Azken ekitaldi zabala → Deskribapena
Ozeanoen Nazioarteko Egunaren bezperan, ekainaren 7an, proiektuaren azken ekitaldia ospatuko dugu. ¡Atención! ¡No me aplastes!-Kontuz! Ez nazazu zapaldu! proiektuaren parte hartzaile guztiak bilduko dituen ekitaldia izango da Bizkaia Aretoan (UPV/EHU).
Entzunareto Nagusia bertaratuko direla baieztatu duten partaidez beteta egongo da. Bertaratu ezin direnentzat ekitaldia etxetik zuzenean jarraitu ahal izateko lanean ari gara.
Azken ekitaldi honetan parte-hartzaileen artean esperientziak partekatzeaz gain, hainbat gonbidatu izango ditugu:
- Donostiako Nazioarteko Itsaspeko Zinema Zikloa (CimaSub)
- “Sexo al mar” hitzaldia Plàncton, Divulgació i Serveis Marins-ren eskutik
- Eta azkenik, nazioarteko ikertzaile sorpresa bat! fitoplanktonari buruzko bere lanak aurkeztuko ditu.
POSTER ERAKUSKETA
![](https://www.ehu.eus/PIE/ez-nazazu-zapaldu/wp-content/uploads/2024/05/Etxepare-Erakusketa-gela.jpg)
Gainera, proiektuan parte hartu duten taldeek egindako posterren erakusketa bisitatu ahal izango da. Posterretan, proiektuan izan duten esperientzia, ikasketak eta lortutako emaitzak azalduko dituzte.
Bizkaia Aretoan (UPV/EHU) (Etxepare eta Axular aretoetan) talde lanen poster erakusketa publiko guztiarentzat zabalik egongo da maiatzaren 27tik ekainaren 10era bitartean.
Ekainak 7ko EGITARAUA
- 9:30-10:00: Izen-ematea. Bizkaia Aretoa
- 10:00-10:10: Ongi etorria
- 10:10-10:20: CIMASUB-en film laburraren proiekzioa
- 10:20-10:50: Cecilia Teodora Satta (Sardiniatik) ikertzaile gonbidatuaren dibulgazio-hitzaldia “Phytoplankton: the microscopic ‘engine’ of oceans”
- 10:50-11:00: CIMASUB-en film laburraren proiekzioa
- 11:00-11:30: “Sexo al mar” hitzaldia, Plàncton, Divulgació i Serveis Marins elkartea
- 11:30-11:50: Ordezkari akademikoen agurra
- 11:50-12:00: Sari-banaketa
- 12:00-14:00: Zuek egindako poster erakusketara bisita. Ekainaren 10era arte egongo da ikusgai.
Laster arte!
Gonbidatuak:
Donostiako Nazioarteko Itsaspeko Zinema Zikloa
Plàncton, Divulgació i Serveis Marins
![](https://www.ehu.eus/PIE/ez-nazazu-zapaldu/wp-content/uploads/2024/05/UE.jpg)
2024ko ikertzaileen Europako gaua elkarrekin ospatzeko, G-9 Unibertsitate taldea osatzen duten erakundeen proiektuaren barne dagoen ekimena.
Jarduera hau UPV/EHUko Ikerkuntza Gizartean Zabaltzeko Zuzendaritzak diruz babesten du, Europar Batasunak finantzatzen duen “Horizonte Europa: Ikerketa eta Berrikuntzako Esparru Programa”-ren barruan, 101162477 zenbakidun dirulaguntza akordioaren bitartez.