CALL FOR PAPERS 55 ZBK. - 2026ko EKAINA

EZKUTUKO EKONOMIA, ZAINTZA-LANA ETA FISKALITATEA. GENEROAREN IKUSPEGITIK EGINDAKO AZTERKETA

Genero-desberdintasuna gure gizarteko esparru guztiei eragiten dien ezaugarria da. Lan Harremanak aldizkariaren ale honetan, desberdintasun horrek eremu garrantzitsuetan duen eragina aztertu nahi da, hala nola ezkutuko ekonomian, zaintza-lanetan eta generoko soldata-arrakalean, genero-ikuspegia aplikatuz.

Helburu horiek lortzeko, beharrezkoa da diziplina anitzeko ikuspegia izatea lan-, finantza- eta zigor-esparruetan, honako gai hauei heltzeko. Lehenik eta behin, zaintza-lana, lan- eta zerga-ikuspegitik, ezkutuko ekonomiarekin duen loturagatik, bereziki emakumeei eragiten baitie, lan-merkatuko genero-arrakala are gehiago zabalduz. Horrekin, zaintza-lana ikusarazteko zerga- eta lan-neurriak proposatu beharko lirateke. Atal honetan, enplegu berdeek enplegu-sorgune berri gisa duten eragina nabarmendu behar da, egoera horrekin amaitzeko. Bigarrenik, indarkeria ekonomikoa, genero-indarkeriaren eta etxeko indarkeriaren adierazpen gisa, lan- eta zigor-ikuspegitik, lantokian hautematea barne. Eta, hirugarrenik, soldata-arrakalarekin amaitzeko politika fiskalak.

Horregatik guztiagatik, zenbaki honen helburua da genero-berdintasuna sustatzen duten politika publikoak sortzen lagun dezaketen zerga-, lan- eta zigor-arloko arauketak eta neurriak aztertzen eta proposatzen dituzten ekarpenak jasotzea, bai eta adierazitako eremuetan genero-desberdintasuna aintzat hartzen duten legegintza- edo interpretazio-proposamenak aztertzen dituztenak ere.

Zure artikulu-proposamenak esteka honi jarraituz helaraz ditzakezu: https://www.ehu.eus/ojs/index.php/Lan_Harremanak/information/authors

CALL FOR PAPERS

ATAL IREKIA - ZENBAKIRIK GABE

Atal honetan aldizkarian lantzen diren gaien inguruko gainontzeko edozein ekarpen argitaratzeko aukera dago.

Gogoratu artikulu proposamenak bidal ditzakezula edozein momentutan, epemugarik gabe, gure atal irekirako. Kasu guztietan LAN HARREMANAK kanpo ebaluatzaileak erabiltzen ditu, peer review, erabakitzeko zein artikulu argitaratzen diren jasotako proposamenen artean; autore bezala, aukera izango duzu prozesua jarraitzeko OJS (Open Journal System) bitartez.