“Komunikazioari aplikatutako estatistika” lehenengo mailan ematen da Kazetaritza, Ikus-entzunezko Komunikazioa eta Publizitatea eta Harreman Publikoak graduetan. Ikus-entzunezko Komunikazioa eta Publizitatea eta Harreman Publikoak graduetan bigarren mailan ematen den “Komunikazioko ikerketa metodoak” irakasgaiarekin batera, komunikazio graduetako ikasleak gizarte ikerketa aplikatua arloan trebatzea du helburu.

Hori dela eta, irakasgaiak komunikazioan gizarte ikerketa egiteko egun garatzen diren hiru lerroak barnebiltzen ditu: 1) kazetaritzatik eratorritakoa, zeinetan batik bat zehaztasunezko kazetaritza nabarmentzen den, 2) publizitatean garatutakoa, merkatu ikerketak eta marketing-aren bitartez batez ere, 3) komunikazioko ikerketekin harremanetan dagoena, batez ere, audientzien inguruko ikerketa zein komunikazio prozesuko edozein atalen ingurukoa.

Irakasgaiak ikasleak ondoko gaitasunetan trebatzea du helburua:

1. Komunikabideetako oinarrizko ikerketa diseinuak ezberdindu, bai kuantitatiboak bai kualitatiboak, eta diseinu bakoitzetik sortutako datu motak identifikatu.

2. Txosten, proiektu eta gizarte ikerketa lanak aztertu eta teknikoki baloratu.

3. Jada existitzen diren datu baseetan eskuragarri dagoen informazio kuantitatiboa sailkatu eta erabili (hala nola, audiometria edo komunikabideen institutuak, estatistika edo administrazio publikoko institutuak, erakunde nazional eta internazionalak, enpresak, ikerketa institutuak, GKE-ak, ...)

4. Norberaren edo beste batzuen azterketa estatistikoetako emaitzak interpretatu (txostenak, inkestak, galdeketak, diagnostikoak, ebaluazioak, ...) eta komunikabideetan erabiltzeko era egokian aurkeztu.

I. IKERKETA PROZESUA ETA ESTATISTIKA IKERKETAN

1. Sarrera: komunikaziora aplikatutako ikerketa

a. Zer da ikerketa? Zergatik da garrantzitsua?

b. Zertarako da erabilgarria ikerketa komunikazioan: adibideak.

2. Komunikaziora aplikatutako ikerketa prozesua.

a. Arazoaren planteamendua

b. Helburuak eta hipotesiak

c. Metodologia eta ikerketa teknikak

3. Datu kuantitatiboen produkzioa

a. Lehen mailako datuak vs. bigarren mailako datuak

b. Bigarren mailako datu iturriak

4. Datu kuantitatiboen kudeaketa

a. Aldagai motak

b. Aldagaien antolaketa: datu matrizea

c. Datu matrizearen kudeaketa: aldagaien transformazioa



II. ESTATISTIKA DESKRIBATZAILEA ETA ESTATISTIKA INFERENTZIALERA SARRERA

5. Datu kuantitatiboen analisia I: estatistika deskribatzailea

a. Aldagai bakarreko estatistika deskribatzailea

b. Aldagai biko estatistika deskribatzailea

6. Datu kuantitatiboen analisia II: estatistika inferentzialera sarrera

a. Adierazgarritasuna eta konfiantza tarteak

b. Akatsak eta konfiantza mailak

III. DATU KUANTITATIBOEN HEDAPENA ETA HEDABIDEAK

7. Bigarren mailako datuen analisi eta kudeaketa

a. Magnitude absolutu eta erlatiboak eta tendentzien deskribapena

b. Adierazleak

c. Emaitzen aurkezpena

8.Komunikazioa eta datu kuantitatiboen hedapena

a. Emaitzen aurkezpena

b. Datuen komunikazioan ohiko akatsak

Irakasgaia klase magistralek eta ordenagailu praktikek osatzen dute, non metodologia parte-hartzailea irakasleren aurkezpenekin konbinatzen den.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 65
  • Banakako lanak (%): 10
  • alde lanak (arazoen ebazpenak, proiektuen diseinuak) (%): 20
  • Lanen, irakurketen... aurkezpena (%): 5

Ohiko deialdiko ebaluaketa mistoa izango da eta ondorengo atalek osatuko dute:

Azken azterketa: notaren %65a. Azterketak bi atal ditu: lehen atala test erako erantzun anitzeko galderez osatua dago eta bigarrena garatzeko galdera laburrez. Azterketa Zentroak jarritako ordu eta egunean garatuko da.

