XSLaren edukia
Erreakzio Kimikoaren Ingeniaritza
- Ikastegia
- Vitoria-Gasteizko Ingeniaritza Eskola
- Titulazioa
- Industria Kimikaren Ingeniaritzako Gradua
- Ikasturtea
- 2023/24
- Maila
- 3
- Kreditu kopurua
- 6
- Hizkuntzak
- Gaztelania
IrakaskuntzaToggle Navigation
Irakaskuntza mota | Ikasgelako eskola-orduak | Ikaslearen ikasgelaz kanpoko jardueren orduak |
---|---|---|
Magistrala | 45 | 67.5 |
Gelako p. | 15 | 22.5 |
Irakaskuntza-gidaToggle Navigation
HelburuakToggle Navigation
GAITASUNAK
TEQI1. Masa- eta energia-balantzeak, bioteknologia, masa-transferentzia, bereizketa-eragiketak, erreakzio kimikoen ingeniaritza, erreaktoreen diseinua eta lehengaien eta baliabide energetikoen baliaraztea eta eraldatzea.
TEQI2. Prozesuak eta produktuak aztertzeko, diseinatzeko, simulatzeko eta optimizatzeko gaitasuna.
TEQI8. Metodologia zientifikoari dagozkion estrategiak aplikatzea: egoera kualitatiboki eta kuantitatiboki aztertzea; hipotesiak eta soluzioak planteatzea ingeniaritzak bere espezialitatean dituen arazoak konpontzeko.
TEQI9. Industria Ingeniaritzaren esparruko ezagutzak, prozedurak, emaitzak, trebetasunak eta alderdiak behar bezala jakinaraztea, berariazko hiztegia eta terminologia eta bitarteko egokiak erabiliz.
TEQI10. Diziplina eta hizkuntza anitzeko inguruneetan eraginkortasunez lan egitea, bere espezialitateko ingeniaritza industrialaren arloan erabakiak hartzeko gaitasunak eta ezagutzak integratuz.
TEQI12. Neurketak, kalkuluak, azterlanak, txostenak eta antzeko beste lan batzuk egitea.
IRAKASKUNTZAREN EMAITZAK
- Erreaktore kimikoak diseinatzeko behar diren zinetika eta termodinamika kimikoaren kontzeptuak ezagutu eta modu ulerkorrean aplikatzea, eta problema errazak ebazteko estrategia orokorrak identifikatzea.
- Metodologia zientifikoari dagozkion estrategiak aplikatzea egoera geldikorrean nahiz ez-geldikorrean dauden erreaktore kimiko idealak diseinatzeko eta modelizatzeko, eta proposatutako arazoei irtenbideak edo hipotesiak proposatzea. Lortutako emaitzetatik abiatuta, ondorio baliozkoak (arrazoituak eta justifikatuak) modu kritikoan garatzea, lortutako informazioaren kudeaketa eraginkorrean oinarrituta.
- Katalizatzaile solidoen garrantzia eta gas-solido sistema katalitiko baten erreakzio-abiaduran duten eragina aztertzea.
- Sistema homogeneo eta heterogeneoetan erreakzio-sistema onena aukeratzeko oinarriak ezartzea, informazioa kuantitatiboki eta kualitatiboki aztertuz eta irudikatuz, horretarako tresna eta aplikazio informatikoak eta grafikoak erabiliz.
- Industria kimiko jakin bateko benetako egoera bati buruzko ikerketa-lan erraz bat planifikatu eta elkarlanean garatzea.
Irakasgai-zerrendaToggle Navigation
I. BLOKEA: ZINETIKA KIMIKO APLIKATUA
1. GAIA. ERREAKZIO KIMIKOEN INGENIARITZAKO OINARRIZKO KONTZEPTUAK
Erreakzio-abiadura. Erreakzio-abiaduraren ekuazioa. Erreakzio-ordena.
2. GAIA. ERREAKZIO-ABIADURA
Erreakzio kimikoen jarraipen zinetikorako prozedura esperimentalak. Datu zinetikoen tratamendua. Erreakzio-abiaduraren zenbakizko hurbilketa.
