Eraikin sostengarria
Aitzindaria ingurumen-sostengarritasunaren arloan
![Lascaray eraikinaren argazkia](https://www.ehu.eus/documents/1312621/1336849/foto_lascaray.jpg/760c40b3-ffa2-4256-9422-d98b3b60b98e?t=1373546000000)
UPV/EHUk apustu garbia egin du ingurumen-sostengarritasunaren alde, eraikin osoan ahalik eta energi eraginkortasunik handiena lortzeko sistema berri-berrienak baliatuz.
UPV/EHUren eta EVE Energiaren Euskal Erakundearen arteko lankidetzari esker, eraikinak truke geotermikorako sistema dauka, lurraren egonkortasun termikoa profitatuz, % 40 eta % 70eko aurrezte kontrastatuak erdiesteko, hotza edo beroa sortzeko sistema konbentzionalen kontsumo energetikoarekiko.
Sistemak eraikinean (kanpoko tenperaturaren arabera) soberan den hotza edo beroa lur-azpian ezarritako hodieriara sartzen du, hodiotatik doan urak 14º eta 17º arteko tenperatura konstantea duelarik. Era berean, Ikerguneak eguzki-panel fotovoltaikoen 80 Kw-tako potentziadun sarea dauka teilatuan.
Energia-eraginkortasuna bilatzeko filosofia hori bera iragazi zaio eraikinaren gainontzekoari, argiztatze edo klimatizazioaren gestio domotikoaren bidez, bertako baliabideen ahalik eta gestiorik onena lortzen delarik.
Eraikinak A mailako energi kalifikazioa dauka (daitekeen gorena, CADEMek ziurtatua) eta % 41,4ko energi aurrezpena dakar, era honetako sistemarik ez leukakeen antzeko eraikin baten parean (nahiz eta zurrun-zurrun indarreko legeria beteta).
![A mailako energi kalifikazioa](https://www.ehu.eus/documents/1312621/1336849/cadem.jpg/51fbf4ab-77f0-4586-b669-bd441fa85b8b?t=1373546211000)
Eraikin honen proiektuak 2009ko Eguzki saria jaso du EUROSOLARek, energia berriztagarrien aldeko europar elkarteak emana.
![2009ko Eguzki saria](https://www.ehu.eus/documents/1312621/1336849/premio_solar.jpg/12424690-c513-4231-856d-368432245bc3?t=1373546226000)