Praktiken ebaluaketa jarraitua: notaren %35a. Bakarka eta taldeka praktika orduetan garatutako lanaren ebaluaketa.



1. Oharra: Arautegian agertzen diren arrazoiak direla eta klasera etortzerik ez duten ikasleek, baterako azken froga egiteko eskubidea dute, Zentroak jarritako egun eta orduan. Baterako azken froga izango da ebaluaketaren %100a. Egoera honetara heldu nahi duten pertsonek irakasle taldeari adierazi beharko diote irakasgaiaren ematen den lehen hilabetean.

2. Oharra: Azken azterketara ez aurkezteak deialdiari uko egitea dakar.

Ez-ohiko deialdiaren ebaluaketa osoko azken frogaren bidez egingo da.

1. Oharra: kurtso honetan zehar irakasgaia klasera etorriz bideratu dutenek ez-ohiko deialdia ohiko deialdia egiteko ezarritako irizpide berak jarraituz egiteko eska dezakete (gehienez azterketa baino aste bete lehenagoko datarekin).

Irakasgaiaren garapenerako nahitaezkoa izango da ordenagailua, Excel programa (edo antzekoa) eta kalkulagailu zientifikoa erabiltzea

Oinarrizko bibliografia

BERGANZA, MR. y RUIZ, JA. (coord.) (2005) Investigar en comunicación. Madrid: McGraw Hill

ETXEBERRIA J. (2004) Estadística aplicada. UPV-EHU

MARTÍN, U.;GONZALEZ, Y. y BACIGALUPE A. (2012) Estadística descriptiva básica con Excel: funciones y tablas dinámicas. Materia de apoyo asignatura Estadística Aplicada a la Comunicación. UPV/EHU.

Gehiago sakontzeko bibliografia

BERGANZA, M. R. y SAN ROMÁN, J. A. (coord.s) (2005): Investigar en comunicación. Madrid: McGraw-Hill Interamericana.
BLAXTER, L.; HUGHES, C. y TIGH, M. (2000): Cómo se hace una investigación. Barcelona: Gedisa.
CEA D'ANCONA, M. A. (1996): Metodología cuantitativa. Estrategias y técnicas de investigación social. Madrid: Síntesis.
GAITAN, J.A. y PIÑUEL, J.L. (1998): Técnicas de Investigación en Comunicación Social. Elaboración y registro de datos. Madrid: Editorial Síntesis.
GARCÍA FERRANDO, M. (1985): Socioestadística, Madrid: Alianza Universal.
HERNÁNDEZ, R.; FERNÁNDEZ, C. y BAPTISTA, Pilar (2003): Metodología de la investigación. México: McGraw-Hill.
SÁNCHEZ CARRIÓN, J.J. (2005): Manual de Análisis Estadístico de los Datos. Madrid: Alianza Universal.
WALKER, M. (2000): Cómo escribir trabajos de investigación. Barcelona: Gedisa.
WIMMER, R.D. y DOMINICK, J.R. (1996): La Investigación Científica de los Medios de Comunicación. Una Introducción a sus Métodos. Barcelona: Bosch.

Aldizkariak

Zer. Revista de Estudios de Comunicación (http://www.ehu.es/zer/)
Revista Latina de Comunicación Social (http://www.revistalatinacs.org/)
Comunicación y Sociedad (http://www.unav.es/fcom/comunicacionysociedad/es/)
Comunicar (http://www.revistacomunicar.com/)
Estudios sobre el Mensaje Periodístico (http://www.ucm.es/info/emp/)

Web helbideak

AIMC: Asociación para la investigación de medios de comunicación (Estudio General de
Medios): http://www.aimc.es
Nielsen NetRatings: http://www.nielsen-netratings.com/intl.jsp?country=es
SOFRES: http://www.sofresam.com
Euskal Estatistika Erakundea(EUSTAT): http://www.eustat.es
Instituto Nacional de Estadística: http://www.ine.es
Kantar Media http://kantarmedia.es/
OJD: Oficina de Justificación de la Difusión: http://www.oid.es