Modulu honetan (M04- Ingurumen Ingeniaritza), garatzen diren gaitasun espezifikoak hauek dira:

M04IA1 - Ingurumen-ingeniaritzari lotutako jarduerak egitean beharrezkoa den legeria aplikatzeko jakintza, ulermena eta gaitasuna.

M04IA2 - Ingurumen-garrantzia duten prozesu eta sistemak, naturalak zein artifizialak, aztertzeko, diseinatzeko, simulatzeko eta optimizatzeko gaitasuna.

M04IA3 - Ingurumen-arazoetarako ingeniaritza-soluzioen diseinuan, proiektuan eta gauzatzean parte hartzeko ezagutzak eta gaitasuna, estrategia alternatiboen ebaluazioa eta kontrol- eta segurtasun-irizpideak barne.

M04IA4 - Materiaren eta energiaren balantzeei, bioteknologiari, materiaren transferentziari, banantze-eragiketei, erreakzio kimiko eta biologikoaren ingeniaritzari, erreaktoreen diseinuari, eta lehengaien eta baliabide energetikoen balorizazioari eta transformazioari buruzko ezagutzak.

M04IA5 - Ingurumen-ingeniaritzaren, fluido-fluxua duten sistemen, bero-transmisioaren, materia transferitzeko eragiketen, erreakzio kimikoen zinetikaren eta erreaktore kimiko eta biologikoen esparruko fenomenoak eta sistemak modelatzeko eta esperimentatzeko prozeduren diseinuari eta kudeaketari buruzko ezagutzak.

M04IA7 - Ingurumen-teknologien eta jasangarritasunaren oinarrizko ezagutzak eta aplikazioa, eta giza jardueren ingurumen-inpaktua ebaluatu eta zuzentzekoa.



Irakasgaian aurreikusitako ikaskuntza-emaitza nagusiak hauek dira:

- Ingurumen-kutsaduraren kasu praktiko bat deskribatzen eta ebazten du (airea, ura eta hondakinak barne).

- Kutsadura tratatzeko instalazio bat dimentsionatzen eta diseinatzen du.

- Ingurumen-kudeaketako oinarrizko tresnak aplikatzeko eta industria-prozesuek eta produktuek ingurumenean duten eragina ebaluatzeko adibide praktiko bat ebazten du.

1. Gaia: Ingurugiro ingeniaritza eta teknologien sarrera. Industria eta ingurugiroa. Gizakiaren eragina ingurugiroan. Ingurugiro kalitatearen hobekuntza.

2. Gaia: Kutsadura atmosferikoa: Karakterizazioa. Kutsatzaile primarioak eta sekundarioak. Eraldaketa fisiko-kimikoak. Kutsatzaileen dispertsioa atmosferan. Partikulen eta gasen isuriak kontrolatzeko teknologiak

3. Gaia: Ur kutsadura: karakterizazioa. Hondakin uren tratamenduen teknologiak. Ura edangarri bihurtzeko prozesuak.

4. Gaia: Hondakinen kudeaketa: Hondakinen kudeaketa eta ekonomia zirkularra. Karakterizazioa. Biltzeko sistemak. Materialak berreskuratzeko instalazioak. Hondakin solidoak tratatzeko teknologiak.

5. Gaia: Ingurumen-kudeaketa industrian. Ingurumena kudeatzeko sistemak (ISO 14001, EMAS,…). Ingurumen-Auditoretzak. Bizi-zikloaren analisia. karbono-aztarna. Ekonomia zirkularra eta ekodiseinua.

6. Gaia: Ingurumen-Ipaktuaren Ebaluazioa (IIE). Oinarrizko kontzeptuak. Ingurumen-Inpaktuaren Ebaluazio arrunta. Ingurumen Inpaktuaren Adierazpena (IIA). Ingurumen-Inpaktuaren Ebaluazio sinplifikatua. Ingurumen-Inpaktuaren Txostena (IIT). Ingurumen-Inpaktuaren AZterketa (IIAz).

