan autonomorako gaitasuna erakustea.







Irakasgai honen koordinazioa moduluaren gainontzekoekin kimika-graduko Fakultateko batzarrean izendatuko den koordinazio-batzordeari dagokio.

Sarrera. Makromolekula eta makromolekulen sintesiari buruzko kontzeptu eta definizio orokorrak. Egitura polimerizagarriak eta polimerizazio teknikak. Polimerizazio erreakzioen sailkapena.



Etapakako polimerizazioa: Eskema orokorra. Pixu molekularraren kontrola. Ziklazioa vs. Polimerizazioa. Elkartrukatze erreakzioak. Polimero ez linealak. Polimerizazio teknikak. Polimerizazio sistema itxiak eta irekiak. Etapakako kopolimerizazioa. Interes handiko polimeroak lortzeko erreakzio moetak.



Kate-polimerizazioa. Eskema orokorra. Kate polimerizazioko erreakzio erabilgarriak. Polimerizazio biziak. Polimeroen egitura. Sapai tenperatura. Erradikal polimerizazioa. Alkeno eta monomero ziklikoen ioi-polimerizazioa. Polimerizazio estereoespezifikoa. Kopolimerizazioa.



Polimeroen eraldatze erreakzioak. Polimeroen egitura nagusiko erreakzioak. Albo taldeko erreakzioak. Makromolekulen erretikulazioa. Txerto eta blokezko kopolimeroak.



Polimeroen degradazioa. Definizioa eta ezaugarri nagusiak. Teknika esperimentalak. Degradazio termikoa eta termooxidatzailea. Degradazio fotooxidatzailea. Degradazio mekanooxidatzailea. Biodegradazioa. Degradazioaren aurrean egonkortzea: antioxidatzaileak eta fotoegonkortzaileak.





Polimeroen sintesi eta degradazio praktikak ( Laborategiko Praktikak). Polimeroak sintetizatu eta eraldatzeko erreakzio desberdinak eta, materiale polimerikoen degradazioa aztertzeko teknika desberdinen erabilera.

Teoriko-esperimentala den ikasgai honen gai-zerrenda bi modulutan banatuko da: bata izaera teorikoa duena eta bestea modulu praktikoa.

Klase magistraletan edukin teorikoak landuko dira. Mintegietan ikasleak taldeetan banatuko dira eta edukin teorikoak praktika desberdinak planteatzeko erabiliko dira.Talde bakoitzak ahozko eta idatzizko aurkezpen bat egindo du. Laborategiko praktikak taldeka izango dira, modu presentzialean eta talde bakoitzak irakasleak proposatutako praktikak egingo ditu.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 45
  • Test motatako proba (%): 10
  • Praktikak egitea (ariketak, kasuak edo buruketak) (%): 30
  • Lanen, irakurketen... aurkezpena (%): 15

• Idatzizko azterketa

• Bakarkako lanak (Test e-gela)

• Taldekako lanak

• Lanen ahozko aurkezpena

• Laborategiko praktikak



Ebaluaketa jarraia izango da eta nahitaezkoa izango da ondorengo ekintzetan parte-hartzea: idatzizko azterketa, test-ak, mintegiak eta laborategiko praktikak.



Amaierako notaren %45 idatzizko azterketari dagokio. Azterketa honek M03CM01, M03CM11 eta M03CM17 gaitasunak ebaluatzeko balioko du. Ezohizko deialdian ikasgaiari dagozkion gaitasun guztiak ebaluatuko dira eta amaierako notaren %100 dagokio.



Amaireko notaren beste %55a horrela banatuko da:

- Laborategiko praktikak: %30. Laborategiko lanaren jarraiko ebaluaketa egingo da bertan ikaslearen jarrera, aurrerabideak eta praktiketako txostenak ebaluatuko direlarik. Ikasgaia gainditzeko laborategiko praktikak egitea ezinbesteko baldintza da. Zehazki ebaluatuko diren gaitasunak ondorengo hauek dira: M03CM01, M03CM11, M03CM12, M03CM13, M03CM17 eta M03CM18.



- Mintegiak: %15. Taldeko ahozko aurkezpenak eta gelako partaidetza hartuko dira kontutan ebalutzeko garaian Ebaluaketak ondorengo gaitasunak aztertzen ditu: M03CM01, M03CM12, M03CM13 eta M03CM17.

- Banakako Test-ak: %10. E-gelan banaka egin beharreko lanak.Ebaluaketak ondorengo gaitasuna aztertzen du: M03CM01

OHARRA:Ebaluazio jarraiari uko egiteko baldintzak EHU-ko Graduko Titulazio Ofizialetako Ikasleen Ebaluaziorako Arautegian 2. Kapituluan 12. Artikuluan azaltzen direnak dira. Ikasleak froga bakar batez ebaluatua izatea eskatzeko baldintzak EHU-ko Graduko Titulazio Ofizialetako Ikasleen Ebaluaziorako Arautegian 2. Kapituluan 8. artikuluan azaltzen direnak dira. Kasu honetan, frogak galdera teoriko/praktikoak eta laborategiko praktika bat edukiko ditu. Ikasle batek Ez Aurkeztu kalifikazioa lortuko du froga idatzira ez bada azaltzen.

Ezohizko deialdian ohiko deialdian gainditu ez den atala froga teoriko baten bidez ebaluatuko da

e-gela plataforman ezarriko dira

Oinarrizko bibliografia

G. Odian. Principles of Polymerization, 4th Edition. Wiley Interscience, 2004.

R.J. Saunders. Organic Polymer Chemistry, 2nd Edition. Chapman and Hall, 1988.

N.S.Allen, M. Edge, Fundamentals of Polymer Degradation and Stabilization. Elsevier, 1992.

H.H.G. Jellinek, H. Kachi, Degradation and Stabilization of Polymers. Elsevier, 1989.

N. Grassie, G. Scott, Polymer Degradation and Stabilisation, Cambridge University Press, 1985.

Gehiago sakontzeko bibliografia

P. Rempp, E.W. Mervill. Polymer Synthesis, 2nd Edition, Hüting and Wepf, 1991.
S.R. Sandler, W. Karo, J.A. Bonesteel, E.M. Pearce. Polymer Synthesis and Characterization. Academic Press, 1998.
M.P. Stevens. Polymer Chemistry and Introduction. 3rd Edition. Oxford University Press, 1999.

Aldizkariak

Polymer Degradation and Stability
Polymer
Journal of Polymer Science
Reactive and Functional Polymers

Web helbideak

Macrogalleria: http://pslc.ws/spanish/index.htm