SICUE programaren informazio zehatzagoa ikusteko, joan Koordinazioaren eta Nazioarteko Harremanen arloko Errektoreordetzaren orrira. Orri honen edukia ere garrantzitsua da.

1. Baldintzak eta mugak
2. Araudia
3. Eskariak
4. Esleipenerako irizpideak
5. Lekuak
6. Ikasleen hautaketa eta plazen esleipena
7. Diru laguntzak
8. Plaza lortutakoan egin beharrekoak
9. Nola egin hitzarmen akademikoa (learning agreement)
10. Matrikula Fakultatean
11. Hitzarmen akademikoa aldatzea (arrazoi justifikatuengatik)
12. Hitzarmen akademikoa aldatzeko edo egonaldia luzatu edo laburtzeko epea

1. BALDINTZAK ETA MUGAK

• Gizarte Langintzako Gradua-Lan Harreman eta Giza baliabideetako Gradua:

Ez dute baldintza espezifikorik eskatzen SICUE mugikortasunerako. Kontuan hartu behar dira Koordinazioaren eta Nazioarteko Harremanen arloko Errektoreordetzak parte hartzeko eskatzen dituen baldintzak eta mugapenak bakarrik.

• Negozioen Kudeaketako eta Lan Harreman eta Giza Baliabideetako Gradu Bikoitza​​​

Mugikortasuna nahitaez 5.mailako lehenengo lauhilekoan egin behar da. Beraz, eskaera 4.mailan egingo da.

2. ARAUDIA

• Gizarte Langintza Graduko mugikortasun araudia (pdf, 101 kb)
• Lan Harreman eta Giza Baliabideetako Gradu eta Gradu Bikoitzeko mugikortasun araudia (pdf, 120 kb)

3. ESKARIAK

Egutegia

Epea: 2026ko urtarrilaren 30etik otsailaren 13ra
Lekua: eskariak on line egin behar dira, GAURen bidez.

Jarraibideak UPV/EHUko Koordinazioaren eta Nazioarteko Harremanen arloko Errektoreordetzaren orritik jaitsi daitezke.

BESTELAKO AUKERETAN INTERESATUA:  ikasleak lehen esleipen-fasean mugikortasun-plazarik lortu ezean, mugikortasun-koordinatzaileari mezu elektroniko bat bidaliko diote aldez aurretik hautatu gabeko destinoetan hutsik geratu diren plazak eskaini ahal izateko.

• Eskaera-mezua bidaltzeko epea: 2026ko martxoaren 19tik 27ra
   

4. ESLEIPENERAKO IRIZPIDEAK

Ikastegiko ikasleen artean plazak esleitzeko irizpidea ikaslearen espedienteko batez besteko nota izango da, betiere, baldintzak betez gero. Berdinketa egotekotan, gainditutako kreditu kopurua hartuko da kontutan.

5. LEKUAK

Helburuko Unibertsitateak 2026-2027 (informatu zaitez GAUR profilaren: Unibertsitate trukea – Kontsultak – Trukeko mugikortasuna).

6. IKASLEEN HAUTAKETA ETA PLAZEN ESLEIPENA

Eskaria egin duten ikasleei mezu bana bidaliko zaie, hautaketaren eta plazen esleipenaren berri emateko.

• Lehenengo esleipena: 2026ko otsailaren 25a
• Plaza onartzeko edo hari uko egiteko epea: otsailaren 26tik martxoaren 3ra
• Bigarren esleipena: 2026ko martxoaren 11
• Plaza onartzeko edo hari uko egiteko epea: 2026ko martxoaren 12tik 17ra

7. DIRU LAGUNTZAK

- Ez dago Seneca bekarik
- Bada Eusko Jaurlaritzaren laguntza orokorreko beka. Baldintza akademiko eta ekonomikoak betetzen dituzten ikasleentzat bakarrik. Hortaz, diru laguntza hau jasotzen ari diren ikasleek eska dezakete. Ikasleak dira laguntza behar den epean eta adierazitako tokian eskatzeko arduradunak. Nazioarteko Harremanetako Bulegoak ez du laguntza hau kudeatzen.

