Irakasgaiak fiskalitatearen arloan sakondu nahi du, "Ekonomia eta Ogasun Sistema" irakasgaian bigarren moduluan jada landutakoa. Irakasgai horretan tributazioaren oinarriak azaldu ziren (zerga-sistema, oinarrizko hiztegia eta zerga pertsonal nagusien funtzionamendua). Orain, laugarren moduluan, enpresa-tributazioaren eremuan sartzen saiatuko gara, enpresen zerga-betebehar nagusiak zeintzuk diren eta horiek praktikan nola jarri behar diren jakiteko.

Horretarako, ikasleek titulazioan zehar eskuratutako beste gaitasun batzuk erabiliko ditugu, eta, zehazkiago, enpresa-kontabilitateari dagozkionak. Hau da, ikasgaiak kontabilitateko ezagutzak fiskalekin lotuko ditu, eta ikasleei enpresaren funtzionamenduaren ikuspegi osatuagoa emango die. Ikasketa-eremua oso zabala denez, enpresa txikietatik hurbilago dauden arlo jakin batzuetan jarriko dugu arreta; baina, hala ere, haien azterketa baliagarria izango da enpresa handien fiskalitatera hurbiltzeko.

Beraz, matrikulatzen diren ikasleek konpetentzia hauek eduki behar dituzte, jarraian adierazten diren irakasgaietan eskuratuak (eta, beraz, irakasgaiok gaindituta eduki behar dituzte):

- Oinarrizko tributazioa (Ekonomia eta Ogasun Sistema)

- Kontabilitatea (Kontabilitaterako Sarrera eta Finantza Kontabilitatea)

Bestalde, irakasgaia oso-osorik ordenagailuz emango denez, eskolak jarraitu ahal izateko honako baldintza hauek bete beharko dira:

- informatikako trebetasun ertainak edukitzea

- saio guztietara ordenagailu bat eramatea

Azken baldintza horren garrantzia azpimarratu nahi dugu; izan ere, eskolak eta irakasgaiaren ebaluazioa ordenagailuz egingo dira ikasgelan (ez informatika-geletan).

IRAKASGAIAREN GAITASUN ESPEZIFIKOAK

Enpresa-jardueraren faseak aztertzea eta horietako bakoitzari aplikatu beharreko tributuak identifikatzea.

Kasu praktikoetan, lanaren etekinak ordaintzen dituen enpresaren zerga-betebeharrei buruz eskuratutako ezagutzak aplikatzea (atxikipenak, konturako sarrerak, diruzko eta gauzazko etekinak egoztea, dietak, etab.).

Jarduera ekonomikoen etekinen kasu praktikoak likidatzea Pertsona Fisikoen Errentaren gaineko Zergan, zenbatespen-metodo batzuetan, enpresa pertsonalaren tributaziora hurbiltzeko.

Sozietateen gaineko Zergaren atal batzuk erabiltzea zuzeneko zenbatespeneko PFEZaren kasu praktikoak ebazteko, SZren araudia aplikatzeko eta praktikatzeko.

BEZaren kasu praktikoak likidatzea. Enpresaren fakturazioa eta gastuak aztertuta, sortutako eta kengarriak diren BEZ kuotak kalkulatzea, kenkariak aplikatzea, kuota kalkulatzea eta inprimakietan agertzen diren kontzeptuak zuzen erabiltzea.

Baterako ariketetan aztertutako kasu guztiak batzea, enpresaren zerga-betebeharren ikuspegi orokorra eskuratzeko.



GRADUKO GAITASUN ESPEZIFIKOAK



Fiskalitateari eta kontabilitateari buruzko gaietan modu eraginkorrean kudeatzea eta aholkatzea.



Menderatze-mailari eta ikaskuntzaren adierazleei buruzko informazioa:

https://www.ehu.eus/documents/6902252/14777368/15.-14_10_29+GUIA+CEG+n%C2%BA+15_1%C2%BA%2C2%C2%BA%2C3%C2%BA%2C+4%C2%BA.pdf/7182beb2-52b6-9372-96c7-b7b68c74768e



GRADUKO ZEHARKAKO GAITASUNAK



Problemak eraginkortasunez ebaztea, eskuratutako gaitasunak eta trebetasunak erabiliz, ager daitezkeen aukerak identifikatzeko eta baloratzeko. Konpetentzia ebaluatzeko, aztertutako zergen likidazio praktikoak ebatziko dira.



Menderatze-mailari eta ikaskuntzaren adierazleei buruzko informazioa:

https://www.ehu.eus/documents/6902252/14777121/Anexo+IV+2014+CTG+Resol+problem.pdf/8c6c7ffc-fabc-787d-22ad-c075fc1b4923



IKASKUNTZAREN EMAITZAK



Ikasgaia kurtsatu ondoren, ikasleak:



- enpresa-kontabilitateko programa informatiko bat maneiatzen du

- enpresa-jarduera aztertu, kontabilizatu eta aplikatu beharreko zergak identifikatzen ditu

- lanaren etekinak ordaintzen dituen enpresaren zerga-betebeharrak ezagutu eta kalkulatzen ditu (atxikipenak, konturako sarrerak, diruzko eta gauzazko etekinak egoztea, dietak, etab.).

- Jarduera ekonomikoen etekinen kasuak likidatzen ditu Pertsona Fisikoen Errentaren gaineko Zergan, zenbatespen-metodo batzuetan.

- Sozietateen gaineko Zergaren atalak erabiltzen ditu zuzeneko zenbatespeneko PFEZaren kasu praktikoak ebazteko.

