Irakasgaiak Teoria Ekonomikoa zatitu ohi diren bi adarretan ekiten die ikasleei, hau da, Mikroekonomia eta Makroekonomia, ikuspegi deskribatzailea eta analitikoa ematen die, hori guztia azterketa grafikoaren laguntzarekin.



Lehen lau kapituluetan, mikroekonomiari buruzkoetan, gaur egungo arazo ekonomiko nagusiak azaltzen dira, banakako eragile ekonomikoen erabakien ikuspegitik. Merkatuak antolatzeko modu nagusiak, enpresen eta kontsumitzaileen portaeraren determinatzaile nagusiak, erabakiak nola hartzen dituzten, trukeak nola ezartzen diren eta esku-hartze publikoak haietan duen eragina aurkezten dira.



Azkenengo bi kapituluak Makroekonomiari buruzkoak dira, helburu makroekonomiko nagusiak aurkezten ditugu (produkzio agregatuaren maila, prezioak, enplegua, kontu publikoak, etab.), baita helburu horiek lortzeko eskura dauden politika ekonomiko nagusiak ere. Gainera, ekonomia batek sortzen duenaren kalkuluan sartuko ditugu ikasleak.

Aurkezpena eta helburuak:



Irakasgai honen helburua da ikasleei helaraztea jokabide ekonomikoa gidatzen duten oinarrizko printzipioak. Hiru zati bereziko ditugu.

Lehenengoan, terminologia ekonomikoa aurkeztuko dugu, bere deskribapen-aldagai eta aldagai grafiko eta analitiko guztiekin, edozein enpresa jardueratan presente dagoen informazio ekonomiko eta finantzarioa interpretatu ahal izateko. Negozioen Kudeaketaren arloan graduatutako edozeinentzako oinarrizko ezagutzak dira, horrenbestez.

Bigarren zatia mikroekonomiari buruzko sarrera bat da, ondasunen merkatuen funtzionamenduaren ikuspegitik emana. Analisi hori eskarian eta eskaintzan oinarritzen da. Eskariari dagokionez, honakoei erreparatuko diegu: eginkizunen kontzeptuei, eskariaren kurbei, elastikotasunari eta elastikotasunaren eta guztizko diru-sarreraren arteko harremanari. Alderdi horiek guztiak saihestezinak dira edozein negozio operatiboren erosketen ingurune naturalari buruzko ikuspegi orokor bat lortu nahi denean. Eskaintzari dagokionez, kasu orokorrena aztertuko dugu; hau da, lehiakortasun perfektuko merkatuak.

Kontsumitzaileen eta eskaintzaileen jokabideak direla eta, haiek orekarako egiten duten ekarpena aztertuko dugu; izan ere, horretan, prezioa eta kopurua izango dira balore garrantzitsuak. Doikuntza prozesu horretan, prezioen balioa baloratuko dugu, efizientziaren iturri diren aldetik; eta, aurkakotasunez, merkatuek baliabideak esleitzerakoan huts egiten duteneko kasuak aztertuko ditugu. Horrela, sektore publikoaren esku-hartzea justifikatuko dugu.

Azken zatia makroekonomiari buruzko sarrera da. Horretan, oso maila oinarrizkoan, bizitza ekonomikoari buruzko ikuspegi metatuarekin lotutako kontzeptu guztiei buruzko sarrera bat emango da, politika makroekonomikoan azpimarra berezia jarriz.



Irakasgaiaren gaitasunak:



Ekonomia I irakasgaiak lau gaitasun dauzka; honakoak, hain zuzen ere:



1. gaitasuna: Ekonomiaren kontzeptuak eta oinarrizko printzipioak analizatzea, bai eta terminologia ekonomikoa eta aldagai makroekonomikoak ere, informazio ekonomiko eta finantzarioa analizatu eta interpretatzeko. Irakasgaiaren berariazko gaitasuna da. Gaitasun horrekin lortu nahi da jakintzagaiko 1. eta 4. gaitasunak lortzea, zeinek, beren aldetik, moduluko G001, G005 eta G006 gaitasunen garapenean.



2. gaitasuna: Prezioek merkatuko ekonomietan urriak diren baliabideak esleitzerakoan betetzen duten zeregin gakoa baloratzea, txostenak egiteari eta merkatu, enpresa eta kontsumitzaileen egoera zehatzei buruzko kasu praktikoak ebazteari dagokienez. Irakasgaiaren berariazko gaitasuna da. Irakasgaiaren berariazko gaitasuna da. Gaitasun horrekin lortu nahi da jakintzagaiko 2. eta 4. gaitasunak lortzea, zeinek, beren aldetik, moduluko G002, G005 eta G006 gaitasunen garapenean.



3. gaitasuna: Gobernuak merkatuko ekonomia batean esku hartzeko modu desberdinak erabiltzea, sektore publikoak errealitate ekonomikoan garatzen dituen prozesuak eta eragiketak ulertzeko. Irakasgaiaren berariazko gaitasuna da. Irakasgaiaren berariazko gaitasuna da. Gaitasun horrekin lortu nahi da jakintzagaiko 1. eta 4. gaitasunak lortzea, zeinek, beren aldetik, moduluko G001, G002, G005 eta G006 gaitasunen garapenean. 4. gaitasuna: Ezagutza teorikoak erabiltzea kasu praktikoak ebazteko, txostenak eginez, taldeka zein banaka. Zeharkako gaitasuna, zeinak, aldi berean, eragina baitu moduluko G001, G005, G006 eta G007 gaitasunen garapenean.



