Ikasleek ondorengo gaitasunak lortzea da ikasgai honen helburua:

• Antena bidezko uhin-elektromagnetikoen irradiazio-fenomenoa ulertu eta aztertzea eta hauen diseinurako metodologia ikastea.

• Irrati bidezko sistemen inplementaziorako beharrezkoak diren parametroak kalkulatzen ikastea.

• Telekomunikazio Ingeniaritzan berezkoak diren gaitasun eta tresnak erabiltzea.

• Telekomunikazio sistemen barnean antenek dituzten abantailak eta desabantailak identifikatzea; prozedurak, emaitzak eta telekomunikazioekin erlazionatutako ideiak modu errazean adieraziz, bai idatziz baita ahoz ere.

• Aurreko guztia telekomunikazio moduluko R1, R2, R4 eta R8 gaitasunetan adierazten denaren arabera.

ANTENAK ETA PROPAGAZIOAren PROGRAMA

1. Gaia

Maiztasun-bandak, antena motak.

Antenen parametroak.

2. Gaia

Harizko antenak.

Friis-en formula.

3. Gaia

Antenen multzokatzea

4. Gaia

Irekidura antenak.

Bozinak.

Islatzaileak.

5. Gaia

Microstrip antenak.

6. Gaia

Kanpo eta barne-propagazioa



LABORATEGIKO PRAKTIKAK

Lehenengoa: UHF antenak

Bigarrena: X bandako antenak

Hirugarrena: Neurketa automatikoak

Laugarrena: Barne-propagazioaren simulaketak

Gardenkien bitartez eta irakasgaiaren liburuarekin ordu magistraletan azaldutako gai bakoitzeko teoria, gelako praktika-orduetan landutako problemen ebazpenekin osatuko da. Horrela lortutako ezagutzak laborategiko praktika-orduetan burututako praktika esperimentalei aplikatuko zaizkie.

Nota osoa bi ataletan bananduta dago:

- Nota osoaren % 60a: idatzizko azterketaren ebaluazioa.

- Nota osoaren % 40a: laborategiko praktiken ebaluazioa.



Irakasgaia gainditzeko beharrezkoa da:

- 5 puntu edo gehiago lortzea, 10en gainean, idatzizko azterketan

eta

- 5 puntu edo gehiago lortzea, 10en gainean, laborategiko praktiketan.



Idatzizko azterketaren ebaluazioa:

- Azken ebaluazioa soilik.

* Idatzizko azterketa azken ebaluazio proba egiteko ordu ofizialean: problema- eta/edo kuestio-sorta.



Laborategiko praktiken ebaluazioa:

- Etengabeko ebaluazioa:

* Eginiko laborategi-neurketen txosten normalizatuak.

* Taldeka burutzen dira eta praktika bakoitzaren amaieran derrigorrez entregatzen dira.

* Ikasleak eskubidea du azken ebaluazio bidez ebaluatua izateko: horretarako, ikasleak etengabeko ebaluazioari uko egiten diola jasotzen duen idatzi bat aurkeztu behar du, bederatzi asteko epea izanik, lauhilekoa hasten denetik kontatzen hasita.

- Azken ebaluazioa:

* Azterketa praktikoa idatzizko azterketaren ondoren (azken ebaluazio proba egiteko egun ofizialean).

* Bakarkakoa.



Uko egitea: azterketa egun ofizialean egin beharreko probara ez aurkezte hutsak ekarriko du automatikoki ohiko deialdiari uko egitea.

Irakasgaiaren apunteak eta liburua. Gardenkiak Powerpoint-en. Praktiken gidoiak eta txostenak. Material guztia eGelan dago eskuragarri.

Oinarrizko bibliografia

Antenna Theory: Analysis and Design (Constantine Balanis)

Antenna Theory and Design (Stutzman and Thiele)

Antennas for all applications (Kraus)

Aldizkariak

IEEE Antennas & Propagation Magazine.
Microwaves and RF.