8. PLAZA LORTUTAKOAN EGIN BEHARREKOAK

Errektoreordetzaren jarraibideak, plaza behin esleitu eta onartutakoan bete beharrekoak

• Jarri harremanetan xede unibertsitatearekin, eskatu onarpena eta bidali haiek eskatzen dizkizuten dokumentuak.
• Hitzarmen akademikoa bete.

9. NOLA EGIN HITZARMEN AKADEMIKOA (LEARNING AGREEMENT)

Fakultateko koordinatzailearekin adostu 1. edota 2. lauhilekoko zein irakasgai baliozkotuko dizkizuten, xede unibertsitatean egingo dituzun irakasgaien programen arabera. Gero hitzarmen akademikoa bete.

• Grabatu GAURen.
• Inprimatu GAURen.
• Sinatu hitzarmen akademikoa. Bi sinadura behar ditu: zeurea eta zeure graduko mugikortasuneko koordinatzailearena, Lan Harreman eta Giza Baliabideetako Gradukoa  (Andrea de Vicente) edo Gizarte Langintzako Gradukoa (Edurne Aranguren).
• Bidali xede unibertsitatera hitzarmen akademikoaren kopia bat, bertako mugikortasuneko koordinatzaileak sina dezan.

Epea: Hitzarmen akademikoari aldaketarik egin nahi bazaio, hilabeteko epearen barruan egin beharko da, ikaslea harrerako ikastegira heltzen denetik hasita.

10. MATRIKULA FAKULTATEAN

Fakultateak automatrikularako zehazten duen epean egin beharko duzu matrikula.

Egingo dituzun irakasgai GUZTIETAN matrikulatu beharko zara, hitzarmen akademikoaren arabera baliozkotuko zaizkizun irakasgaietan ere bai.

Salbuespenez, mugikortasun programetarako ikasleek aukera izango dute ez matrikulatzeko beheko mailetatik gainditzeke dituzten irakasgaietan, lehen mailakoen salbuespenarekin.

11. HITZARMEN AKADEMIKOA ALDATZEA (ARRAZOI JUSTIFIKATUENGATIK)

• Aldaketak egiteko inprimakia bete, eskatu nahi dituzun aldaketa guztiekin.
• Bidali aldatutako hitzarmen akademikoa posta elektronikoz dagokion koordinatzaileari: rel-laborales.internacional@ehu.eus (Lan Harreman eta Giza Baliabideetako Gradua) trabajosocial.internacional@ehu.eus (Gizarte Langintzako Gradua)
• Adierazi aldaketaren arrazoia.
• Xede unibertsitateko irakasgaiak baino ezin izango dira aldatu. Ezin izango da inolaz ere aldatu Lan Harreman eta Gizarte Langintza Fakultateko graduetako irakasgaien matrikula.

12. EGONALDIA LUZATZEKO edo LABURTZEKO AUKERA

Eranskina: Trukeko egonaldia murriztea edo luzatzea – C inprimakia: Akordio Akademikoa

Jatorrian: nahitaezkoa da eranskina epe barruan bidaltzea sicue@ehu.eus  helbidera. Ikasleen datuekin eta ikaslearen eta jatorrizko koordinatzailearen sinadura digitalarekin bete behar da. SICUE plaza GAURen onartzen den unetik edo Martxoaren 12tik Apirilaren 1era arte (egun hori barne) eskatzen da.

Destinoa: eranskin hau akordio akademikoaren zati da - C inprimakia, eta akordio akademikoarekin batera bidaliko da:

Akordio akademikoa betetzea eta elektronikoki sinatzea: 1. lauhilekoa eta urtekoa - destinoko ikastetxea: 2026ko uztailaren 29ra arte eta 2. lauhilekoa – destinoko ikastetxea: 2026ko azaroaren 11ra arte.