Irakasgai honek aukera ematen du gogoeta egiteko IKTek, hezkuntza berrikuntza eragile gisa, gizartean eta hezkuntzan duten eraginaz, eta, ikasle eta irakaslearen gaitasun digitalaz. IKTen bitartez ematen diren elkarrekintza, komunikazio eta lankidetza prozesuen inguruko ezagutzak eskaintzen ditu eta baita hezkuntza-praktiketan egiten den IKTen erabilpenaren inguruan ere. Etorkizuneko hiritarren alfabetizazio digitala bermatuko duten pertsonak hezitzea du helburu, hiritar gisa Ezagutzaren Gizartean sartze aktiboa izan dezaten. Testuinguru birtualak hezkuntzaren baliabide eta eskenatoki bezala aurkeztuko dira. IKTekin egiten diren irakaskuntza-jarduera egokien identifikazioa, inplementazioa eta balorazioa egiteko aukera egongo da.



Lauhileko edo Urteko beste Irakasgaiekin batera diziplinarteko izaera duen proiektuan parte hartuko du. Lan honen garapenean ikasleek lehenengo praktikaldian bereganatu dituzten esperientziak eta ezagutzak kontutan hartuko ditu.

Ikasleak bereganatu behar dituen bost konpententziak honako hauek dira:



1.- IKTek hezkuntzan eta gizartean duten eragina eta familiako zein eskolako hezkuntzan nola eragiten duten aztertzea eta modu kritikoan txertatzea



2.- IKTen bidez elkarrekintza, komunikazio eta lankidetzako prozesuak ezagutzea, horiek sustatu ahal izateko



3.- Teknologian oinarritutako ikaskuntza-irakaskuntza prozesu berritzaileak planifikatzea, garatzea eta ebaluatzea, hezkuntza-testuinguru formaletan



4.- IKTen bidez hezkuntza-materialak aukeratzen, egiten eta ebaluatzen jakitea, aurrez aurreko irakaskuntzaren eta irakaskuntza birtualaren testuinguruetan



5.- Bizitzan zeharreko ikaskuntza iraunkorraren eta garapen profesionalaren kultura garatzea

1.- INFORMAZIOA



Informazio digitala identifikatzea, bilatzea, berreskuratzea, metatzea, antolatzea eta aztertzea, garrantziaren eta helburuaren arabera.



2.- KOMUNIKAZIOA



Ingurune digitaletan komunikatzea, online tresnen bidez baliabideak partekatzea, tresna digitalen bidez beste batzuekin konektatu eta lankidetzan jardutea, komunitateetan eta sareetan interakzioan jardutea eta parte hartzea, eta kulturarteko kontzientzia zein ikuspegi globala izatea.



3.- EDUKIAK SORTZEA



Eduki berriak sortu eta editatzea (testuak, irudiak, bideoak, etab.); lehenagoko ezagutzak eta edukiak txertatzea eta berregitea; ekoizpen artistikoak, multimedia edukiak eta programazio informatikoa egitea; jabetza intelektualaren eskubideak eta erabilera-lizentziak aplikatzen jakitea.



4.- SEGURTASUNA



Banakako babesa, datuen babesa, nortasun digitalaren babesa, segurtasunaren erabilera, erabilera seguru eta jasangarria.



5.- ARAZOAK BIDERATZEA



Behar eta baliabide digitalak identifikatzea; bitarteko digital egokia, helburuaren edo beharraren araberakoa, hautatu ahal izateko erabakiak hartzea; arazo kontzeptualak konpontzea bitarteko digitalen bidez; arazo teknikoak konpontzea; teknologia sormenez erabiltzea; norberaren gaitasuna eta besteena egunean jartzea.

Irakasgai honen irakaskuntza klase magistraletan eta ordenagailu praktiketan emango da. Bi irakas-modalitateek ikasleriaren parte-hartze aktiboa, lankidetza, edukien inguruko hausnarketa eta norberaren erantzunkizuna eskatuko dituzte. Bertan, irakaslearen aurkezpenekin batera, Ikasle Gidan zehaztutakoaren arabera, ikasleak talde eta banakako praktikak eta proiektuak egin beharko ditu.



