Ikasgai hau telekomunikazioko adarreko amankomuneko moduloaren barne dago (02 Moduloa) eta beraz, telekomunikazioetako oinarrizko printzipioak lantzen ditu. Ikasgai honek, ikuspuntu formal eta matematiko batetik, telekomunikazio sistema modernoetan informazioaren transmizioa ahalbidetzen dituzten oinarrizko mekanismoak deskribatzen ditu (irrati eta telebista digitala, datu transmisioa, telefono bidezko komunikazioak, eta abar). Hortarako, bidali beharreko informazio digitala, izaera estokastikoa duena, modelatu egiten da, hala nola transmizioa burutzen deneko kanalaren mugak. Hortarako bi kasu hartuko dira kontuan: bandan murriztutako kanaletan oinarritutako transmisioa, eta kanal zaratsu gaussiarrak. Bai oinarri bandako zein banda pasoko sistemak landu egiten dira. Ikasitako eredu matematikoak indartzen dituzten laborategiko praktikak ere burutzen dira.

Ikasgai hau titulazioaren bigarren kurtsoko bigarren lauhilabetean ematen da. Honela, funtzesko hezkuntzako ikasgaiek, bereziki ‘Zirkuituen Analisia’ eta ‘Seinaleen Tratamendua’ (biak lehen kurtsokoak), ematen dituzten gaitasunak kontrolpean daudela aurreikusi daiteke: bai seinaleen analisirako tresnak eta baita hauetan eragiketak burutzeko gaitasunak (konboluzioa eta Fourier-en transformatua). Baita suposatzen da kontrolpean daudela analisi estatistikoko oinarrizko teknikak (‘Estatistika’-ko ikasgaian ikasiak, lehen kurtsoan) eta algebra eta kalkuloko beste oinarrizko tresnak (‘Algebra’, ‘Kalkulua I’ eta ‘Kalkulua II’, eta ‘Matematiken Gehipena’), esaterako, funtzioen adierazpen grafikoa, oinarrizko integralak, zenbaki konplexuen bidezko eragiketak, funtzio trigonometrikoak, adierazpen bektoriala, eta bektoreen bidezko oinarrizko eragiketak. Honez gain, garrantzitsua da energia eta potentziaren kontzeptuak erabat ulertuak izatea, ‘Fisikaren Gehipena’-n landuak.

Bestalde, honako hau komunikazioen oinarrizko kontzeptuen ikasgaia izanik, ikaslea prestatzen du komunikazioen hurrengo ikasgaietarako (03 Moduloaren ikasgaiak), adibidez, ‘Telekomunikazio Sistemak’, ‘Irrati-komunikazioko Sistemak’ edo ‘Komunikazio Mugikorrak’, zeinetan Komunikazioaren Teorian ikasitako kontzeptuak oinarri gisa erabiltzen diren teknika landuagoak erabiltzen dituzten komunikazio sistemak deskribatzeko. Kordinazioa ziurtatuta dago kurtso, modulu eta titulazioko kordinaziorako erabiltzen diren mekanismo orokorren bitartez.

Irakasgaiak, modulazio eta demodulazio azpisistemen analisi, diseinu eta implementazioa burutzeko beharrezkoak diren tresna matematiko eta informatikoak modu egokian erabiltzeko aukera emango digu, seinaleen sorkuntza eta detekzioaren ikuspuntutik.



Gaitasun espezifikoak

Ikaslegoari telekomunikazioaren adarreko modulu amankomunaren (M02) ondorengo gaitasunak ematen dizkio:

GE1: Komunikazio sistemen oinarrizko parametruak zehaztu eta analizatu (moduluaren M02R4 gaitasuna).

GE2: Komunikazio sistemak inplementatzeko dauden aukera teknologiko ezberdinen abantailak eta desabantailak balioztatzeko gaitasuna, seinalearen espazioaren, perturbazioen, zarataren eta modulazio analogiko eta digitalen sistemen ikuspuntutik (moduluaren M02R5 gaitasuna).

GE3: Errekurtso bibliografiko eta informazioaren bilaketarako tresna informatikoak modu egokian erabili, deskribaturiko tekniken eremuan (moduluaren M02R3 gaitasuna).



Zeharreko gaitasunak

ZG1: Norberak bideratutako ikaskuntza jarraitua eta autonomoaren trebetasunen jabe izan.

ZG2: Elkarlanerako eta aurkezpenetarako trebetasunen jabe izan.

