Irakasgai honen helburuetako bat zera da: konposatu organikoen sintesiari buruz ikasleak aldez aurretik duen ezagupena osatu eta bere garrantzia adierazi, horretarako farmakoen prestakuntza eta interes biologikoko beste molekulen sintesiak aztertuz. Sintesi-metodo modernoak erakutsiko dira, batez ere sistema heteroziklikoa aztertuz. Farmakoen sintesi-adibideak beriziki landuko dira, beraien aktibitate biologikoaren oinarri molekularrak aurkeztuz. Bestalde, molekula horien egitura-ebazpenak eta estereokimika elementuak ere aztertuko dira.

(SS) M03CM10: Egitura-analisia eta erreaktibitate kimikoaren ezagupenak farmakoen eta beste molekula biologiko interesgarrien sintesiara aplikatzen jakitea.



(SS) M03CM11: Problema kimikoen ebazpenerako prozesu experimentalak diseinatzen, programatzen eta egiten jakitea, teknika instrumental egokiak erabiliz.



(SS) M03CM12: Kimikaren arloan eta antzeko beste arlo batzuetan informazioa bilatzea ahalbidetzen duten sareko tresnak eta zerbitzuak ezagutzea.



(SS) M03CM13: Kimikarekin eta antzeko gaiekin lotutako fenomenoak eta prozesuak transmititzea, ahozko azalpenetan edo/eta idatzizko txostenetan, modu ulergarrian; horretarako, euskal autonomia erkidegoko bi hizkuntza ofizialetako bat edo ingelesa erabiliz.





Modulo hauetan zeharkako gaitasun hauek lantzen dira:



(SS) M03CM17: Behaketarako, analisirako eta sintesirako gaitasunak erakustea, gaitasun kritikoa izanez eta autokritika eginez.



(SS) M03CM18: Bizitza profesionala garatzeko, ikaskuntzarako eta lan autonomorako gaitasuna erakustea.



(SS) M03CM19: Prozesu kimikoak kudeatzeko, antolatzeko eta planifikatzeko gai izatea, kalitateko eta ingurumena zaintzeko irizpideak aplikatuz.



(SS) M03CM20: Kimika beste diziplina batzuekin lotzea, baita Kimikak gizarte industrial eta teknologikoan duen eragina eta Kimikaren industria-sektorearen garrantzia ulertzea ere.





Irakasgaiaren koordinazio horizontala eta bertikala Moduloarekin eta Graduarekin Titulazioko Koordinazio Batzordeak bermatzen du.

TEORIA ETA MINTEGIAK:



1.- Sarrera: Kimika Organikoa eta Biomolekulak. Heteroziklo nagusien egitura eta nomenklatura.



2.- Sintesi organiko arrazionala: Retrosintesia. Sintoiak eta baliokide sintetikoak. Estrategia sintetikoak. Talde babesleak. Estereokontrola eta sintesi asimetrikoa.



3.- Metodologia sintetiko aurreratuak: Erreakzio periziklikoak. Katalisia. Konposatu organometalikoak sintesi organikoan. Fase heterogeozko sintesia. Sintesi konbinatorioa.



4.- Biomolekula sintetikoak. Kimika Farmazeutikoaren oinarriak. Farmako adierazgarrien sintesia eta propietateak.





GELAKO PRAKTIKAK:



1.- Editore molekularrak eta modelizazio softwarea.



2.- Informazio kimikoa kudeatzeko softwarea.

-M: Lezio magistraletan gai teorikoen kontzeptu nagusiak azalduko dira, ikaslearen banakako ikasketa gidatzeko eta laguntzeko.



-S: Mintegietan eredu-ariketak egingo dira taldean eta Moodle-eko ariketa osagarriak ebatziko dira.



-GA: Gelako praktikatan Kimika Organikoari lotutako software zientifikoaren erabilpena irakatsiko da eta ikasle bakoitzak lan idatzia egingo du.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 60
  • Praktikak egitea (ariketak, kasuak edo buruketak) (%): 20
  • Banakako lanak (%): 20

Ebaluazioaren balioak:



(1)Ariketak. Kurtsoan zehar egindako problemak eta mintegiak: %20

(2)Banakako lana. Gutxienez lan bat idatzi eta aurkeztu: %20

(3)Idatzizko azterketa: %60



Epeen barruan (1) eta (2) ataletan zehaztutako ariketa edo lanak ez badira aurkezten, zero puntuazioa izango dute atal hauek. (3) Ataleko idatzizko azterketara aurkeztu ezean, irakasgai osoaren azken kalifikazioa "Aurkezteke" izango da.



