Irakasgai aplikatua da hau eta honen helburu nagusia da ikaslearen trebezia garatzea Problema Analitiko jakin baten inguruko bibliografia ikertzen eta problema honi eman ahal zaizkion irtenbide analitikoak identifikatu, zenbatetsi eta aurkezten. Irakasgaiaren lehenengo zatian ikasleari Kimika Analitikoak biozientzietan dituen aplikazioen ikuspegi orokorra emango zaio, betiere honako gai hauei garrantzia emanez: gizartearen beharrak, laginei heltzeko moduak, teknika instrumental erabilienak eta etorkizuneko erronkak. Irakasgaiaren bigarren atalean ikasleak arazo analitiko jakin bat landu beharko du, honi buruzko araketa bibliografikoa eginez. Bilaketa honen jarraipena, eztabaida eta azken aurkezpena mintegietan egingo da.

Irakasgai hau Modulu aurreratuan dago eta beraz ikasleak RD1393/2007 dekretuan definitutako oinarrizko gaitasunak garatzeaz gain, modulu aurreratuari lotutako gaitasun hauek landuko dira:



>M03.CM17: Behaketarako, analisirako eta sintesirako gaitasunak erakustea, gaitasun kritikoa izanez eta autokritika eginez.



>M03.CM18: Bizitza profesionala garatzeko, ikaskuntzarako eta lan autonomorako gaitasuna erakustea.



>M03CM19: Prozesu kimikoak kudeatzeko, antolatzeko eta planifikatzeko gai izatea, kalitateko eta ingurumena zaintzeko irizpideak aplikatuz.



>M03CM20: Kimika beste diziplina batzuekin lotzea, baita Kimikak gizarte industrial eta teknologikoan duen eragina eta Kimikaren industria-sektorearen garrantzia ulertzea ere.

zeharkako gaitasunak landuko ditu.



>M03CM06: Problema analitiko baten izaera ulertzeko, bibliografian hari buruz ikertzeko eta hura ebazteko irtenbide analitikoak identifikatzeko, balioesteko eta aurkezteko gai izatea.



>M03.CM11: Prozesu esperimentalak diseinatzeko, programatzeko eta gauzatzeko gaitasuna, baita kimikaren arloko arazoetarako teknika instrumental egokiak erabiltzeko gaitasuna ere.



>M03.CM12: Kimikaren arloan eta antzeko beste arlo batzuetan informazioa bilatzea ahalbidetzen duten sareko tresnak eta zerbitzuak ezagutzea.



>M03.CM14: Modulutik eratorritako informazioa eta ezagutzak erabili ahal izatea, kimikarekin lotutako gaur egungo edo etorkizuneko beste arlo batzuetan gaitzeko.



>M03CM16: Teknika matematiko aurreratuak erabiltzean, kimikarekin lotutako alderdia planteatzeko eta ebazteko (datu-tratamendua, modelatzea, etab).



Jakintzagai hau Moduluko eta Graduko gainontzeko irakasgaiekin koordinatzeko lana Graduaren Koordinazio Batzordeari dagokio.

Sarrera. Prozesu analitikoa. Kimika analitikoaren aplikazio esparruak.



Teknika instrumental aurreratuak: teknika espektroskopikoak, teknika akoplatuak, sentsoreak, inmuno-probak.



Analisi aplikatua. Elikagaien analisia. Analisi farmazeutikoa. Auzitegi-analisia. Ingurumen-analisia.



Kimiometria Aplikatua. Kimiometriren oinarriak. Prozesuen teknologia analitikoa. Irudien analisia. Infragorri hurbileko espektroskopia analisi farmazeutikoan. Kimiometria eta bioinformatika.



Problema analitikoan ebazpena biozientziatan. Biozientzien arloko problema zehatzen ebazpena.

Irakaskuntza mota bakoitzean landuko diren gaiak:



> Klase Magistralak: aurreko urtetako irakasgaietan ikasi ez diren teknika analitiko aurreratuen azalpena. Sentsoreak, infragorri hurbileko espektroskopia, Raman espektroskopia, erresonantzia magnetiko nuklearra, inmuno-probak, teknika akoplatuak,...



> Ordenagailuko praktikak: Kimiometriaren oinarriak. Elikagaien analisia, ingurumen analisia edota analisi farmazeutikoan oinarritutako ariketak.



