Zientzia Politikoko Graduak lantzen dituen gaitasunen artean honako hauek daude: politika publikoen diseinu eta kudeaketa, administrazio publikoen modernizazioa, erabaki eta komunikazio estrategiak antolaketetan eta gobernabilitate tresnen eraketa. Zehazki, politika publikoen analista profila politika publikoen azterketa gauzatzen du epe ezberdinetan oinarrituz: arazoaren identifikazio eta definizioa, formulazioa eta programa eta ekintzen erabakia, ebaluazioa eta jarduera publikoa hobetzeko bideak; hau dena lurralde maila ezberdinetan, nazioartekoa, estatala, autonomikoa eta toki administrazioan.



Politika Publikoen analisia erakunde publikoen funtzionamenduaz aritzen diren irakasgaien blokean kokatzen da eta erabaki publikoen hartze prozesu orokorraren ezagutza hartzen du, bereziki erabaki publikoen hartze prozesuan erabiltzen diren planifikazioa, inplementazioa, analisi eta ebaluaziorako tresna eta estrategiak aztertzen ditu.



Irakasgai honek erakunde publikoen izaera dinamikoa eta erreala azpimarratzen du, modu honetan beste irakasgai batzuk lantzen dituzten alde juridiko, antolaketa mailakoak eta aktore sozial eta politikoen inguruko atalak osatzeko asmoz.

Gaitasun orokorrak

G003 - Testuinguru jakin batean dauden eragile politikoak, haien gaitasunak eta portaera identifikatzea, sistema politikoan dituzten ondorioak aztertzeko eta agertokiak aurreikusteko.

G004 - Hauteskunde-prozesuak ezagutzea, lehentasun politikoak osatzetik eta adieraztetik sistema demokratikoen ordezkaritza-logikaraino, komunikazio politikoko kanpainak diseinatzeko, hauteskunde osteko agertokiak definitzeko eta emaitzak interpretatzeko.

G005 - Administrazio publikoen maila guztietako egitura, antolaketa eta funtzionamendua ulertzea, plangintza eta kudeaketa administratiboko prozesuak ezartzeko.

G006 - Nazioarteko politika ulertzea, haren eragileak, egitura instituzionala, antolamendukoa eta politikoa identifikatuz, eta beste esparru batzuekiko elkarrekintza, erregionalizazio-prozesuak eta munduan eskualde-integrazioko prozesuak aztertzeko eta erabakiak hartzeko agertoki berriak identifikatzeko.

G007 - Gobernantzari eta helburu publikoak eta erabaki politikoak hartzeko prozesuei buruzko ikuspegiak ezagutzea, politika publikoak planifikatzeko, ezartzeko, ebaluatzeko eta aztertzeko.

G008 - Adierazleak egitea datu kuantitatibo eta kualitatiboekin, fenomeno politikoen eta instituzioen eta administrazioaren funtzionamenduaren hainbat dimentsio identifikatzeko, aztertzeko eta ebaluatzeko.



Zeharkako gaitasunak

CT2 – Konpromiso soziala

CT3 - Komunikazioa eta eleaniztasuna

CT7 - Pentsamendu kritikoa



Gaitasun espezifikoak

C3CC01. Erabaki politikoak hartzeko prozesuak identifikatzea eta helburu publikoak ezartzea, gobernu-egituren eta eragile politiko administratiboen jardueraren esparruan.

C3CC02 - Prozesu politikoa aztertzea eta azaltzea, sistemaren egituren ikuspegitik eta eragile politikoek sisteman eta haren eraldaketan duten eginkizunaren ikuspegitik, bai barne-ikuspegitik, bai kanpo-ikuspegitik.

C3CC04 - Antolaketa- eta kudeaketa-trebetasunak garatzea ekintza zehatzak planifikatu eta ezartzeko, bereziki kudeaketa publikoaren eta politika publikoen esparruan.

C3CC07 - Instituzio eta erakunde publikoentzako barneko eta kanpoko komunikazio-zerbitzuak planifikatzeko eta kanpaina politikoak diseinatzeko komunikazio-teknika eta -estrategia erabilgarriak erabiltzea.



Ikaskuntza emaitzak:

IE1. Politika publikoen faseak identifikatzea hainbat testuingurutan.

IE2. Ikuspegi teorikoak identifikatzea politiken azterketan.

IE3. Politika publikoen prozesu batean esku hartzen duten eragileak eta horien interesak identifikatzea.

IE4. Gobernuen arteko prozesuak alderatzea.

IE5. Arazo publikoen diagnostikoa eta alternatiba posibleak baloratzea.

IE6. Politikak ezartzeko programak eta planak azaltzea.

IE7. Erabakiak hartzeko prozesua azaltzea eta aztertzea, prozesu horren berezko dinamikak eta irizpideak kontuan hartuta.

GAIAK



1. Politika publikoen analisirako ikuspuntuak eta metodologia



2. Politika publikoak: Definizioa, testuinguruak, osagaiak eta zikloa; Politika publikoen tipologiak



3. Arazoen definizioa politika publikoetarako abiapuntu gisa eta agenda politikoaren eraikuntza



4. Inplikaturiko aktore sareen identifikazioa; jarrera, estrategia eta baliabideak



5. Politika publikoen erabakiak hartze prozesuak eta baliabideen esleitzea



6. Politika publikoen inplementazioa eta kudeaketa



7. Politika publikoen ebaluazioa

Irakasgai honen metodologia bi moduz antolatzen da, batetik klase teorikoak eta bestetik, saio praktikoak.



Irakasgaian zehar klase teorikoetan azaltzen diren edukiak modu praktikoan landuko dira gelan ariketa ezberdinen bitartez.



