Sistema automatizatuak eta robotizatuak funtsezko elementuak dira automobilgintzaren industrian; izan ere, aplikazio-eremu askotan egon arren, ezinbestekoak dira ibilgailuak fabrikatzeko. Azken muntaketa-fasea ez ezik, pieza guztien fabrikazioa ere barne hartzen du. Horregatik, beharrezkoa da haren oinarriak ezagutzea, hardware plataforma desberdinetan inplementatu daitezkeen sistema automatizatuak diseinatzeko gai izatea, eta sistema robotizatu baten aplikazioak eta oinarrizko kontrola aztertzea. Irakasgaiak ezagutza teoriko eta praktiko horiek emango dizkie ikasleei, industria-inguruneetan asko erabiltzen diren estandarrak eta tresnak erabiliz. Izan ere, egungo industria-iraultzak (4.0 industria) automatizazioarekin eta robotikarekin lotutako profilak eskatzen ditu. Horregatik da garrantzitsua irakasgai hau ikasleen etorkizun profesionalerako.

Irakasgai honek honako gaitasun espezifiko hau betetzen du:

* Ingeniaritzari aplikatutako automatismoen oinarriei eta kontrol-metodoei buruzko ezagutzak.



Espero diren ikastearen emaitzak honako hauek dira:

* Industria-prozesuen funtzionamenduari lotutako arazoak ulertzea. Bai parte hartzen duten teknologien ikuspegitik, bai prozesuaren funtzionaltasunaren ikuspegitik.

* Prozesu industrialen exekuzioa kudeatzeko beharrezkoak diren ekintzak identifikatzea: abiarazten direnetik geldiarazten diren arte, modu automatikoa eta egon daitezkeen akatsak kontutan hartuz.

* Kontrol-algoritmoak modu egituratuan eta modularrean diseinatzea.

* Automata programagarrietan kontrol-algoritmoak garatzeko moduak ezagutzea.

* Sistema automatizatuetan robot industrialen erabilera ezagutzea.

* Robot industrialen morfologia eta mugimenduak ezagutzea, baita lan-ingurunearekin duten elkarreragina ere.

* Robot industrial baten ibilbideak kontrolatzeko oinarrizko programak garatzea.

* Ezagutzak, prozedurak eta ebazpenakkoherentziaz adierazten dituen dokumentazio idatzia prestatzea

Irakasgaiaren eduki teoriko-praktikoak, funtsean, gaitasun espezifikoa lortzera bideratuta daude: Ingeniaritzari aplikatutako automatismoen oinarriei eta kontrol-metodoei buruzko ezagutzak. Irakasgaiaren programa, teorikoa zein praktikoa, bi zatitan banatuta dago: 1) automatizazio industriala eta 2) robotika industriala.



Automatizazio Industriala - Eduki teoriko-praktikoak:

* Automatizazio industrialari sarrera:

- Automatizazio-industriala, automatismoak eta automatizazioaren piramidea.

- Auomtaizazioaren prozesua, planta eta prozesu industrialak.

- Automatizaziorako teknologiak.

* Automata programarria: HW arkitektura eta SW egitura.

* GRAFCET-aren oinarrizko kontzeptuak (sistema sekuentzialak diseinatzeko lengoaia).

* Eskakizunak aztertzeko metodologia (abiarazteko eta gelditzeko moduak) eta diseinu egituratua.

* GRAFCET-en bidez diseinatutako kontrol-algoritmoen garapena.

* Programazio-baliabideen erabilera:

- Helbideratzea eta datu-motak.

- Bit-mailako eragiketak.

- Tenporizadoreak.

- Kontadoreak.

- Eragiketa matematikoak.

- Konparadoreak.

- Sarreren eta irteeren kudeaketa.

* Automata programagarrietarako programazio-lengoaia estandarizatuak.



Robotika Industriala - Eduki teoriko-praktikoak:

* Robotika industrialari sarrera.

* Egitura mekanikoaren eta kontrol-unitatearen oinarriak.

* Robotaren ibilbideak sortu eta garatu.



Automatizazio industrialeko praktikak egiteko, Siemens fabrikatzailearen PLC bat eta software-tresnak erabiliko dira; robotika industrialeko praktikak egiteko, berriz, ABB fabrikatzailearen robot antropomorfikoa eta dagokion programazio-/simulazio-tresna erabiliko dira.

Eskola magistraletan kontzeptu teorikoak azalduko dira, kontzeptu horiek erabili behar diren egoeren adibideekin eta ariketa praktikoekin batera. Ikasleek dituzten zalantzak argitzeko ere erabiliko dira.



Laborategiko praktiketan, klase magistraletan sistema automatizatuak diseinatzeko ikusitako kontzeptu teorikoak aplikatuko dira. Horrela, hardware eta software egokiak erabiliz, hainbat kasu eta arazo praktiko garatu eta probatuko dira.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 30
  • Praktikak egitea (ariketak, kasuak edo buruketak) (%): 30
  • alde lanak (arazoen ebazpenak, proiektuen diseinuak) (%): 30
  • Otros (%): 10

Ohiko deialdian bi aukera daude: ebaluazio jarraitua eta azken ebaluazioa.



