Irakasgai honek hiri-segurtasun objektiboa jorratzen du, eta, neurri txikiagoan, baita subjektiboa ere, izan ere, jokabide arau-hausleek, aldagai psikologiko eta sozialez gain, ingurunearen eta gertatzen den unearen eragina izan ohi dute.



Ingurumen Kriminologiaren ikuspegitik delituak ez dira denboran eta espazioan ausaz banatzen, horrela, delituaren mapak eta antzerako tresnekin ikertu daitezkeen ereduak edo patroiak islatzen dituzte. Gainera, delituak egiteko aukerak areagotzen dituzten lekuak eta egoerak ulertzeak, ingurumenaren ikuspegitik prebentzio-estrategiak garatzeko aukera eskaintzen du. Irakasgaiak gai hauen inguruko oinarrizko prestakuntza garatzen du, ikasleari delituaren ulermen zabala eta kausa-anitzekoa eskainiz. Halaber, Kriminologiaren arloan gero eta garrantzitsuagoa den diziplinari buruzko lehen ezagutza-oinarria landuko da.



This is an English Friendly Course (EFC): the student's guide is available in English, and attention in office hours as well as deliverables and exam can be done in English. If you wish to take the course as EFC, please contact olaia.larruskain@ehu.eus

1. Taldean lan egiteko eta emaitza amankomun bat garatzen laguntzeko gai izatea.

2. Ingurumen-kriminologiaren eredu teoriko garrantzitsuenak eta oinarrizko fundamentuak ezagutzea.

3. Gertaera kriminalaren eta segurtasunaren determinatzaile psikologikoak eta ingurumenekoak identifikatzeko gai izatea.

4. Txosten tekniko bat egiteko eta jendaurrean aurkezteko gai izatea.

1. gaia. Ingurumen Kriminologia eta Hiri Segurtasuna (objektiboa eta subjektiboa). Sarrera

2. gaia: Ingurumen Kriminologiaren jatorria eta bilakaera

3. gaia: Egungo garapen teorikoak

4. gaia: Delituen ereduak edo patroiak aztertzea: delituaren mapak, errepikapeneko biktimizazioa eta serieko delituen azterketa geografikoa

5. gaia: Delituaren prebentzioa ingurumen-diseinuaren bidez

6. gaia: Segurtasuna ingurumenaren ikuspegitik sustatzeko beste estrategia batzuk: Egoeraren prebentzioa, Produktuen diseinua, Eredu polizialak

Irakasgaiaren gaitasunak lortzeko, proposatutako irakaskuntza-metodologiak klase magistralak eta jarduera praktikoak konbinatzen ditu, hain zuzen ere, ikasitakoa arazo zehatzei aplikatzeaz gain, klase magistraletan landutakoaren osagarri diren gaien eztabaida eta irakasgaiaren zeharkako gaitasunen garapena sustatzeko. E-Gela funtsezko tresna izango da ikasleari lan-plana eta jarduera bakoitzerako behar dituen materialak bertan jasoko baitira; era berean, ikasleak ebaluazio-irizpideak eskuragarri izango ditu, errendimendu onena lortzeko ahalegina ardazten ahalbidetzeko.



Hiru JARDUERA-MOTA EBALUAGARRI daude:



1. Jarduera praktikoak. Aurrez-aurreko saioetan idatziz garatuko dira, banaka edo taldeka, edo eskolaz kanpo ordenagailu bidez garatuko dira programatutako egunetan entregatzeko. 1. Konpetentzia (talde-lanaren kasuetan) eta 3. Konpetentzia ebaluatzeko diseinatutako jarduerak dira.



2. Txosten teknikoa. Taldean landuko da, ikasturtean zehar programatutako saioetan. Ikasgaiaren amaieran, talde bakoitzak ikaskideen aurrean azalduko du egindako lana. 1., 3. eta 4. gaitasunak ebaluatzeko diseinatutako talde-jarduera.



3. Azterketa deialdi ofizialaren egunean egingo da. 2. Konpetentzia ebaluatzeko diseinatutako jarduera.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 50
  • Praktikak egitea (ariketak, kasuak edo buruketak) (%): 20
  • Talde-lana (txosten teknikoa) eta ahozko defentsa (%): 30

Ohiko ebaluazio-sistema eskoletara erregulartasunez etortzeaz gain, jarduerak adierazitako egunetan entregatzeko konpromisoa hartzen duten eta txosten teknikoa garatzeko eta aurkezpena prestatzeko lantaldean arituko diren ikasleentzat pentsatuta dago.



Jarduera-mota bakoitzak ebaluazioan duen pisua:



1. Gelan egindako edo programatutako egunetan entregatutako jarduera praktikoak: % 20

2. Txosten teknikoa, taldean egina eta ikasgelan azaldua: % 30

3. Irakasgaiaren gai teoriko garrantzitsuenei buruzko galdera laburren azterketa, deialdi ofizialaren datan: % 50



GARRANTZITSUA:



- Irakasgaia gainditzeko, beharrezkoa da eskatutako jarduera guztiak gainditzea (azterketa, jarduera praktikoak eta talde-txostena), gutxienez jarduera praktikoen % 75 entregatzea eta talde lanean txosten teknikoa egin eta prestatutako lana eskolan aurkeztea.



- Edozein lan edo azterketetan plagioa edo bestelako bidegabeko edo iruzurrezkoak praktikak hautemanez gero, 0 puntu jasoko dira.



- Lanak behar bezala idatzita egoteak bere pisua izango dut lanen ebaluazioan. Ez dira zuzenduko falta ortografiko larri ugari dituzten lanak.



English Friendly Course (EFC): individual work and exam can be done in English.