3. GAIA. INGENIARITZA KIMIKOAN INTERESEKO JOKAERA ZINETIKOAK
Lehen eta bigarren ordenako erreakzio itzulezinak. Erreakzio itzulgarriak. Seriean eta paraleloan gertatzen diren erreakzioak. Katalizatutako erreakzioak.
4. UNITATEA. GAS-FASEAN GERTATZEN DIREN SISTEMA ERREAKTIBOEN AZTERKETA
Aldakuntza molarra. Gas idealen nahaste erreaktiboen bolumenaren eta presioaren adierazpenak. Bolumen aldakorreko gas faseko erreakzioen tratamendu zinetikoa.
II BLOKEA: ERREAKTORE IDEALAK
5. GAIA. ERREAKTORE KIMIKOEN AZTERKETA: SARRERA
Erreaktoreen sailkapena. Erreaktoreen diseinu-ekuazioei buruzko orokortasunak.
6. GAIA. NAHASTE PERFEKTUZKO ERREAKTORE EZ-JARRAITUA.
Nahaste perfektuzko erreaktore ez-jarraituen diseinu-ekuazioak; materia eta energia balantzea. Erreaktore isotermikoa. Erreaktore adiabatikoa.
7. GAIA. NAHASTE PERFEKTUZKO ERREAKTORE JARRAITUA
Nahaste perfektuzko erreaktore jarraituen diseinu-ekuazioak; materia eta energia balantzea. Erreaktore isotermikoa. Erreaktore adiabatikoa. Funtzionamendu egonkorra eta ez-egonkorra.
8. GAIA. HODI-FORMAKO ERREAKTORE JARRAITUA: PISTOI-FLUXUA
Nahaste perfektuzko erreaktore jarraituen diseinu-ekuazioak; materia eta energia balantzea. Erreaktore isotermikoa. Erreaktore adiabatikoa. Erreaktore isotermikoa. Erreaktore ez-isotermikoa. Funtzionamendu egonkorra eta ez-egonkorra.
9. GAIA. HODI-FORMAKO ERREAKTORE JARRAITUA: PISTOI-FLUXUAREN ALDAERAK
Pisto-fluxuzko erreaktorea birzirkulazioarekin. Fluxu laminarreko erreaktore tubularra. Pisto-fluxuzko erreaktorea dispertsioarekin.
10. GAIA. NAHASTE PERFEKTUZKO ETA PISTOI-FLUXUZKO ERREAKTOREEN ALDERAKETA. SERIEKO ERREAKTOREAK
Nahaste perfektuzko eta pistoi-fluxuzko erreaktoreen alderaketa. Serieko nahaste perfektuzko erreaktoreak: ebazteko metodo grafikoa.
11. GAIA. ERREAKTOREAREN DISEINUA ERREAKZIO KONPLEXUEKIN
Paraleloan eta seriean gertatzen diren erreakzioen diseinu-oinarriak. Etekina.
III. BLOKEA: JOKAERA IDEALAREN DESBIDERAKETA
12. GAIA. EMARIA EZ IDEALA DUTEN ERREAKTOREEN AZTERKETA. EGOITZA-DENBOREN BANAKETA-FUNTZIOA.
Egoitza-denboren banaketa-funtzioaren karakterizazioa. 13. GAIA. ERREAKTORE ERREALEN MODELIZAZIOA
Mikrofluido eta makrofluido kontzeptuak: erreaktoreen modelizazioa. Erreaktore idealen konbinazioaren bidezko modelizazioa. Serieko mahaste perfektuzko tankeen modeloa.
IV BLOKEA: FASE ANITZEKO ERREAKTOREAK.
14. GAIA. OHANTZE FINKOKO ERREAKTOREA
Ohantze finkoko erreaktorearen ezaugarriak. Modelizazioa partikula eta erreaktore mailan.
15. GAIA. OHANTZE FLUIDIZATUKO ERREAKTOREA
Fluidizazioa. Ohantzearen hidrodinamika. Fluidizazio-erregimenak. Partikula motak. Faseak ohantze fluidizatuan. Ohe fluidizatuko erreaktorearen eredu sinplifikatua.
