Helburuak
“Kontuz! ez nazazu zapaldu!”-n jorratuko ditugun helburu nagusiak hurrengoak dira:
Kostaldea herritarrei hurbiltzea, bertan bizi diren bizidun txikien inguruko ezagutza handitu dezaten
Parte-hartzaileak ingurumena zaintzeko beharraz sentsibilizatzea, bereziki itsas ingurumena zaintzeko beharraz.
Beraz, Gure hondartzen ingurumenaren garrantziaz sentsibilizatzea bilatzen da STEAM proiektu baten bitartez, eta:
S: ingurumen-laginak jaso eta aztertzeko prozedura zientifikoak aplikatuko ditugu.
T: estereomikroskopioak (lupak), mikroskopioak eta “Aplastapp” zenbaketa automatikoko aplikazio berriak erabiliko ditugu, azken hau ateratako argazkietan oinarrituta.
E: landa-laginketak egiteko beharrezko tresnak eraikiko ditugu.
A: azken emaitzak modu sortzailean aurkeztuko ditugu parte hartuko duten talde guztiak bilduko dituen ekitaldi nagusian.
M: laginketa-materiala eraikitzeko eta prestatzeko, haren analisirako eta emaitzak lortzeko zein irudikatzeko beharrezko kalkuluak egingo ditugu, pentsamendu logikoa jarraituz.
STEAM konpetentzien garapena taldean landuko da hurrengo taulan zehazten diren arloetan lan eginez:
| ARLOA | JARDUERA | IKASKUNTZA |
| MATEMATIKA eta INGENIERITZA | Bahearen eraikitzea | Planoak interpretatu, neurriak erabili, estrapolatu |
| Organismo motak zenbatzea | Konparatu, kendu, kalkulatu % eta batez bestekoak, Matematikak duen garrantziaz jabetzea | |
| Laginketa-lerroa ezartzea | distantziak zehaztu | |
| Laginketa puntuak prestatu, azalera karratuaren laginketa | Eremuak eta bolumenak zehaztu, µm-tako eskalan lan egin | |
| Laginketa puntuaren GPS kokapena | GPS-a erabili | |
| ARTEA | Laginketa kuadrantea muntatu | Egiturak planoen arabera muntatzea |
| Irudi grafikoak lortzea | Makro lenteak erabiliz argazkiak egitea | |
| Emaitzen aurkezpena | Grafikoak eta poster aurkezpenak egitea, informazioa sintetizatzea | |
| BIOLOGIA | Organismoen identifikazioa | Aniztasuna, mikroskopioa/lupa erabiltzea, organismoak sailkatu, eskala ezberdineko organismoak identifikatu |
| ZIENTZIAK | Datu-bilketa; Laginketa itsasbeheran, Plastikoen ezaugarrien analisia | Metodo zientifikoa, datuen tratamendua, ondorioak ateratzea, emaitzak sintetizatzea, irudikatzea eta jendaurrean aurkeztea, dentsitatea eta flotazioa bezalako propietateak, plastiko motak eta jatorri posiblea identifikatzea |
| SORKUNTZA BATERATUA eta KOMUNIKAZIOA | Talde lana | Entzun, iritzia adierazi eta errespetuz eztabaidatu, zereginak banatu, publikoki komunikatu |