Ohiko ebaluazio-sistemari uko egitea:



Ikasleak Etengabeko Ebaluaziori uko egiteko IDATZIZKO ESKAERA EGITEN BADU, amaierako azterketaren bidez ebaluatuko da, deialdi ofizialaren egunean. Azken azterketa mistoa izango da: galdera motzak eta klasean egindakoen antzeko ariketa praktikoak.

Etengabeko ebaluazioari uko egiteko epea: 9 ASTE lauhilekoaren hasieratik.

Deialdiari uko egitea: azterketara ez aurkeztea nahikoa izango da "aurkeztu gabeko" kalifikazioa lortzeko.



Osasun-arrazoiengatik konfinamendua behar izango balitz, ebaluazio-adierazleak, entregatzeko lanak eta hauek azken notan duten balioa berberak izango dira (azterketa, praktikak, taldeko lana ahozko defentsa), baina egin beharrekoak baliabide telematikoen bidez garatu eta entregatuko dira, eGela bidez, hain zuzen

Ezohiko deialdian, ikaslea amaierako azterketa misto baten bidez ebaluatuko da: galdera motzak eta klasean egindakoen antzeko ariketa praktikoak.



English Friendly Course (EFC): exam can be done in English.



Deialdiari uko egitea: azterketara ez aurkeztea nahikoa izango da "aurkeztu gabeko" kalifikazioa lortzeko.



Osasun-arrazoiengatik konfinamendua behar izango balitz, azken probak ezaugarri berberak izango ditu, baina egin beharrekoak baliabide telematikoen bidez garatu eta entregatuko dira, eGela bidez, hain zuzen.

1. Ikasgelako diapositibak eta e-gelan eskuragarri dauden jarduera praktikoetarako materialak.
2. Irakasgaiaren eskuliburua
Vozmediano, L. y San Juan, C. (2010). Criminología Ambiental: Ecología del delito y de la seguridad. Barcelona: Editorial UOC.

English Friendly Course (EFC):
Wortley, R. y Townsley, M. (2016). Environmental Criminology and Crime Analysis (2nd Edition). Routledge.

Oinarrizko bibliografia

Brantingham, P. y Brantingham, P. (1991). Environmental Criminology. Prospect Heights: Waveland Press.

Wortley, R. y Mazerolle, L. (2008). Environmental Criminology and Crime Analysis. Devon (UK): Willan Publising.

Wortley, R. y Townsley, M. (2016). Environmental Criminology and Crime Analysis (2nd Edition). Oxon: Routledge.

Vozmediano, L. y San Juan, C. (2010). Criminología Ambiental: Ecología del delito y de la seguridad. Barcelona: Editorial UOC.

Gehiago sakontzeko bibliografia

Canter, D. (2005). Mapping murder. Virgin Books: London.
Clarke, R.V. (1980). “Situational” Crime Prevention. Theory and Practice. British Journal of Criminology, 20, 136-147.
Clarke R.V. y Eck, J.E. (2008). 60 pasos para ser un analista delictivo. México: Instituto Nacional De Ciencias Penales. Disponible en:
http://www.popcenter.org/library/reading/PDFs/60_StepsMexicoNacional.pdf
Cozens, P., Saville, G. y Hillier, D. (2005). Crime Prevention Through Environmental Design: A review and modern bibliography. Property Management, 23, 5, 328-356.
Eck, J. E., Chainey, S., Cameron, J. G., Leitner M. y Wilson, R. E (2005). Mapping Crime: Understanding Hot Spots. Washington: National Institute of Justice. Disponible en: http://www.ncjrs.gov/pdffiles1/nij/209393.pdf
Felson, M. y Boba, R. (2009). Crime and everyday life - Fourth edition. Thousand Oaks: Sage.
Goldstein, H. (1990). Problem-Oriented Policing. New York: McGraw Hill.
Harries, K. (1999). Mapping Crime: Principle and Practice. Washington DC: U.S. Department of Justice, Office of Justice Programs
Hernando, F. J. (2008). La seguridad en las ciudades: el nuevo enfoque de la geoprevención. Scripta Nova, Revista Electrónica de Geografía y Ciencias Sociales, vol. XII, 270 (14) [publicación en línea]. Disponible en: http://www.ub.es/geocrit/sn/sn-270/sn-270-14.htm
San Juan, C. y Vozmediano, L. (2008). Medición de la inseguridad y análisis del miedo al delito con Sistemas de Información Geográfica. En Perspectivas y enfoques sobre percepción de seguridad ciudadana. Bogotá: Cámara de Comercio de Bogotá.
San Juan, C. Vozmediano, L. y Vergara, A. (2012). Self-protective behaviours against crime in urban settings: an empirical approach to vulnerability and victimization models. European Journal of Criminology, 9(6), 652-667.
Stangeland, P., Garrido, M. (2004): El mapa del crimen. Herramientas geográficas para policías y criminólogos. Tirant lo Blanch: Valencia.

Aldizkariak

Crime Prevention & Community Safety
Security Journal
Crime Science
Crime Prevention Studies
Crime Patterns and Analysis (Journal of the International Symposium on Environmental Criminology and Crime Analysis)
En Psicología: Journal of Environmental Psychology & Environment and Behavior

Web helbideak

POP CENTER: www.popcenter.org
Institute for Canadian Urban Research Studies: http://www.sfu.ca/icurs.html
International CPTED Association: http://www.cpted.net/
Design Centre For CPTED: http://www.designcentreforcpted.org/
Designing out crime: http://www.designingoutcrime.com/
Crime mapping (National Institute of Justice USA): http://www.nij.gov/nij/topics/technology/maps/