Makromolekulen karakterizazio kimiko eta fisikoa irakasgaia kimikako graduko laugarren mailakoa da eta titulazio honen modulu aurreatuan txertatuta dago. Irakasgaia Material Makromolekularrak espezialitatean eskeintzen den hautazkoetako bat da eta izaera teoriko-praktikoa du. Klaseak eta laborategiko praktikak lehen lauhilabetekoan dira.

Irakasgaiaren helburua, ikasleari material makromolekularren karakterizazio kimikoa (Espektroskopia infragorria, Erresonantzia Magnetiko Nuklearra) eta fisikoa (pisu molekularrak eta banaketa, trantsizio termikoak eta morfologia) egiteko gaitasuna ematea da.

Irakasgaia ondo ulertzeko eta jarraitzeko oso komenigarria da hirugarren mailako konposatu organikoen identifikazio espektrometrikoa irakasgaia eginda izatea eta Materialen Zientzia irakasgaian matrikulatua egotea. Irakasgai hau Material Makromolekularrak espezialitateko beste irakasgaiekin osatzen da, bereziki Material Makromolekularrak I eta Kimika Makromolekularra irakasgaiekin.

La coordinación de esta asignatura con las restantes del Módulo corresponde a la Comisión de Coordinación del Grado en Química, que será nombrada al efecto por la Junta de Facultad.



Irakasgaia makromolekularren ildoan kokatzen da, modulu aurreratuaren barnean eta honen ondorioz modulu honen zeharkako gaitasunak partekatzen ditu, [M03.CM03] [M03.CM11] [M03.CM12] [M03.CM13] [M03.CM17] eta [M03.CM18] gaitasunak hain zuzen ere.



M03CM03: Substantzia makromolekularren ezaugarri adierazgarrienak aztertzeko eta ezaugarritzeko metodo esperimentalak ulertzeko eta erabiltzeko gaitasuna, baita egituraren eta ezaugarrien arteko harremanari dagokionez metodo horietatik eratorritako emaitzak interpretatzeko gaitasuna ere.



M03CM11: Prozesu esperimentalak diseinatzeko, programatzeko eta gauzatzeko gaitasuna, baita kimikaren arloko arazoetarako teknika instrumental egokiak erabiltzeko gaitasuna ere.

M03CM12: Kimikaren arloan eta antzeko beste arlo batzuetan informazioa bilatzea ahalbidetzen duten sareko tresnak eta zerbitzuak ezagutzea.

M03CM13: Kimikaren eta antzeko gaiekin lotutako fenomenoal eta prozesuak transmititzea, ahozko azalpenetan edo/eta idatzizko txostenetan, modu ulergarrian, horretarako, euskal autonomia erkidegoko bi hizkuntza ofizialetako bat edo ingelesa erabiliz.

M03CM17: Behaketarako, analisirako eta sintesirako gaitasunak erakustea, gaitasun kritikoa izanez eta autokritika eginez.

M03CM18: Bizitza profesionala garatzeko, ikaskuntzarako eta lan autonomorako gaitasuna erakustea.



Irakasgai honen koordinazioa moduluaren gainontzekoekin kimika-graduko Fakultateko batzarrean izendatuko den koordinazio-batzordeari dagokio.

Programa teorikoa

Identifikazio eta analisi metodoak. Makromolekulen analisirako irizpide orokorrak.

Teknika espektroskopikoen aplikazioa polimeroen analisira. FTIR espektroskopia.

Teknika espektroskopikoen aplikazioa polimeroen analisira. Erresonantzia Magnetiko Nuklearra: 1H eta 13C

Pisu molekularrak eta banaketa. Makromolekulak disoluzioan. Pisu molekularrak kalkulatzeko metodo experimentalak.

Propietate termikoak eta beraien karakterizazioa. Polimero amorfo eta erdi kristaldunak. Beira trantsizioa. Urtzea eta kristaltzea. Analisi termikoaren metodoak.

Mikro eta nanoegituren karakterizazioa. Mikroskopia optikoa. Mikroskopia elektronikoa.

