​​​​​​​Proiektu honen helburu nagusia zera da: ikasleriak iraunkortasuna jarduera/proiektu guztien berezko ataltzat hartzea, ikuspegi hori bizitza pertsonalean zein profesionalean aplikatzen ikastea eta ikuspegi horrekin bat datozen portaerak aktibatzea.

Helburu nagusi hori helburu espezifiko hauetan zehazten da:

1. Lantalde bat (irakasle, langile eta ikasleek osatutakoa) gaitzea aldaketaren bultzatzaile eta bideratzaile izateko.

2. Irakasgai batzuetako irakasle-taldeen eta inplikatutako beste pertsona batzuen (laborategiko teknikariak, ikasle laguntzaileak, etab.) arteko lankidetza sustatzea.

3. Ikasleentzat eraginkorrak eta erakargarriak diren tresna metodologikoak diseinatzea eta komunitate zientifikora zabaltzea, eta iraunkortasunaren esparruan haien ikaskuntza errazten dutenak.

4. Gazteen eta irakasleen arteko egungo komunikazio-bideak berrikustea eta berritzea, ikasleen prestakuntza iraunkortasunaren arloan bultzatzeko.

5. Iraunkortasunaren arloko trebakuntza eta ikaskuntza sustatzea, erronken eta ekintzaren bidez: campusak laborategi gisa.​

6. UPV/EHUko campusetan eta zentroetan egindako lana indartzea, irakaskuntzarako baliabideak (laborategiko lehengaiak eta soberakinak) era iraunkorragoan kudeatzeko, eta prozesuan ikasleak eta AZP sartzea.