16. GAIA. GAS-LIKIDO ETA LIKIDO-LIKIDO ERREAKTOREA
Gas-likidoaren industria-prozesuak. Bi fluido faseen arteko masa-transferentzia erreakzio kimikoarekin. Gas-likido eta likido-likido erreaktoreen modelizazioa: nahaste perfektuko erreaktore ez jarraitua eta erdi-jarraitua.
MetodologiaToggle Navigation
IRAKASKUNTZA PRESENTZIALA
Edukiak garatzeko eta, ondorioz, ikasleek dagozkien irakaskuntza-helburuak lortzeko, IRAKASKUNTZA PRESENTZIALAn ondoko metodologia erabiliko da:
Eskola magistralak (M): klase magistraletan (3 ordu/astean) eduki teoriko/praktikoak azalduko dira eta adibide adierazgarriak ebatziko dira.
Ikasgelako praktikak (IP): ikasgelako praktikak (ordu 1/astean) problemak ebazteko eta lanak egiteko (banaka zein taldeka) erabiliko dira.
Ikastaroa behar bezala jarraitzeko eta lanak egiteko beharrezkoa den oinarrizko materiala eskuragarri egongo da eGela-n.
TUTORETZAK
Tutoretzak zalantzak argitzeko, lanak bideratzeko, errendimendu akademikoa handitzeko hobekuntzak proposatzeko, etab. erabiliko dira, banaka zein taldeka. Oro har, borondatezko jarduera da eta ikasleak hala eskatuta egiten da. Dena den, ikastaroan zehar tutoretzara joatea eska dezakeen entrega sorta planteatuko da.
IKASGELAZ KANPOKO IRAKASKUNTZA
Ikaslearen etengabeko lana ezinbestekoa da irakasgaiaren gaitasunak garatzeko. Ikasleek eskola gabeko irakastorduak honetarako erabili beharko dituzte:
- Bibliografia kontsultatu eta, zenbait kasutan, ebaluaziorako aurkeztu behar diren galderak edo/eta ariketak ebatzi.
- Eskola magistralak zein ikasgelako praktikak prestatu.
- Ebaluazio-probak prestatu.
- Aurkezpenena(k) prestatu.
Ebaluazio-sistemakToggle Navigation
EEbaluazio jarraituak honako ebaluazio-tresnak izango ditu:
IDATZIZKO PROBA (% 50): Eduki teoriko-praktikoa duen proba, zeinetan irakasgaian landu diren edukien ezagutza ebaluatuko den.
TEST MOTAKO PROBA (% 10): Ikasturtean zehar hiru test motako proba egingo dira.
BANAKAKO LANAK (% 20): Ikasturtean zehar bi banakako lan entregatuko dira, zeintzuetan eduki teoriko-praktikoarekin lotutako ariketa/kasua ebatzi beharko den. Lanak idatziz entregatuko dira eta, ondoren, banakako tutoretzan ahoz azalduko dira.
TALDE-LANAK (% 15): Ikasturtean zehar talde lanak idatziz entregatuko dira eta/edo ahoz azalduko dira ikasgelan. Lanen kalitatea eta zuzentasuna hartuko dira kontuan, eta norberaren eta taldekideen parte-hartzea aintzat hartuko da kalifikazioan.
5.- LANEN AURKEZPENA (% 5). Talde-lanen ahozko aurkezpenak % 5eko pisua izango du amaierako kalifikazioan.
IRAKASGAIA GAINDITZEKO BALDINTZAK
- Ebaluazio-jarduera guztiak egitea eta horretarako ezarritako epean entregatzea.
- Ebaluazio-jarduera bakoitzean (proba idatzia, test motako proba, banakako lanak, talde-lanak, lanaren aurkezpena) 4ko puntuazioa (10etik) lortzea, gutxienez.
- Azken kalifikazioa 5ekoa (10etik) izatea, gutxienez, ebaluazio proba ezberdinetan lortutako kalifikazioen batez besteko haztatu gisa lortutakoa.