Praktiketako Programa

Lagin komertzialen izaera kimikoaren analisia FTIR espektroskopia erabiliz

Pisu molekularren neurketa

Propietate termikoen neurketa

Irakasgaia honako ekintzez osaturik dago



Ikasgai magistralak, non irakasgaiaren oinarrizko ezaguerak aztertuko diren, gomendatutako literaturaren laguntzaz.

Gelako praktikak non ezaguera horiek irakasleak planteatutako ariketak ebazteko erabiliko diren.

Banakako ariketak, auto ikasketa orduen barne daude eta beraietan ikasleek ariketak ebatziko dituzte.

Laborategiko praktikak non material polimeriko komertzialak ezaugarrituko diren aurreko jardueretan jasotako informazioa erabiliz.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 55
  • Praktikak egitea (ariketak, kasuak edo buruketak) (%): 25
  • Banakako lanak (%): 10
  • Klasera bertaratzea eta parte hartzea, Class attendance and participation (%): 10

Izaera teoriko eta praktikoko galderak izan ditzakeen proba bat egingo da eta azken notaren %55 balioko duena. Proba honek M03CM03, M03CM11 eta M03CM17 gaitasunak ebaluatzeko balio du.

Ikasleen etengabeko ebaluazioa egingo da, klasean elkarrekintza-jardueretan parte hartzean (%10) eta proposatutako ariketen gauzatze/ebazpena (%10). Ebaluazioak M03CM03, M03CM12, M03CM13 eta M03CM17 gaitasunei erantzuten die.

Laborategiko praktiken ebaluazioa jarreraren eta ikusitako aurrerapenaren eta egindako lanaren dokumentu/txostenen arabera egingo da. Praktikak derrigorrezkoak dira etengabeko ebaluazioan eta ikaslearen aurrerapenaren eta emandako txostenaren bidez ebaluatuko dira. Ebaluazio honek %25 balioko du. Ebaluazioak M03CM03, M03CM11, M03CM12, M03CM13, M03CM17 eta M03CM18 gaitasunei erantzuten die.

Lau jardueren batez bestekoa egiteko, ikasleak gutxienez bost bat lortu beharko du horietako bakoitzean.

Azken ebaluazioa aukeratzeko irizpideak EHUko graduko ikasleen ebaluazioa arautzen duen araudiaren 2. kapituluko 8. artikuluan ezarritakoak dira. Kasu honetan, proba bakarra galdera teoriko/praktiko multzo batek eta laborategiko praktika batek osatuko du. Ebaluazioak M03CM03, M03CM11, M03CM12, M03CM13, M03CM17 eta M03CM18 gaitasunei erantzuten die.

EZ AURKEZTU kalifikazioa azterketa egunean agertzen ez den ikasleari emango zaio.

Ez-ohizko deialdian %100-eko balioa edukiko duen idatzizko froga bat garatuko da.

Laborategian mantala eta betaurrekoak behar dira

Oinarrizko bibliografia

1. Polímeros. J. Areizaga, M. Cortázar, J.M. Elorza, J. J. Iruin. Editorial Síntesis, 2002.

2. Plastics Analysis Guide: Chemical and Instrumental Methods.

A. Krause, A. Lange. M. Ezrin. Hanser Publishers, 1983.

3. Introduction to Polymer Analysis

T. R. Crompton. Smithers, 2009.

4. Thermal Characterization of Polymeric Materials (Vols 1,2). E. A. Turi. Academic Press, 1997.

Gehiago sakontzeko bibliografia

M. Chanda, Introduction to Polymer Science and Chemistry: A problem solving approach. CRC Press, 2006.
Seymour/Carraher's Polymer Chemistry. C.E. Carraher, Jr. CRC Press, 2008.
F.A. Bovey and J. Jelinski, Chain Structure and Conformation of Macromolecules. Academic Press, 1982.
F.A. Bovey and P.A. Mirau, NMR of Polymers. Academic Press, 1996.
C. Randall, Polymer Sequence Determination. 13C-NMR Method. Academic Press, 1977.

Aldizkariak

Macromolecules
Polymer
Polymer Degradation and Stabilization
Vibrational Spectroscopy

Web helbideak

Macrogalleria: http://pslc.ws/spanish/index.htm
http://macro.lsu.edu/corecourses/msweb4/VirtualBook/Ch7_Morphology/Ch7_MorophologyMicroscopyScattering_mm.ppt