> Mintegiak: Irakasleak sarrera orokor bat emango dio hainbat arlotan egiten den analisi aplikatuari, hala nola, elikagaien analisia, analisi farmazeutikoa, ingurumen analisia edota analisi klinikoaren ezaugarri orokorrak azalduko dira. Ondoren, ikasle bakoitzak gai jakin bati buruzko lana egingo du.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 55
  • Praktikak egitea (ariketak, kasuak edo buruketak) (%): 25
  • alde lanak (arazoen ebazpenak, proiektuen diseinuak) (%): 15
  • Lanen, irakurketen... aurkezpena (%): 5

1) Irakasgaia gainditzeko beharrezkoa da azterketa idatzian gutxienez 4.5 kalifikazioa izatea.



2) Ikerketa-lanaren txostena edota lanaren ahozko aurkezpena egiten ez dutenek (edo epez kanpo egiten dutenek) 0 izango dute atal horietan.



3) UPV/EHUko Graduko ikasleen Ebaluaziorako Araudiaren arabera, ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari 18. eskola astea baino lehen. Proba bakar horrek notaren %100 balioko du eta ikasleak irakasgaiko jakintza eta gaitasun guztiak (irakaskuntza-gidan zehaztutakoak) bereganatu dituela egiaztatu beharko du. (Xehetasunak UPV/EHUko Graduko ikasleen Ebaluaziorako Araudiaren 2. kapituloko 8. artikuloan).



4) Graduko ikasketen gestiorako Araudiaren arabera, nahikoa izango da azken probara ez aurkeztea ikasleek «aurkezteke» kalifikazioa jasotzeko.

1) Irakasgaia ohiko deialdian gainditzen ez duten ikasleek, hautatutako ebaluazio sistema gorabehera, eskubidea izango dute ezohiko deialdiko azken ebaluazioko proba osatzen duten azterketa eta jardueretara aurkezteko.

2) Ezohiko deialdietan irakasgaiak ebaluatzeko sistema bakarra azken ebaluazioa izango da.

3) Ezohiko deialdiko azken ebaluazioko probak definituta dauden ikaskuntzaren emaitzak ebaluatzeko eta neurtzeko behar beste azterketa eta ebaluazio jarduera izango ditu, emaitzok ohiko deialdiaren pareko baldintzetan ebaluatu ahal izateko.

4) Ikasleek ikasturtean zehar eskuratutako emaitza positiboak gorde ahal izango dira.

5) Aldiz, ikasturtean zehar egindako etengabeko ebaluazioaren emaitzak negatiboak badira, emaitzok ezin izango dira ezohiko deialdirako mantendu eta

deialdi horretan ikasleek kalifikazioaren % 100 eskuratu ahal izango dute.

Se indicará cada curso en la Guía Docente.

Oinarrizko bibliografia

A. Manz, N. Pamm, C. Iossifidis, Bioanalytical Chemistry. Imperial College Press (London, 2004).



S. Bell, Forensic Chemistry. Pearson (New Jersey, 2006).



R. Reeve, Introduction to Environmental Analysis. Wiley (Chichester, 2002).



S.H. Hansen, S. Pedersen-Bjergaard, K.E. Rasmussen, Introduction to Pharmaceutical Chemical Analysis, Wiley (Chichester, 2012).

Gehiago sakontzeko bibliografia

K.H. Esbensen. Multivariate data analysis-in practice, 5th ed. Camo AB Oslo, 2006.

A. Townshend (Editor), Encyclopedia of Analytical Science. Academic Press (London, 1995).

R.A. Meyers (Editor), Encyclopedia of Analytical Chemistry. Wiley & Sons (Chichester, UK, 2000).

Aldizkariak

Analytica Chimica Acta. Ed. Elsevier Scientific, Amsterdam. http://www.sciencedirect.com/

Talanta. Ed. Elsevier Scientific, Amsterdam. http://www.sciencedirect.com/

Analytical Chemistry. Ed. American Chemical Society,Washington. http://pubs.acs.org/journals/ancham/index.html

Analytical and Bioanalytical Chemistry. Ed. Springer Berlin / Heidelberg. www.springer.com

Analytical Methods. Ed. RSC Publishing, Cambridge. http://pubs.rsc.org/en/journals/journalissues/ay#!recentarticles&adv