Ebaluazio jarraia bideratzeko erabiltzen den baliabideak politika publiko zehatz baten analisia du helburutzat, honen bidez ikasleen informazioa bilatzeko gaitasuna landu nahi da, gai horri buruzko banakako analisi originala egitea eskatzen baita.



Lan hori irakasleari entregatu beharko zaio egelan finkatzen den epearen barruan. Lanak politika publikoa zehatz baten fase bat edo biren azterketa laburra jasoko du egelan finkatzen diren galderei erantzunez. Metodologia honen nondik norako guztiak egelan zehaztuko dira.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 60
  • Praktikak egitea (ariketak, kasuak edo buruketak) (%): 20
  • Banakako lanak (%): 20

EBALUAZIOA



1.Irakasgai honen ebaluazio sistema jarraitua da. Honek esan nahi du formakuntza zati praktikoa duela (klasera etortzea partehartzea, gelako ariketak eta entregatu beharreko banakako lana). Ikasleari bere garapenari buruzko informazioa emango zaio, bakoitzak bete dituen helburuak eta beharrezkoak dituen hobekuntzak jakin dezan.

Bestetik, idatzizko froga edo azterketa izango da.

Alde praktikoak azken emaitzaren %40 bideratzen du eta azken froga idatziak %60. Bi atalak derrigorrezkoak dira.



2.Banakako lana egitea derrigorrezkoa da idatzizko azken froga egin ahal izateko. Gainera, lanak egelan finkatzen diren epeak eta baldintzak bete beharko ditu.



3.Irakasgaia gainditzeko ebaluazioaren bi atalak gainditu beharko dira: banakako lana eta idatzizko azken azterketa.



4.Hala ere, ikasleak azken ebaluazio sistema hautatzeko eskubidea izango du, ebaluazio jarraituan parte hartu badu edo ez badu ere. Horretarako, ikasleak irakasleari idatziz ebaluazio jarraituari uko egiteko eskaria aurkeztu beharko dio hilabetea hasi eta 9 asteko epearen barruan.



5.Araudiak jasotzen dituen salbuespenek (deialdia errepikatzen duen ikaslegoa barne) eta ebaluazio jarraituari uko egin diotenek, azken azterketa egin beharko dute eta bertan egin beharreko lanari buruzko galdera erantzun beharko dute.



Ebaluazio sistema larrialdi egoeran:

Larrialdi egoeran egonez gero (ad. pandemia egoeran) lan praktikoak eta idatzizko azken froga birtualki egin beharko dira. Kasu horretan argibideak garaiz emango zaizkie ikasleei idatzizko lana eta lan praktikoak birtualki egin ahal izateko.

Ariketa praktikoen atala gaindituta duenari nota gordeko zaio(%40) eta azterketan ateratzen duenarekin batuketa egingo da.



Ariketa praktikoak egin ez dituenak edo gainditu gabe dituenak %100 nota lortuko du azterketaren bitartez.

Egelan eskuragarri jarriko dira.

Oinarrizko bibliografia

-Fontaine, G. (2015): El análisis de políticas públicas. Ed. Anthropos, Flacso. Barcelona

-Harguindeguy, J.B. (2015): Análisis de políticas públicas. Madrid, Tecnos 2ª edicción.

-Pastor Albadalejo, G. (2014): Teoría y práctica de las políticas públicas. Tirant Lo Blanch, Valencia

-Bardach, E. (2008): Los ocho pasos para el análisis de políticas públicas. Porrua, Mexico.

-Aguilar, l. (comp) (2000): El estudio de las políticas públicas. Antología de textos (4 volumenes). Porrua, Mexico.

-Olmeda, J.A. et al (2012): Las administraciones públicas en España. Ed. Tirant Lo Blanch, Valencia.

-Subirats, J. (1989): Análisis de políticas públicas y eficacia de la administración. INAP, Madrid.

(2008): Análisis y gestión de políticas públicas. Ariel Ciencia Política. Barcelona

-Meny, I. y J.C. Thoenig (1992): Las políticas públicas. Ariel, Ciencia Política. Barcelona.

-Pérez Sánchez, M. (2005): Análisis de Políticas Públicas. Universidad de Granada.

.-Lindblom, C.E (1991): El proceso de elaboración de políticas públicas. MAP, Madrid.

-Varios: "Políticas Públicas y Organización Administrativa." en Documentación Administrativa. 224-225, Octubre-Marzo, 1990-1991. INAP.

-Grau, M y A. Mateos (eds.) (2002): Análisis de políticas públicas en España: enfoques y casos. Tirant lo Blanch, Valencia.

Gehiago sakontzeko bibliografia

-Ballart, X. (1992): ¿Cómo evaluar programas y servicios públicos? Aproximación sistemática y estudios de caso.MAP, Madrid,
-Monnier, E. (1995): Evaluación de la acción de los poderes públicos. Instituto de Estudios Fiscales. Madrid.
-Gomá, R. Y J. Subirats (1998): Políticas Públicas en España. Ariel, Ciencia Política, Barcelona.
-Tamayo, M.: “El análisis de las Políticas Públicas.” En Bañón y Carrillo: La nueva administración pública. Alianza, Universidad. Madrid. 1997. (pp. 281-312).
- Bañon, R. (Comp.): La evaluación de la acción y de las políticas públicas. Ed. Díaz de Santos, Madrid, 2002.
- Font, j. (coord.): Ciudadanos y decisiones públicas. Ariel Ciencia Política, Barcelona, 2001.

Aldizkariak

Gestión y Análisis de Políticas Públicas: //revistasonline.inap.es/
Revista Vasca de Administración Pública