Klase Magistralak eta gelako praktikak



1. Gaia. Komunikazio sistemei sarrera

2. Gaia. Zorizko seinale eta prozesuak

3. Gaia. Seinaleen transmisioa zaratagaz

4. Gaia. Banda pasoko seinale eta sistemak

5. Gaia. Oinarri bandako komunikazio digitalak

6. Gaia. Modulazio digitalak

7. Gaia. Zarata komunikazio digitaletan



Mintegiak

----------

Modulazio analogikoak eta ariketa konplexuen ebazpena.



Laborategiak

------------

1. Praktika. Komunikazio analogikoak. AM

2. Praktika. Komunikazio analogikoak. FM

3. Praktika. Komunikazio digitalak

Lekuko Irakaskuntza:

- Magistrala eta gelako praktikak:

- teoria eta oinarrien esposizioa

- ariketen ebazpena

Ikasleek lan-pertsonala burutzea ezinbestekoa izango da (lekukoa ez den irakaskuntza) klaseak probetxuskoak izan daitezen.

- Laborategiko praktikak: Matlab/Octave-ren bidezko komunikazio sistema analogikoen simulazioa eta sistema digitalen analisia benetazko ekipoen bitartez.

- Mintegiak: Modulazio analogikoen azalpena eta ariketa konplexuen ebazpena.



Lekukoa ez den Irakaskuntza:

- Magistrala eta gelako praktikak:

- Astero proposaturiko teoriaren ikasketa. Zalantzen zerrendaren osaketa lekuko irakaskuntzako klaseetan eztabaidatzeko. Proposaturiko ariketen prestaketa eta ebazpena.

- Laborategiko praktikak: proposaturiko praktiken prestaketa eta emaitzak teoriagaz erlazionatu.

- Mintegiak: proposaturiko ariketen prestaketa.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 53
  • EGELAKO GALDETEGIAK (%): 47

Ebaluazio jarraia burutuko da norbanako ebaluazio partzialeko hiru frogen bitartez (EPF).EPF bakoitzean, ariketen ebazpenetan (klase magistralak, gelako praktikak eta mintegiak) eta laborategietan (laborategietako klaseak) bereganatutako gaitasunak ebaluatuko dira:

- EPF1:

o Klase magistral eta gelako praktiketako 1go eta 2. gaiak (EPF1-M)

o Laborategiko 1. praktika (EPF1-L)

- EPF2:

o Klase magistral eta gelako praktiketako 3. eta 4. gaiak (EPF2-M)

o Laborategiko 2. praktika (EPF2-L)

- EPF3:

o Klase magistral eta gelako praktiketako 5., 6. eta 7. gaiak (EPF3-M)

o Laborategiko 3. praktika (EPF3-L)



AZKENEKO NOTAREN KALKULUA

Azkeneko notaren (AN) kalkulua ondorengo formularen bitartez kalkulatuko da:

AN= 0,75*(N(EPF1-M)*0,3+ N(EPF2-M)*0,3+ N(EPF3-M)*0,4)+

0,25*(N(EPF1-L)*0,25+ N(EPF2-L)*0,35+ N(EPF3-L)*0,40)+



Irakasgaia gainditzeko ondorengo baldintzak bete beharko dira:

- Azkeneko notan (AF-n) gutxienez 5 puntu lortzea 10-etik (10/5).

- Bai magistral eta gelako praktiken atalean, bai laborategiaren atalean batez besteko nota 3-tik gora egotea 10-etik (10-etik 3 edo gehiago). Hau da:

o N(EPF1-M)*0,3+ N(EPF2-M)*0,3+ N(EPF3-M)*0,4 formuleko nota 3-tik gora egon beharko da 10-etik.

o N(EPF1-L)*0,25+ N(EPF2-L)*0,35+ N(EPF3-L)*0,40 formuleko nota 3-tik gora egon beharko da 10-etik.

- Laborategiko lekuko klaseetara asistentzia minimoa %75-ekoa izan beharko da.



3-ko nota minimoa (10-etik) lortu izango ez balitz edozein ataletan eta azkeneko nota (AN) 4,5 baino handiagoa izango balitz (10-etik), azkeneko nota 4,5-ekoa izango da (10-etik).



LEKUKO IRAKASKUNTZAREN ASISTENTZIA

Ebaluazio jarraiaren sistema jarraitu ahal izateko %75-eko asistentzia minimo bat eskatu egiten da laborategiko lekuko klaseetara. Erizpide hau kurtsoan zehar aplikatuko da eta beraz, ebaluazio partzialeko frogetan ebaluatuta izan ahal izateko, baldintza hau bete beharko da froga bakoitza egingo den data bakoitzean.