Irakasgaiak bere garapenerako eta ikaslearen konpetentzien lanketarako behar dituen irakurgaiak, bideoak, irakaslearen azalpenak, ikasleen zereginak, ikasleen talde lanak... eGelaren bitartez landuko dira eta egoerak hala eskatuko balu bertan eskuragarri izango ditu.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 30
  • Praktikak egitea (ariketak, kasuak edo buruketak) (%): 70

Etengabeko ebaluazioa edo ebaluazio jarraitua (jarduera-multzo bat eta ebaluazio proba) da UPV/EHUn nagusiki erabili beharreko ebaluazio sistema (EHAA, 1311 erabakia, 8.2. artikulua).



ETENGABEKO EBALUAZIOA



Irakasgai honetan ikasleak ebaluazio jarraituan Ikasle Gidan zehaztuko diren atal hauek egin beharko ditu:



Ikasgelan, ikasgelatik kanpo, indibidualak zein taldekoak diren eginbeharreko praktikak notaren %70a izango dira: ariketak, proiektuak, aho aurkezpenak eta Diziplina-arteko Lanak.

Indibidualki garatu beharreko proba idatzia notaren %30a izango da.



Ikasleak atal guztiak modu independientean gainditu behar ditu.



*** Etengabeko ebaluazioari uko egin ***



Ikasleak etengabeko ebaluazioari uko egin diezaioke eta azken ebaluazioaren arabera ebaluatua izan (azken ebaluazioaren atala ikusi). Ikasleak ebaluazio jarraituari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari, ikastegiko eskola egutegian zehaztutakoarekin bat lauhilekoa edo ikasturtea hasten denetik kontatzen hasita, kasuz kasu epe hauek errespetatu behar dira (EHAA, 1311 erabakia, 8.3. artikulua):



Donostiako Hezkuntza, Filosofía eta Antropología Fakultatean: Lehen lauhileko 9. astea baino lehen.

Bilboko Hezkuntza Fakultatean: Lehen lauhileko 9. astea baino lehen.

Gasteizko Hezkuntza eta Kirol Fakultatean: Ikasturtearen 18. astea baino lehen.



*** Deialdiari uko egin ***



Deialdiari uko egin nahi dion etengabeko ebaluazioa duen ikasleak irakasgaiaren irakaskuntza aldia bukatu baino hilabete lehenago egin beharko du eskaria. Eskari hori idatziz aurkeztu beharko zaio irakasgaiaren ardura duen irakasleari. Deialdiari uko egiten dion ikasleak «aurkezteke» kalifikazioa jasoko du.



AZKEN EBALUAZIOA



Ikasleak azken ebaluazio bidez ebaluatua izateko eskubidea izango du. Irakasgai honetan ikasleak azken ebaluazioan Ikasle Gidan zehaztutako atal hau egin beharko du:



Indibidualki garatu beharreko proba notaren %100a izango da.



*** Deialdiari uko egin ***



Azken ebaluazioa duen ikaslearen kasuan, azterketa egun ofizialean egin beharreko probara ez aurkezte hutsak ekarriko du automatikoki deialdiari uko egitea. Deialdiari uko egiten dion ikasleak «aurkezteke» kalifikazioa jasoko du.



OHARRA



Egoerak hala eskatuko balu, ohiko deialdian eGelaren bitartez egingo da; hau da, bai ebaluazioarako beharrezkoak diren materialak igoz (entregagaiak, praktikak...), baita kalifikazioa eman ere.

ETENGABEKO EBALUAZIOA



Ohiko deialdian etengabeko ebaluazioa duen ikasleari ohiko deialdian gainditutako atalaren nota gordeko zaio. Ezohiko deialdian gainditzeke duen atala egin beharko du.



*** Deialdiari uko egin ***



Deialdiari uko egin nahi dion etengabeko ebaluazioa duen ikasleak gainditzeke duen atala azterketa egun ofizialean ez entregatze hutsak ekarriko du automatikoki deialdiari uko egitea. Deialdiari uko egiten dion ikasleak «aurkezteke» kalifikazioa jasoko du



AZKEN EBALUAZIOA



Ezohiko deialdian ikasleak Ikasle Gidan zehaztutako atal hau egin beharko du:



Indibidualki garatu beharreko proba notaren %100a izango da



Azken ebaluazioa duen ikaslearen kasuan, azterketa egun ofizialean egin beharreko probara ez aurkezte hutsak ekarriko du automatikoki deialdiari uko egitea. Deialdiari uko egiten dion ikasleak «aurkezteke» kalifikazioa jasoko du.



