CALL FOR PAPERS 54 ZBK. - 2025ko ABENDUA

LAN-KONTRATUA AMAITZEKO ERRONKAK

Lan-kontratua iraungitzea Lan Zuzenbidearen arlo bat bada ere, etengabe birdefinitzen ari da. Legegintza-erreforma berriek, errealitate sozioekonomikoaren bilakaerak eta jurisprudentzia-doktrina berriak, Estatu mailan zein Europan, funtsezko erakundeak sakon berrikustera behartzen dute.

Zenbaki honek analisi zorrotzak eta berritzaileak bildu nahi ditu, lan-loturaren amaierak egungo testuinguruan planteatzen dituen erronka teoriko eta praktikoei heltzeko. Komunitate akademiko eta profesionalari gonbidapena egiten diogu kontribuzioak aurkez ditzan, besteak beste, honako gai hauek aztertzeko: aldez aurreko entzunaldiaren hedapena diziplinazko kaleratzean, bidegabeko kaleratzeagatiko kalte-ordaina Gizarte Eskubideen Europako Batzordeak emandako ebazpenen ondoren, antzinatasuna zenbatzea aldizkako kontratu finkoetan kaleratzeagatiko kalte-ordaina kalkulatzeko, aurreabisurik ezaren eta aldizkako langile finkoen kontratua amaitzearen arteko erlazioa, kaleratze kolektiboen prozedura eta berregituratzeko beste mekanismo batzuk berrikustea, lan-kontratua adimen artifizialarekin eta sistema algoritmikoekin amaitzeko errealitate eta modu berriak, 20/2021 Legearen ondoren enplegatu publikoen abusuagatiko erreparazio-eskubidea...

Ikuspegi horretatik, lan-kontratua amaitzearen erronkei buruzko hausnarketa proposatzen du ale honek, eta hainbat metodologiaz (azterlan kualitatiboak, kuantitatiboak eta konparatiboak, besteak beste) eta epistemologiaz (lan-harremanak, historia, soziologia, zientzia politikoa, ekonomia edo psikologia) balia daitezkeen testuak aurkeztera gonbidatzen du. Zure artikulu-proposamenak esteka honi jarraituz helaraz ditzakezu: https://www.ehu.eus/ojs/index.php/Lan_Harremanak/information/authors

CALL FOR PAPERS

ATAL IREKIA - ZENBAKIRIK GABE

Atal honetan aldizkarian lantzen diren gaien inguruko gainontzeko edozein ekarpen argitaratzeko aukera dago.

Gogoratu artikulu proposamenak bidal ditzakezula edozein momentutan, epemugarik gabe, gure atal irekirako. Kasu guztietan LAN HARREMANAK kanpo ebaluatzaileak erabiltzen ditu, peer review, erabakitzeko zein artikulu argitaratzen diren jasotako proposamenen artean; autore bezala, aukera izango duzu prozesua jarraitzeko OJS (Open Journal System) bitartez.