Martxotik maiatzera bitartean jokatu da Andaluzian 2026ko Espainiako Unibertsitate Txapelketen edizio berria. Guztira, 17 autonomia-erkidegotako 6.350 parte-hartzaile baino gehiago eta 85 unibertsitate baino gehiago bildu dira, 32 kirol-modalitatetan lehiatzeko.
17 domina EHUrentzat Espainiako Unibertsitate Txapelketetan
Unibertsitatearen kirol ordezkaritzak sei urre, lau zilar eta zazpi brontze lortu ditu Andaluzian
- Albisteak
Lehenengo argitaratze data: 2026/05/29
EHUk modalitate horietako 24tan hartu du parte, 231 lagunek osatutako ordezkaritzarekin: 99 gizonezko kirolari, 97 emakumezko kirolari eta talde teknikoko 35 kide —entrenatzaileak zein ordezkariak—.
EHUk 17 domina eskuratu ditu guztira: 6 urrezko, 4 zilarrezko eta 7 brontzezko, honako modalitate hauetan: igeriketa egokitua, atletismoa, judoa, karatea, taekwondoa, mahai-tenisa eta halterofilia.
Dominez harago, txapelketak ikasleen konpromisoa, ahalegina eta ordezkaritza kolektiborako gaitasuna ere agerian utzi du. Izan ere, azken hilabeteotan Granadan, Cadizen, Malagan, Jaénen, Kordoban, Huelvan, Sevillan eta Almerian banatutako egoitzetan lehiatu dira.