- Ebaluaziorako irakaskuntza-jarduerak egiten diren klaseen % 90era joatea, gutxienez.
Gainditzeko baldintzaren bat betetzen ez duen ikasleak 4ko kalifikazioa (10etik) izango du aktan, gehienez.
Ebaluazio jarraituari uko egitea. Indarrean dagoen araudiaren arabera, ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du ikastegiko eskola egutegian zehaztutakoarekin bat lauhilekoa edo ikasturtea hasten denetik kontatzen hasita.
Deialdiari uko egitea. Azken probaren (idatzizko proba) pisua irakasgaiko kalifikazoaren % 40 baino handiagoa denez, indarrean dagoen araudiaren arabera, nahikoa izango da proba horretara ez aurkeztea azken kalifikazioa "aurkezteke" izan dadin.
AZKEN EBALUAZIOA
Azken ebaluazioa egiten duten ikasleek proba bat egingo dute, zeinetan ikaskuntza-emaitzak ebaluatuko diren. Proba horren pisua % 100 izango da.
Kasu horretan, ikasleek irakasgaia gainditzeko proban 5eko kalifikazioa (10etik) lortu beharko dute, gutxienez.
Deialdiari uko egitea. Indarrean dagoen araudiaren arabera, azterketa egun ofizialean egin beharreko probara ez aurkezte hutsak ekarriko du automatikoki kasuan kasuko deialdiari uko egitea.
Nahitaez erabili beharreko materialaToggle Navigation
Irakasleak eGelan jarritako dokumentazioa.
BibliografiaToggle Navigation
Oinarrizko bibliografia
Ingeniería de las Reacciones Químicas. Levenspiel, O., Ed. Reverté, Barcelona, 1990.
Ingeniería de Reactores. Santamaría, J. M.; Herguido, J.; Menéndez, M. A. y Monzón, A.Ed. Síntesis, Madrid 1999.
Gehiago sakontzeko bibliografia
Chemical Reactor Design, Optimization, and Scaleup. Nauman, E. B. Wiley second edition New Jersey 2008.
El Omnilibro de los Reactores Químicos. Levenspiel, O. Ed. Reverté, Barcelona, 1986.
Elements of Chemical Reaction Engineerings. Fogler, H. S., Ed. Prentice Hall, New Jersey 1999.
Chemical Reactors, Design, Engineering, Operation. Trambouze, P.; Van Landehem, H.; Wauquier, J. P.
Ed. Technip, 1984.
Chemical Reactor. Analysis and Design. Froment, G. F. and Bischoff, K. B. John Wiley and Sons. New York, 1979.
Aldizkariak
Chemical Engineering Journal. Publisher. ELSEVIER SCIENCE
Chemical Engineering Science. Publisher. PERGAMON-ELSEVIER
Ambas incluidas en ScienceDirect
5., 6. eta salbuespenezko deialdien epaimahaiaToggle Navigation
- ALVAREZ GORDEJUELA, JON
- ROJO AZACETA, NAIARA
- SANTAOLALLA RAMIREZ, ARRATE
TaldeakToggle Navigation
01 Teoriakoa (Gaztelania - Goizez)Erakutsi/izkutatu azpiorriak
Asteak | Astelehena | Asteartea | Asteazkena | Osteguna | Ostirala |
---|---|---|---|---|---|
1-15 | 10:00-12:00 | 09:00-10:00 |
Irakasleak
Ikasgela(k)
- AULA 2.1 - VITORIA/GASTEIZKO INGENIARITZARAKO U.E.
- AULA 2.1 - VITORIA/GASTEIZKO INGENIARITZARAKO U.E.
01 Gelako p.-1 (Gaztelania - Goizez)Erakutsi/izkutatu azpiorriak
Asteak | Astelehena | Asteartea | Asteazkena | Osteguna | Ostirala |
---|---|---|---|---|---|
1-15 | 10:00-11:00 |
Irakasleak
Ikasgela(k)
- AULA 2.1 - VITORIA/GASTEIZKO INGENIARITZARAKO U.E.