Saio magistraletan gaiaren oinarrizko kontzeptuak azalduko dira diapositibak edo transparentziak erabilita. irakasleak helburuak eta oinarri teorikoak azalduko ditu, ikasleek geroago planteatuko diren galdera eta problemak ebatzi ahal izateko. Ariketa ezberdinak, eta arrazonatzeko galdetegi teorikoak, gaur egungoei buruzko eztabaidak, talde lanak, eta eztabaidaiak gidatuak ere planteatuko dira teorian azalduriko kontzeptuak hobeto ulertzen laguntzeko helburuarekin.



Ordenagailu praktikak ere planteatuko dira teorian azalduriko kontzeptuak hobeto ulertzen eta konpetentziak barneratzen laguntzeko helburuarekin.



e-Gela plataforma birtuala erabiliko da ikaslearen gida, irakaskuntza-materiala (apunteak eta material zientifikoteknikoa), ariketen enuntziatuak, eta irakasgaiaren irakasleek prestaturiko ordenagailu-praktiken gidoiak banatu eta partekatzeko, txostenak entregatzeko, baita irakasgai honekin erlazionatutako berriak edota aldaketak argitaratzeko ere.

INGURUMENAREN ZIENTZIA ETA TEKNOLOGIA



- Azken ebaluazioaren sistema.

- Etengabeko ebaluazioaren sistema.

- Kalifikazio-tresnak eta -ehunekoak:

- Garatu beharreko proba idatzia (teoria (%): 60

- Idatzizko proba praktikoa (ariketak (%): 30

- Lauhilekoan zehar egindako jarduerak, aldi ofizialean ezarritako proban ebaluatu ezin diren ikaskuntzaren emaitzak baloratzeko (ordenagailu praktikak (%): 10



OHIKO DEIALDIA



Ikasleak eskuratu beharreko gaitasunak eta emaitzen onurak lauhilabete osoan zehar barreiatutako lanaren bitartez ziurtatzen dira. Horretarako, bi helburuz osatuta dagoen etengabeko ebaluazio sistema bat diseinatu da: ikaslearen ahalegina lauhilabete osoan zehar banantzea eta gaitasunen emaitzak hobetzea.



Etengabeko ebaluazioa honako zati hauetaz dago osatua:



-Idatzizko lehen proba bat, lauhilekoaren erdian egingo dena. Idatzizko proba honen nota irakasgaiaren azken notaren %45a balio du, eta bi zatitan banatuko da: teoria (%30) eta ariketak (%15). Proba hau gainditzeko gutxienez 6,0-ko nota (10etik) lortu beharko da, eta horrek materia kentzea ahalbidetuko du ohiko eta ez-ohiko deialdietarako.



- Bigarren idatzizko proba bat, ohiko azterketa-deialdian egingo dena. Idatzizko proba honen nota irakasgaiaren azken notaren %45a balio du, eta bi zatitan banatuko da: teoria (%30) eta ariketak (%15). Bigarren idatzizko proba hau gainditzeko gutxienez 6,0-ko nota (10etik) lortu beharko da, nota hau lehenengo idatzizko probaren notarekin bataz bestekoa egiteko, eta horrek materia kentzea ahalbidetuko du ohiko eta ez-ohiko deialdietarako.



-Azkenik, irakasgaiaren azken notaren %10a ordenagailu praktikei dagokie, eta praktika horietara joatea derrigorrezkoa da txostenak aurkeztu ahal izateko. Nota hori ez-ohiko deialdirako eta hurrengo ikasturterako mantenduko da.