A) EBALUAZIO JARRAITUA

Lehenetsitako ebaluazioa da, horri uko egiten ez bazaio. Bukaerako nota honako zati hauetan banatzen da:

* Amaierako idatzizko proba, lauhilekoaren amaieran egindakoa: %30a.

* Laborategiko praktikak, lauhilekoan zehar egindakoak (praktiken nota haztatuta egongo da): %30a.

* Talde-lana, lauhilekoan zehar egindakoa: %30a.

* Lauhilekoan egindako lanen aurkezpena (bakarka edo taldean): % 10a.



Irakasgaia gainditzeko, beharrezkoa da laborategiko praktiketan eta talde-lanean eskatutako entregagai eta zeregin guztiak garaiz entregatzea. Gainera, irakasgaiaren 10etik 5 puntu lortzeaz gain, gutxieneko kalifikazioa ere lortu behar da atal hauetan:

* Amaierako idatzizko proba: 5/10

* Talde-lana: 5/10

Atalen batean eskatutako gutxieneko nota lortzen ez bada, ikasleak irakasgaiaren ohiko deialdia bertan behera utzi duela ulertuko da. Azken kalifikazioa amaierako idatzizko probari dagokiona izango da (azterketaren nota (10etik)*0,3).



B) AZKEN EBALUAZIOA

Azken ebaluazioaren sistema eskatzeko, ikasleak irakasleari ohiko deialdiari uko egitea idatziz aurkeztu beharko dio. Horretarako 9 asteko epea izango du, lauhilekoaren hasieratik zenbatzen hasita.

Idatzizko proba bat eta proba praktiko bat izango ditu, irakasgaiaren % 70 eta % 30, hurrenez hurren. Atal bakoitza gainditu beharko da (5/10) azterketaren batez bestekoa egiteko.



C) DEIALDIARI UKO EGITEA

Ikaslea ez aurkeztutzat hartuko da:

* Ebaluazio jarraituaren kasuan, laborategiko praktikak egin ondoren, deialdiari uko egiten ez badio.

* Azken ebaluazioaren kasuan, azterketaren data ofizialean ezarritako probara aurkezten ez bada.

Ikasturtean irakasgaia egin duten ikasleek ebaluazio jarraituaren nota mantentzeko aukera daukate. Kasu horretan, ezohiko deialdia ohiko deialdiaren antzekoa izango da.



Eskatzen duten ikasleentzat, ezohiko deialdiak idatzizko proba bat eta proba praktiko bat izango ditu, irakasgaiaren % 70 eta % 30, hurrenez hurren. Atal bakoitza gainditu beharko da (5/10) azterketaren batez bestekoa egiteko.

Irakasgaiko irakasleek emandako apunteak eta praktika-gidak

Oinarrizko bibliografia

alcells J. y Romeral J.L. “Autómatas Programables”. Editorial Marcombo, Barcelona. 2005.



García Moreno, E. “Automatización de procesos industriales”. Editorial UPV (Universidad Politécnica de Valencia), Madrid. 1999.



Domingo Peña J. “Introducción a Los Autómatas Programables”. Biblioteca Multimedia. Industria, Universitat Oberta de Catalunya, Barcelona. 2003.



Barrientos A. y Gambao E. “Sistemas de Producción Automatizados”. Editorial Dextra: Madrid, España. 2014.



Colestock, H. “Industrial Robotics : Selection, Design, and Maintenance”. McGraw-Hill, New York. 2005.

Gehiago sakontzeko bibliografia

Guerrero Saiz J. M. “Programación Estructurada De Autómatas Programables Con Grafcet”. Paraninfo: Madrid, España, 2019.

Berger,H. “Automating with Simatic S7-1500 : Configuring, Programming and Testing with Step 7 Professional”. Publicis Publishing: Erlangen, Germany, 2014.

Rentería A. y Rivas M. “Robótica Industrial : Fundamentos y Aplicaciones”. McGraw-Hill, Madrid. 2000.

Barrientos A., Peñín L.F., Balguer C. y Aracil R. “Fundamentos de robótica”. McGraw-Hill, Madrid. 2007.

Web helbideak

Industria Conectada 4.0. La industria del futuro ha llegado: https://www.youtube.com/watch?v=eUDEJpBqZhA

BASQUE INDUSTRY 4 0, construyendo un futuro inteligente: https://www.youtube.com/watch?v=J0l-9jonJvQ

Conceptos Básicos del Controlador de Lógica Programable: https://www.youtube.com/watch?v=NPsepHRSCls

PLC Basics | Programmable Logic Controller: https://www.youtube.com/watch?v=PbAGl_mv5XI