Ikaskuntzaren emaitzak.



1.- Oinarrizko kontzeptuan erabilera eta eredu ekonomikoen aplikazioa.

2.- Oinarrizko eredu ekonomikoak erabiltzea merkatuen funtzionamendua ulertzeko.

3.- Arazo ekonomikoei buruzko kasu praktikoak egitea.

GAIAK



1. kapitulua. Ekonomia. Ikuspegi orokor bat.

2. kapitulua. Merkatuaren eskaria.

3. kapitulua. Merkatuaren egitura: lehiakortasun motak.

4. kapitulua. Sektore publikoaren esku-hartzea.

5. kapitulua. Makroekonomiari buruzko ikuspegi panoramikoa.

6. kapitulua. Magnitude makroekonomikoak.

Ikasleak, guztira, 150 ordu inbertitu beharko ditu irakasgai hau gainditu ahal izateko. Horietatik, 60 ordu bertaratu beharrekoak izango dira eta 90 ordu, berriz, bertaratu beharrik gabekoak. Bertaratu beharreko 60 orduetatik, 42 ordu eskola magistralen moduan emango dira eta 18 ordu, berriz, ikasgelako praktikak egiteko erabiliko dira. Bestalde, bertaratzekoak ez diren 90 orduetatik, ikasleak 54 erabili beharko ditu eskola magistraletako edukiak barneratzeko eta 36, berriz, ikasgelan praktikak egiteko.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Test motatako proba (%): 10
  • alde lanak (arazoen ebazpenak, proiektuen diseinuak) (%): 17
  • Banakako eta taldeko ekintzak ikasturtean zehar egindakoak (entseguak, eztabaidak, problemak, fenomenoak, erronkak...) (%): 3

Ikusturtean zehar proposatuko diren ekintza guztiak egiten dituzten ikasleek, irakasgaia gainditzeko aukera edukiko dute azterketa finalera aurkeztu barik. Ekintza guztiak ez badituzte egiten, edo (nahiz eta ekintzak egin), ez badute lortzen irakasgaia gainditzea ebaluazio jarriaren sistema honekin, azterketa finalera joateko aukera daukate. Ikasleak ez du ezer egin behar ebaluazio jarraiari uko egiteko, zeren ikasle guztiek dute azterketa finala egiteko aukera.



Azterketa finalak notaren %100 balioko du. Zentruko Batzarrak onesten duen datan egingo da.Azterketa hori ezinezkoa izango balitz modu presentzialean egin, eGela plataformako tresnak erabiliz egingo genuke.



Deialdi honi uko egiteko nahiko da azterketa finalera ez aurkeztea; kasu honetan, AURKEZTEKE agertuko da aktetan.



Euskal Herriko Unibertsitateko (UPV/EHU-ko) Etika Akademikoari buruzko Protokoloan finkatzen den bezala, ikasleek ebaluzaio proba desberdinatan kalkulagailu konbentzionalak erabili ahal dituzte. Proba horietan, ikasleek debekatuta izango dute liburuak, oharrak edo apunteak erabiltzea, bai eta tresna edo gailu telefoniko, elektroniko, informatiko edo bestelakoak erabiltzea ere.

Ezohiko deialdiari dagokion ebaluaketa: Azterketa finala izango da.



Azterketa horrek notaren %100 balioko du eta ariketa teoriko-praktikoak edukiko ditu. Zentruko Batzarrak onesten duen datan egingo da. Azterketa hori ezinezkoa izango balitz modu presentzialean egin, eGela plataformako tresnak erabiliz egingo genuke.



Deialdi honi uko egiteko, nahiko da azterketa finalera ez aurkeztea; kasu honetan, AURKEZTEKE agertuko da aktetan.



Euskal Herriko Unibertsitateko (UPV/EHU-ko) Etika Akademikoari buruzko Protokoloan finkatzen den bezala, ikasleek ebaluzaio proba desberdinatan kalkulagailu konbentzionalak erabili ahal dituzte. Proba horietan, ikasleek debekatuta izango dute liburuak, oharrak edo

Además de la bibliografía recomendada, y de las notas de clase, se pondrán a disposición del alumnado otros materiales en la plataforma digital de apoyo a la docencia eGela (lecturas divulgativas, artículos científicos, problemas y ejercicios adicionales, etc.).

Oinarrizko bibliografia

Mochón Morcillo, F. (2009) "ECONOMÍA.TEORÍA Y POLÍTICA". Ed.McGraw-Hill

Samuelson, P.A., Nordhaus, W. (1999) "Ekonomia". Euskal Herriko Unibertsitateko Argitalpen Zerbitzua

Gehiago sakontzeko bibliografia

Schiller, Bradley R. (2008) "PRINCIPIOS DE ECONOMÍA". McGraw-Hill argitaletxea.
Mochón Morcillo, F. (2010) "PRINCIPOS DE ECONOMÍA". Ed.McGraw-Hill.
Blanco Sánchez, Juan Manuel (2008) "ECONOMÍA: TEORÍA Y PRÁCTICA" (5ª Edición). McGraw-Hill argitaletxea.
Martín Simón, J.L.(2003) "PRINCIPIOS DE ECONOMIA". Prentic Hall argitaletxea.
Mankiw, N.G. (2002) "PRINCIPIOS DE ECONOMÍA"..McGraw-Hill argitaletxea.
Torres López, Juan (2005) "ECONOMÍA POLÍTICA". Pirámide argitaletxea. Madrid

Aldizkariak

Web helbideak

www.eurostar.com
www.eustat.es
www.ine.es8