Irakasgaian Graduko zeharkako gaitasun hauek lantzen dira:

- Arazoak ebazteko ekimena; erabakiak hartzeko ahalmena; sormena; eta jakintza, abilezia eta trebetasuna komunikatzeko eta transmititzeko ahalmena. Guztia telekomunikazio-ingeniari teknikoaren erantzukizun etiko eta profesionala ulertuz.

- Diziplina anitzeko lantaldeetan eta ingurune eleaniztunetan lan egiteko gaitasuna, eta ezagutzak ahoz zein idatziz egokiro komunikatzen jakitea.



Irakasgaiaren gaitasunak Ikasketa-Planaren Oinarrizko Heziketaren hurrengo gaitasunean kokatzen dira:

- Hurrengo gaien oinarrizko kontzeptuak ulertzea eta menperatzea: Sistema linealak eta beraiekin erlazionatutako funtzio zein transformatuak, zirkuitu elektrikoen teoria, zirkuitu elektronikoak, erdieroaleen eta familia logikoen oinarri fisikoak, gailu elektroniko eta fotonikoak, materialen teknologia eta bere aplikazioa ingeniaritzako problemak ebazteko.

Irakasgaiaren gai-zerrenda hauxe da:

1. Zirkuituaren elementuak eta oinarrizko legeak

2. Zirkuituen sinplifikatzea

3. Zirkuitu dinamikoak eta Maiztasuneko Erantzuna

4. Potentzia transmisioa



Irakasgaian hurrengo praktikak garatuko dira:

1. praktika: PSPICEra sarrera

2. praktika: Oinarrizko zirkuituak

3. praktika: Anplifikadore operazionala

4. praktika: Kaskada-konexioa

5. praktika: Erregimen iraunkor sinusoidala

6. praktika: Gainezarmena

7. praktika: Maiztasun-erantzuna

8. praktika: Iragazkiak

9. praktika: Seinaleen iragazketa

Magistraleko saioetan, aurrez aurreko denboran, 1-4 gaietako kontzeptu teorikak azaltzen dira eta dagozkien ariketak ebazten dira. Lan autonomoa bultzatuko da oinarrizko ezagutzen ariketa sortaren bidez, eta lan kooperatiboa bultzatuko da problema luzeagoen ebazpena eta bateratze-lanaren bidez.



Laborategiko Praktiketan problema praktikoak ebazten dira eta irakasgaiaren 5. gaia azaltzen da OrCAD/PSPICE zirkuituen simulaziorako tresna informatikoa erabiliz. Ikasketa autonomoa bultzatuko da saio bakoitzerako aurretiazko lana bete araziz.



Mintegietan talde-lana sustatuko da problema luzeen ebazpenean izandako zalantzak bateratuz eta askatuz. Mintegi batzuk problema horien ahozko ebaluazioetarako erabiliko dira, talde-lanaren garrantzia zainduz eta ikaslearen ahozko komunikazio gaitasuna ebaluatuz.



---------------------------------------------------

Osasun egoerak aurrez aurreko irakaskuntza edota ebaluazioa

eragotziz gero, onlineko jarduerara joko da eta ikasleei aldaketa

horren berri emango zaie.

Ebaluazio sistema bi multzo bereizitan banatzen da:

1) MAG-ri eta PA-ri (teoriako klaseei) dagokien zatia. Kalifikazioa bi proba idatzi haztatuz lortzen da.

2) PL-ri (laborategiari) dagokion zatia. Kalifikazioa laborategian etengabeko ebaluazioaren bidez lortzen da.

Irakasgaiaren kalifikazioa bi zatietako kalifikazioak haztatuz lortzen da



1. MAG/PA-ri dagokion idatzizko froga, bi partez osatua dagoena:

1.a: 1. eta 2. gaien azterketa partziala: %40 (irakasgaiaren azken notaren %30). Proba hau gainditzen dutenek (“5”) ez dute zati hori egin beharko azken azterketa arruntean. Gainerako guztiek zati hori egin beharko dute azken azterketa arruntean (1.b).

1.b: azken azterketa ohiko deialdian. Bi zati ditu:

i. 1. eta 2. gaien zatia: %40 (irakasgaiaren azken notaren %30). Zati hau 1.a ataleko azterketa partzialean gainditu ezin dutenek bakarrik egin behar dute. Hala ere, azterketa partzial hori gainditu dutenek baimena dute zati hori egiteko, eta kasu horretan, uko egiten diote azterketa horretako notari. Edozein kasutan, 1. eta 2. gaien zatian 5 puntu edo gehiago atera behar dira irakasgaia gainditu ahal izateko.

ii. 3. eta 4. gaietako zatia: %60 (irakasgaiaren azken notaren %45). Zati honetan gutxieneko kalifikazio bat gainditu behar da (>=3.5), aurreko zatian (1.a edo 1.b.i atalean) lortutako kalifikazioarekin batera haztatu ahal izateko.

2. PL-ri dagokion atala. Atal honetan, praktikei lotutako zereginen etengabeko ebaluazioa lortzen da (irakasgaiaren azken notaren %25).



ETENGABEKO EBALUAZIOA EGITEKO EZINTASUNA:

Etengabeko ebaluazioari uko egiten dioten ikasleek irakasgaiaren ikaskuntzaren emaitzak egiaztatu ahal izango dituzte, deialdi arruntaren egunean azken azterketa bat eginez. Etengabeko ebaluaziorik gabe, bi azken proba egingo dira, bata laborategirako eta bestea teoriarako, eta nota haztatu bat atera behar da bien artean –5– gainditzeko, eta, horrez gain, 3.5 gutxieneko kalifikazioa bete behar da 3. eta 4. gaietan, eta 5 gutxienez 1. eta 2. gaietan.



Ikasle bat azken azterketara aurkezten ez bada, deialdi horri uko egin diola ulertuko da.

Ikasleek irakaskuntza laguntzeko eGela plataforman eskura izango dituzte irakasgaia lantzeko hurrengo materialak:
1. Irakasgaiaren eduki teorikoen gardenkiak, 1-4 gaiak.
2. Gai bakoitzeko GA saioentzako 10 ariketako bilduma eta taldeka lantzeko 15 ariketako bilduma, 1-4 gaiak.
3. Gai bakoitzeko oinarrizko ezagutzen 15 ariketako bilduma, 1-4 gaiak.
4. OrCAD/PSPICE instalatzeko eta erabiltzeko gida.
5. Laborategiko praktiketako gida.
6. Ikaskuntza laguntzeko bideoak.

Oinarrizko bibliografia

R. E.Thomas, A. J. Rosa

Circuitos y señales: Introducción a los Circuitos Lineales y de Acoplamiento

Editorial Reverté, 2000



R. L. Boylestad

Análisis Introductorio de Circuitos (8a edición)

Pearson Education 1998



F. López Ferreras

Análisis de Circuitos lineales (volúmenes I y II)

Editorial Ciencia 1994

H. Kemerly

Análisis de Circuitos en ingeniería

McGraw Hill 1993



M. E. Van Valkenburg

Análisis de Redes

Editorial Limusa 1991

Gehiago sakontzeko bibliografia

Análisis de Circuitos en ingeniería. Hayt Kemerly. McGraw Hill 1993
Análisis de Redes. Van Valkenburg. Editorial Limusa 1991