OHARRA



Egoerak hala eskatuko balu, ez-ohiko deialdian eGelaren bitartez egingo da; hau da, bai ebaluazioarako beharrezkoak diren materialak igoz (entregagaiak, praktikak...), baita kalifikazioa eman ere.

Irakasgaiari modu egokian aurre egiteko, EHUko Irakaskuntza-Ikaskuntza Testuinguru Birtualean (EGELA) ikastaro bat sortu da. Ikastaro birtual horretan, metodologia eta erabili beharreko materialak zehazten dira, derrigorrezko irakurgaien aukeraketa barne. Irakurgai aukeraketa hau ondoren proposatzen den oinarrizko eta sakontzeko bibliografiatik eratorrita dago.

Oinarrizko bibliografia

Alba, I. (2011). Kameraren atzetik. Irudien bidez narrazioak egitea: Gidoitik filmera. Montesinos.



Area, M. (2009). Introducción a la Tecnología Educativa. Recuperado de http://webpages.ull.es/users/manarea/ebookte.pdf



Blázquez, F., Alonso, L., & Yuste, R. (2017). La evaluación en la era digital. Síntesis.



Cabero, J., De la Horra, I., eta Sánchez, J. (2018). La realidad aumentada como herramienta educativa. Paraninfo.



Carretero, S., Punie, Y., Vuorikari, R., Cabrera, M. & O'Keeffe W. (Eds.). DigComp into action - Get inspired, make it happen: a user guide to the European digital competence framework. (. Publications Office of the European Union. https://doi.org/10.2760/112945



Castañeda, L. & Adell, J. (Eds.)(2013). Entornos personales de aprendizaje: claves para el ecosistema educativo en red. Marfil.



Castaño, C., Maiz, I., Palacio, G. & Villarroel, J. D. (Eds.)(2008). Prácticas educativas en entornos Web 2.0. Síntesis.



Correa, J. M. (Coord.)(2010). Políticas educativas TIC en el País Vasco y buenas prácticas de enseñanza y aprendizaje. Paraninfo.



De Pablos, J. (2015). Los centros educativos ante el desafío de las tecnologías digitales. La Muralla.



Eusko Jaurlaritza. (2015). Irakasleen Konpetentzia Digitala. Retrieved from http://digitala.berritzegunenagusia.eus/wp-content/uploads/2016/02/2015_IrakasleenKonpetentziaDigitalak.pdf



Gisbert Cervera, M., Esteve-González, V., & Lázaro Cantabrana, J. L. (Eds.). (2019). ¿Cómo abordar la educación del futuro? Octaedro.



INTEF. (2017). Marco Común de Competencia Digital Docente V2. Retrieved from http://educalab.es/intef/digcomp/digcompteach



Iruskieta, M., Maritxalar, M., Arroyo-Sagasta, A. eta Camacho, A. (2019). IKTak eta konpetentzia digitalak hezkuntzan. UPV/EHU eta UEU.





Lluna, S., y Pedreira, J. (2017). Los nativos digitales no existen. Bartzelona: Deusto.



Ortega, J. M., & Ortíz, A. M. (Eds.)(2018). Tecnología en entornos educativos. Paraninfo.



Redecker, C. (2017). European framework for the digital competence of educators: DigCompEdu. Publications Office of the European Union. https://doi.org/10.2760/159770



Revuelta, F. & Pedrera, M. I. (Coords.)(2019). Retos y evidencias en la investigación con videojuegos en Educación. Octaedro



Sacristán, A. (2018). Sociedad digital, tecnología y educación. UNED - Universidad Nacional de Educación a Distancia.



Sánchez-Rivas, E., Ruíz-Palmero, J. eta Sánchez-Vega E. (Koord.), Innovación ý tecnología en contextos educativos. Universidad de Málaga. https://www.umaeditorial.uma.es/libro/innovacion-y-tecnologia-en-contextos-educativos_2511/

Gehiago sakontzeko bibliografia

Acaso, M. & Manzanera, P. (Coords.)(2015). Esto no es una clase. Investigando la educación disruptiva en los contextos educativos formales. Ariel.