Ikaslea(k) lauhileko erdian burututako lehenengo idatzizko probara aurkezten ez bada edo gainditzen ez badu, ikasleak irakasgaiaren eduki osoaren idatzizko proba bat egin beharko du ohiko azterketa-deialdian. Idatzizko proba hori irakasgaiaren azken notaren %90a balio du (% 60 proba teorikoa eta % 30 ariketak). Proba honetan goian deskribatutako gaitasun guztiak ebaluatuko dira, ordenagailu praktikekin zerikusia dutenak izan ezik. Proba hau gainditzeko gutxienez 5,0-ko nota (10etik) lortu beharko da. Ezinbestekoa da idatzizko proba hau gainditzea irakasgaia gainditzeko eta ordenagailu praktiken nota irakasgaiaren azken notan kontuan izateko. Ikasleak irakasgaia gaindituko du, baldin eta irakasgaiaren azken nota gutxienez 5,0 bada (10etik).



Etengabeko ebaluazioari uko egin nahi dion ikasleak, eta azken ebaluazioaren bitartez ebaluatua izan nahi duenak, idatziz irakasleari jakinarazi beharko dio uko egitea azalduz irakasgaia hasi eta bederatzi aste baino lehen. Kasu honetan, ikaslea modu honetara ebaluatuko da:



a) Idatzizko bakarkako azterketa bat irakasgaiaren azken notaren %90a balio du (azken notaren %90, honela banatuta: % 60 proba teorikoa eta % 30 ariketak). Proba hau gainditzeko gutxienez 5,0-ko nota (10etik) lortu beharko da.

Ezinbestekoa da idatzizko proba hau gainditzea irakasgaia gainditzeko eta ordenagailu praktiken nota irakasgaiaren azken notan kontuan izateko.



b) Ordenagailu praktika proba bat (azken notaren %10).



Ikasleak irakasgaia gaindituko du, baldin eta irakasgaiaren azken nota gutxienez 5,0 bada (10etik).

e-Gela plataforma birtuala erabiliko da ikaslearen gida, irakaskuntza-materiala (apunteak eta material zientifikoteknikoa), ariketen enuntziatuak, eta irakasgaiaren irakasleek prestaturiko ordenagailu-praktiken gidoiak banatu eta partekatzeko, txostenak entregatzeko, baita irakasgai honekin erlazionatutako berriak edota aldaketak argitaratzeko ere.

Oinarrizko bibliografia

- Arévalo, M. (2009) Gestión Ambiental. Ed. Síntesis.

- Claver, E. (2005) Gestión de la calidad y gestión medioambiental. Ed. Pirámide.

- Davis, M. L. y Masten, S.J. (2005) Ingeniería y Ciencias Ambientales. Ed. McGraw-Hill.

- Hernández, A., Hernández, P. y Gordillo, A.J. (2006) Manual para la evaluación de impactos ambientales. Ed. Inncive.

- Kiely, G. (1999) Ingeniería Ambiental. Ed. McGraw-Hill.

- Marañón, E., Mahamud, M., Castrillón, L. y Sastre, H. (2001) Problemas de ingeniería ambiental. Ed. Servicio de publicaciones Universidad de Oviedo.

- Masters, G. y Ela, W. (2008) Introducción a la ingeniería medioambiental. Ed. Pearson.

Gehiago sakontzeko bibliografia

- Vallero, D. (2008) Fundamentals of air pollution. Ed. Elsevier.
- Dullien, F.A.L. (1989) Industrial gas cleaning. Ed. Academic Press.
- Metcalf & Eddy, Inc. (1981) Tratamiento y depuración de las aguas residuales. Ed. Labor.
- Snoeyink y Jenkins (1996). Química del agua. Ed. Limusa.
- Tchobanouglous (1994). Gestión integral de residuos sólidos. Ed. McGraw-Hill.
- Wentz, C. (1995). Hazardous Waste Management. Ed. McGraw-Hill.
- Canter, L. (1997). Evaluación del impacto ambiental. Ed. McGraw-Hill.

Aldizkariak

Environmental Science and Technology
Environmental Progress
Journal of the Air and Waste Management Association
Water, Air and Soil pollution
Atmospheric environment
Atmospheric Chemistry and Physics
Water Science and Technology
Residuos
Tecnología del agua
Ingeniería Química