Gainera kontuan izan:



a) Ikasleak uko egin diezaioke ebaluaketa deialdiari, horretarako hori adierazten duen idatzia irakasleari hel arazten badio irakasgaiaren irakaskuntza aldia bukatu baino hilabete lehenago beranduenera ere.



b) Ikasleak hala nahi izanez gero azken ebaluazio bidez ebaluatua izateko aukera du, etengabeko ebaluazioan parte hartu zein ez hartu. Horretarako, etengabeko ebaluazioari uko egiten diola jasotzen duen idatzi bat aurkeztu beharko dio irakasleari, beti ere bederatzi asteko epearen barruan lauhilekoa hasten denetik kontatzen hasita.

Lehen deialdian (maiatza-ekaina) irakasgaia gainditzen ez duten ikasleentzat bigarren deialdia egongo da (ekaina-uztaila) eta idatzizko azterketa soilik egingo da. Bertan lortutako emaitza azken notaren %100ekoa izango da. Ikasleak hala nahi izanez gero, irakasleari idatziz eskatu ahal izango dio aldez aurretik (1) eta (2) ataletan ateratako notak ere kontutan hartu ditzan, bakoitzaren pisuarekin (1) (20%) eta (2) (20%), beti ere azterketaren nota igotzen badute eta ez bestela.

Irakasleak irakasgidan adierazitako materiala eta oinarrizko bibliografiako testuliburu bat.

Oinarrizko bibliografia

1.A. Delgado, C. Minguillón, J. Juglar, INTRODUCCIÓN A LA SÍNTESIS DE FÁRMACOS, Editorial Síntesis, 2002.

2. S. Warren, P. Wyatt, ORGANIC SYNTHESIS: THE DISCONNECTION APPROACH, 2nd Edition, Ed. Wiley, 2009.

3. R. M. Silverstein, F. X. Webster, D. Kiemle, SPECTROSCOPIC IDENTIFICATION OF ORGANIC COMPOUNDS, John Wiley & Sons, 2005.

4. P. Cardá, E. Falomir, SÍNTESIS TOTALES: RETROSÍNTESIS Y MECANISMOS, Universidad Jaime I, 2008.

5. J. Clayden, N. Greeves, S. Warren, ORGANIC CHEMISTRY, 2nd edition, Ed. Oxford, 2012.

Gehiago sakontzeko bibliografia

1. E. Francotte, W. Lindner (Eds.), CHIRALITY IN DRUG RESEARCH, Ed. Wiley-VCH, 2006.
2. F. A. Carey, R. J. Sundberg, ADVANCED ORGANIC CHEMISTRY, PART-B, Ed. Springer, 2007.
3. J. Fischer, C.R. Ganellin (Eds.), ANALOGUE-BASED DRUG DISCOVERY, Ed. Wiley-VCH, 2006.
4. H. Friebolin, BASIC ONE- AND TWO-DIMENSIONAL NMR SPECTROSCOPY, VCH, 1991.
5. E.J. Corey, B. Czakó, L. Kürti, MOLECULES AND MEDICINE, Ed. Wiley, 2007.

Aldizkariak

The Journal of Organic Chemistry: http://pubs.acs.org/journal/joceah
Organic Letters: http://pubs.acs.org/journal/orlef7
European Journal of Organic Chemistry: http://www3.interscience.wiley.com/journal/27380/home
Tetrahedron: http://www.sciencedirect.com/science/journal/00404020
Tetrahedron Letters: http://www.sciencedirect.com/science/journal/00404039
Organic and Biomolecular Chemistry: http://www.rsc.org/Publishing/Journals/Ob/Index.asp
The Journal of Chemical Education: http://jchemed.chem.wisc.edu/
The Journal of Medicinal Chemistry: http://pubs.acs.org/journal/jmcmar
ChemMedChem: http://www.wiley-vch.de/publish/dt/journals/newJournals/2452/

Web helbideak

Organic Chemistry Portal: http://www.organic-chemistry.org/
Organic Resources Wordwide: http://www.organicworldwide.net/
Chemical and Engineering News: http://www.ucm.es/info/rsequim/geqo/
Bases de datos de compuestos orgánicos: http://pubchem.ncbi.nlm.nih.gov/ , http://www.chemspider.com/