Area, M., Gros, B. y Marzal, M. A. (Eds.)(2008). Alfabetizaciones y Tecnologías de la Información y la Comunicación. Sintesis.

Castañeda Quintero, L. (2010). Aprendizaje con redes sociales : Tejidos educativos para los nuevos entornos (1a. ed.). MAD. Recuperado de https://ehu.on.worldcat.org/oclc/758075068

Castells, M. (2006). La sociedad red. Alianza.

Cobo, C., & Moravec, J. W. (2011). Aprendizaje invisible: hacia una nueva ecología de la educación. Publicacions i Edicions de la Universitat de Barcelona. https://www2.educationfutures.com/books/aprendizajeinvisible/es/

De Abreu, B. S., Mihailidis, P., Lee, A. L. Y., Melki, J., McDougall, J. (2019). International Handbook of Media Literacy Education. New York: Routlegde. https://doi.org/10.4324/9781315628110

De Pablos, J. (2009). Tecnología Educativa: La formación del profesorado en la era de Internet. Aljibe.

De Pablos, J., Area, M., Valverde J. & Correa, J. M. (Eds.)(2010). Políticas Educativas y Buenas Prácticas con TIC. Grao.

Hernández, F., Aberasturi-Apraiz, E., Sancho, J. M., Correa, J. M. (eds.)(2020). ¿Cómo aprenden los docentes? Tránsitos entre cartografías, experiencias, corporeidades y afectos. Octaedro.

Hobbs, R. (2017). Create to learn: Introduction to digital literacy. Wiley-Blackwell.

Martínez Rodríguez, J. B., & Fernández Rodríguez, E. (Eds.). (2018). Ecologías del aprendizaje. Morata.

Poggi, M. (Koord.)(2015). Mejorar los aprendizajes en la Educación Obligatoria. Políticas y factores. IIPE - UNESCO.

Sancho, J. M. (2006). Tecnologías para transformar la educación. Universidad Internacional de Andalucía / Akal.

Aldizkariak

HEZKUNTZA

*Educación XX1
*Educatio Siglo XXI
*Revista Complutense de Educación
*Revista de CurrÍculum y Formación del Profesorado (PROFESORADO)
*Revista de Educación
*Revista Española de Pedagogía
*Revista de Psicodidáctica Revista Electrónica de Investigación y Evaluación Educativa (RELIEVE)
*Teoría de la Educación. Revista Interuniversitaria.

HEZKUNTZA TEKNOLOGIA

*Campus Virtuales
*Computers & Education
*Comunicar
*International Journal of Educational Technology in Higher Education (ETHE)
*Revista Interuniversitaria de Investigación en Tecnología Educativa (RiiTE)
*Revista de Medios y Educación (PIXEL BIT)
*Revista Electrónica de Tecnología Educativa (EDUTEC)
*Revista Latinoamericana de Tecnología Educativa (RELATEC)

Web helbideak

Berritzegune Nagusia: Konpetentzia Digitala
http://digitala.berritzegunenagusia.eus/marco-competencia-digital/

Centro Nacional de Desarrollo Curricular en Sistemas Propietarios (CEDEC)
https://cedec.intef.es/recursos/

Creative Commons
https://creativecommons.org/choose/?lang=eu

Hezkuntza Ataria (EJ-GV
https://www.euskadi.eus/eusko-jaurlaritza/hezkuntza-saila/

Hezkuntza Ataria (Nafarroa)
https://www.educacion.navarra.es/eu/web/dpto

Hezkuntza Baliabide Digitalen Ebaluazioa
https://intef.es/recursos-educativos/educacion-digital-de-calidad/une-71362/

Instituto Nacional de Evaluación Educativa (INEE)
http://www.educacionyfp.gob.es/inee/portada.html

Instituto Nacional Tecnologías Educativas y de Formación Profesorado (INTEF)
https://intef.es/

Irudien eta soinuen Biltegia
http://recursostic.educacion.es/bancoimagenes/web/

Marco Europeo de Competencias Digitales para los Ciudadanos (DigComp)
https://ec.europa.eu/jrc/en/digcomp

Procomun
http://procomun.educalab.es/es

EDIA Proiektua
https://cedec.intef.es/recursos/

Recursos Educativos Abiertos
https://es.unesco.org/themes/tic-educacion/rea