Ikasleak bere kimika ezaguerak erabiliko ditu ingurune naturalaren gertatzen diren egoerak ikertzeko eta kutsadura egoerak zuzentzeko. Horretarako, bi alderdi osagarritan prestatu behar da:



INGURUNE KIMIKA: Ikasleak kimikaren printzipioak aplikatu behar ditu ingurune naturalean kutsatzaile batek duen portaera ulertzeko eta bere arrisku eta ondorioak ebaluatu ahal izateko.



INGURUNE INGENIARITZA: Ikasleak ingeniaritza kimikoaren printzipioak erabili behar ditu instalakuntza industrialetan isurketak ezabatzeko erabiltzen diren prozesuak ulertu eta aukeratzeko.

Modulu Aurreratuko zeharkako gaitasunak:



M03CM17: Behaketarako, analisirako eta sintesirako gaitasunak erakustea, gaitasun kritikoa izanez eta autokritika eginez.

M03CM18: Bizitza profesionala garatzeko, ikaskuntzarako eta lan autonomorako gaitasuna erakustea.

M03CM19: Prozesu kimikoak kudeatzeko, antolatzeko eta planifikatzeko gai izatea, kalitateko eta ingurumena zaintzeko irizpideak aplikatuz.

M03CM20: Kimika beste diziplina batzuekin lotzea, baita Kimikak gizarte industrial eta teknologikoan duen eragina eta Kimikaren industria-sektorearen garrantzia ulertzea ere.



Gaitasun espezifikoak:



M03CM08: Kimikako eta Ingeniaritza Kimikoko ezagutzak txertatzen jakitea, inguruneko kutsatzaileen eragina eta bilakaera ebaluatzeko eta arazketa-bitartekoak sustatzeko.

M03CM12: Kimikaren arloan eta antzeko beste arlo batzuetan informazioa bilatzea ahalbidetzen duten sareko tresnak eta zerbitzuak ezagutzea.

M03CM13: Kimikarekin eta antzeko gaiekin lotutako fenomenoak eta prozesuak transmititzea, ahozko azalpenetan edo/eta idatzizko txostenetan, modu ulergarrian; horretarako, euskal autonomia erkidegoko bi hizkuntza ofizialetako bat edo ingelesa erabiliz.

M03CM15: Euskara ezagutzea eta erabiltzea, euskara erabiltzea egokia den arlo akademikoetan edo lanbideetan.



Ingurune prozesuetan fenomeno kimiko-fisikoak eta mundu biologikoa lotuta daudenez irakasgai honen presentzia Kimika eta Biozientzien espezialitatean justifikatzen da. Ingurune naturalean gertatzen diren erreakzio mekanismoak, sustantzien difusio eta kontrolerako aspektu kimiko, fisiko eta biologikoak batu behar dira. Titulazioaren Koordinazio Komisioak ikasgaiaren koordinazio horizontal eta bertikala Moduluan eta Graduan bermatuko du.

- Ingurune naturala.

- Atmosfera: Konposizioa eta ezaugarriak, kutsatzaileak, kutsatzaileen iturriak, gas eta partikulen emisioak ekiditeko erabiltzen diren prozesu industrialak.

- Ura: Ur naturala, uraren kutsadura, kutsatzaileen banaketa.

- Uraren tratamendua: Ur kutsatutik solidoak, materia organikoa, disolbatutako substantziak eta mikroorganismoak ezabatzeko erabiltzen diren teknika industrialak.

- Lurzorua: Konposizioa eta ezaugarriak, lurzoruaren kutsadura.

Gaitegi teorikoa klase magistralak erabiliz landuko da. Klase magistralez gain mintegiak eta gelako ariketak ere egingo dira.

Gelako ariketetan atmosfera eta uraren kutsadurari buruzko ariketak egingo dira banaka edo taldeka.

Mintegietan ikasleek aurkezpenak egiteaz gain, debate bat era egingo dute.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 60
  • Ahozko defentsa (%): 10
  • Banakako lanak (%): 20
  • Lanen, irakurketen... aurkezpena (%): 10

Ebaluazio-irizpideak:

-Idatzizko azterketa: % 60

-Idatzizko lana eta aurkezpena: % 20

-Debatea: % 10

-Klaseko ariketak: % 10



Ikasgaia gainditu ahal izateko, atal bakoitzean gainditu beharko da (gutxienez 5 puntu atera behar dira 10etik).



Ebaluazio jarraitua erabiltzen den arren, azken probaren pisua % 60koa denez, nahikoa izango da proba honetara ez aurkeztea azken kalifikazioa "aurkezteke" izan dadin. Begiratu Ikasleen ebaluaziorako araudia, 12. artikuloko 2. puntua.



Ikasleak bere ebaluazioa proba bakar baten bidez egitea eska dezake irakasleari kurtsoaren bukaera baino 9 aste lehenago aurkeztutako idatzi baten bidez. Proba bakar honetan gaiko konpetentzia guztiak ebaluatuko dira. Begiratu Ikasleen ebaluaziorako araudia, 8. artikuluko 3. puntua.

Ez ohiko deialdia: %100 balioko duen azterketa idatzi bat izango da. Azterketa honetara ez aurkeztea nahikoa da “ez aurkeztua” kalifikazioa lortzeko.

Ez dago derrigorrezko materialik

Oinarrizko bibliografia

- Xavier Domènech Antúnez “Fundamentos de la química ambiental. Volumen I” Editorial Síntesis, 2014 (Madrid)

- Metcalf-Eddy: "Ingeniería de aguas residuales". McGraw-Hill, 1998 (Barcelona)

- C. Orozco y cols. "Contaminación ambiental". Thompson, 2003 (Madrid).

- J.H. Seinfeld and S.N. Pandis: "Atmospheric Chemistry and Physics". J. Wiley, 2006 (Nueva York).

Gehiago sakontzeko bibliografia

- J.E. Figueruelo y M.N. Dávila: "Química Física del ambiente y de los procesos naturales". Ed. Reverte (Madrid, 2000)
- D.L. Sparks: "Environmental Chemistry of Soils". Academic Press, 2003.
- Davis, W.T. (Ed.): "Air Pollution Engineering Manual", 2nd Edition, John Wiley and Sons, 2000.

Aldizkariak

- Environmental Science and Tecnology
- Environmental Science: Advances
- COMMUNICATIONS EARTH & ENVIRONMENT
- Nature Climate Change
- One Earth

Web helbideak

https://climate.nasa.gov/
https://www.noaa.gov/education/resource-collections/climate/climate-change-impacts