- BEZaren kasu praktikoak likidatzen ditu (erregimen berezi batzuk barne)

- Ariketa orokorretan aztertutako atalak batzen ditu

Irakasgaiaren dinamika dela-eta, oso zaila da eduki teorikoak eta praktikoak bereiztea. Metodologiaren atalean deskribatuko den bezala, helburua ez da ikasleek ezagutza teorikoak eskuratzea, baizik eta indarrean dagoen zerga-araudia praktikan jartzeko gai izatea, kasuei aplikatuta. Beraz, jarraian deskribatutako edukiak legeriaren eta praktikaren konbinazio bat dira atal bakoitzean.



1. Enpresa, lan-etekinen eta PFEZari lotutako beste errenta batzuen ordaintzaile gisa

1.1. lan-etekinen zenbatespena eta egozpena

1.2. Atxikipenak eta konturako sarrerak kalkulatzea

1.3. zatikako ordainketak



2. Jarduera ekonomikoen etekinak PFEZean

2.1. Zuzeneko zenbatespen arrunta

2.2. Zuzeneko zenbatespen erraztua



3. Sozietateen gaineko Zergaren araudia, zuzeneko zenbatespenean PFEZari aplikatuta.



4. Balio Erantsiaren gaineko Zerga

4.1. Sarrera eta oinarrizko kontzeptuak

4.2. Araubide berezi erraztua eta baliokidetasun-errekarguaren araubide berezia

4.3. Araubide orokorra eta barne-eragiketak

4.4. Nazioarteko operazioak (Europa barrukoak eta gainontzeko lurraldeekin egindakoak)

Klaseen dinamika, funtsean, praktikoa izango da. Eskoletan, kasu praktikoak ebazteko beharrezkoak diren azalpen teorikoak emango dira. Ikasleek kasu praktiko horiei buruz lan egingo dute banaka edo taldean, eta irakaslea prest izango dute edozein zalantza argitzeko. Ondoren, ariketei buruzko azalpen labur bat emango da.

Material teorikoak eta kasu praktikoen enuntziatuak ikasleen eskura jarriko dira bide elektronikoz, eta, beraz, matrikulatutako pertsonek ikasgelan lan egiteko beharrezkoak diren baliabideak izango dituzte.

Lehenengo saioetan, ikasturtean zehar erabiliko den kontabilitateko eta fiskalitateko programa informatikoa instalatzeko eta konfiguratzeko jarraibideak emango dira. Prozesu hori amaitutakoan, ebazteko kasu praktikoak emango dira, landu nahi den edukiaren arabera graduatuta. Horrela, ariketek konplexutasun handiagoa izango dute zerga-araudian sakontzen den heinean.

Irakasgaia, beraz, modu presentzialean eratzen da. Ikasgaia praktikoa denez, eskoletara joan ezean, ezinezkoa izango da jarraipena egitea.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Praktikak egitea (ariketak, kasuak edo buruketak) (%): 100

Ebaluazio jarraia erabiliko da:

- ikasleek proba praktiko batzuk egin beharko dituzte (zehaztu beharrekoak eta eGelan argitaratuko direnak). Eskoletan landu diren kasuen antzeko batzuk ebaztea proposatuko da, eta, eskoletan bezala, ikasleek beharrezko material teorikoa izango dute ordenagailu pertsonaletan.

Proba horiek data aldakorretan eta ohiko ordutegian egingo dira (ikasleekin adosten saiatuko gara), eskolen martxaren arabera. Irakasgaiaren azken nota ebaluazio guztien batez besteko haztatua izango da. Xehetasun guztiak elektronikoki jakinaraziko dira.

Ikasleen ebaluazio-arautegiak hala aginduta, ebaluazio jarraitua egin ez duten matrikulatutako pertsonek azterketa osoa egingo dute urtarrileko deialdian, eta honako ezaugarri hauek izango ditu:

- pertsona bakoitza bere ordenagailu pertsonalarekin joango da azterketara.

- kasu praktiko oso bat emango zaie, ikasturtean zehar landutakoa laburbiltzen duena

- informatika-programan ebatzi beharko dute, eta zehazten den formatuan entregatu.

Ohiko deialdian ez-aurkeztutzat joko da ebaluazio jarraituan parte hartzen ez duen eta azken azterketara aurkezten ez den pertsona oro.

Ikasgaiaren azterketa osoa egingo da ekaina-uztaileko deialdian, eta ezaugarri hauek izango ditu:

- pertsona bakoitza bere ordenagailu pertsonalarekin joango da azterketara.

- kasu praktiko oso bat emango zaie, ikasturtean zehar landutakoa laburbiltzen duena

- informatika-programan ebatzi beharko dute, eta zehazten den formatuan entregatu.



Bigarren deialdian ez-aurkeztutzat joko da azterketara joaten ez den pertsona oro.

Sailak prestatutako araudien apunteak eta laburpenak, elektronikoki emandakoak.

Oinarrizko bibliografia

Foru Aldundien webguneetan eta Zerga Agentziaren webgunean eskuragarri dagoen zerga-araudia.

Gehiago sakontzeko bibliografia

Online datu-baseak (EHUko intranetetik sartzeko aukera dago):
- BitOpus Fiscal Web de Bizkaia
- QMementua (lehen Nautis Fiscal Contable Plus)
Biak liburutegiko "datu-baseak" atalean daude, eta etengabe eguneratzen dira azken zerga-araudira.

Aldizkariak

Forum Fiscal de Bizkaia

Web helbideak

Foru-aldundien webguneak:

http://www.bizkaia.eus
http://www.gipuzkoa.eus
http://www.araba.eus

Zerga Agentziaren webgunea:

http://www.aeat.es