Ebaluazio jarraituari uko egiteko, irakasleari idatziz adierazi beharko zaio 2018ko Apirilak 30era arte. Horrela izatekotan, aurretik egindako frogetako ebaluazioak galduko lirateke. Uko egin ahal izango zaio laborategiko atalari alde batetik edota magistral-gelako praktikak atal konbinatuari bestetik, independenteki (hau da, atal bati, besteari edo biei).



B) AZKENEKO EBALUAZIOAREN SISTEMA

Ohiko deialdiaren datan azterketa bakarra burutuko da. Azterketak bi atal edukiko ditu: batean irakasgaiaren ariketen ebazpenak eskatuko dira eta bestea laborategiko praktikei buruzkoa izango da.

Irakasgaiaren azkeneko nota (AN) ondorengo formularen bitartez kalkulatuko da:

AN=0,75* N(M+GP) + 0,25* N(Lab)

Atal bakoitzean nota minimoa 3-koa izan beharko da 10-etik. Hau da:

-N(M+GP) 3-tik gora egon beharko da 10-etik.

- N(Lab) 3-tik gora egon beharko da 10-etik.



3-ko nota minimoa (10-etik) lortu izango ez balitz edozein ataletan eta azkeneko nota (AN) 4,5 baino handiagoa izango balitz (10-etik), azkeneko nota 4,5-ekoa izango da (10-etik).



OHIKO DEIALDIARI UKO EGITEA

Ohiko deialdiari uko egiteko, data ofizialean ez aurkezteaz nahikoa izango da. Ohiko deialdiko azterketara ez aurkeztea, ohiko deiladiari uko egitetzat emango da edozein kasutan.

Ez ohiko deialdiaren ebaluazioa kurtsoan zehar irakatzitako edukinetan oinarrituko da (klase magistralak eta gelako praktikak, laborategiko praktikak eta mintegiak).



Ez ohiko deialdiaren datan azterketa bakarra burutuko da. Azterketak bi atal edukiko ditu: batean irakasgaiaren ariketen ebazpenak eskatuko dira eta bestea laborategiko praktikei buruzkoa izango da.



Irakasgaiaren azkeneko nota (AN) ondorengo formularen bitartez kalkulatuko da:

AN=0,75* N(M+GP) + 0,25* N(Lab)

Atal bakoitzean nota minimoa 3-koa izan beharko da 10-etik. Hau da:

-N(M+GP) 3-tik gora egon beharko da 10-etik.

- N(Lab) 3-tik gora egon beharko da 10-etik.



3-ko nota minimoa (10-etik) lortu izango ez balitz edozein ataletan eta azkeneko nota (AN) 4,5 baino handiagoa izango balitz (10-etik), azkeneko nota 4,5-ekoa izango da (10-etik).

Ikasle batek ohiko deialdian magistral eta gelako praktiken atalean 5-eko nota (10-etik) edo handiagoa den nota bat lortu badu, nota hori gorde ahal izango du ez ohiko deialdirako eta beste atalera aurkeztu ahal izango da soilik. Gauza bera aplikatuko zaio laborategiko atalari.

Kurtsoan zehar edozein ataletan lortutako nota bat bera ere ez da gordeko hurrengo kurtsoetarako.

Irakaskuntza laguntzeko tresna: egela.ehu.eus
Komunikazioaren teoriaren oinarriak” liburuaren esteka egela-n dago.
Ariketen bilduma (eGela-an eskuragarri)

Oinarrizko bibliografia

Antonio Artés, Fernando Pérez González eta beste batzuk

Comunicaciones digitales

Ed. Pearson (2007)

Pdf formatuan ere eskuragarri:: http://www.tsc.uc3m.es/~antonio/libro_comunicaciones/El_libro.html



John G. Proakis; Masoud Salehi

Communications Systems Engineering

Prentice-Hall International, 1994

Gehiago sakontzeko bibliografia

Prozesu estokastikoetan sakontzeko:
A. Papoulis
Probability, random variables, and stochastic processes
(4aEd.), McGraw-Hill, 1994

Komunikazio digitalei buruzko hainbat tutorial:
http://www.complextoreal.com/tutorial.htm

Komunikazio digitalen kurtsoa:
Principles of Digital Communications: Zheng, Lizhong, and Robert Gallager. 6.450 Principles of Digital Communications I, Fall 2006. (Massachusetts Institute of Technology: MIT OpenCourseWare), http://ocw.mit.edu (Accessed 21 Jan, 2013). License: Creative Commons BY-NC-SA