nireEHU Industria kimika prozesuen garapena hazkunde ekonomikoan gehien eragin duen faktoreetako bat izan da. Herrialde aurreratu ororen lehen mailako produkzioaren oinarrietako bat da.
Industria Kimikaren Ingeniaritzako Graduak gaitasuna emango dizu industria ingeniaritza teknikoan aritzeko, industria kimikako espezialitatean.
Industria kimika kimikaren adar bat da, gure eguneroko bizitzan erabilgarriak diren materialak, teknologiak eta produktuak sortzeko xedea duena. Haren egitekoa da, hain zuzen, aldaketa fisikoak, kimikoak eta biokimikoak sortzen dituzten industria prozesuak aztertzea, sintetizatzea, garatzea, diseinatzea, lantzea eta optimizatzea.
Industria Kimikaren Ingeniaritzako Graduan, gaitasuna eskuratuko duzu instalazioak eta ekipoak proiektatu, eraiki eta martxan jartzeko, industriaren arloan, oro har, eta industria kimikoan, bereziki.
Horrez gainera, zure prestakuntza osatzeko, lan esperientzia jasoko duzu enpresetan egindako borondatezko praktiken bidez.
Ezagutza arloa
Ingeniaritza eta Arkitektura
Ikastegia
Vitoria-Gasteizko Ingeniaritza Eskola
Campusa
Araba
Harremanetarako
subdir.oacademica.ei-vi@ehu.es
Iraupena
4 ikasturte
Kreditu kopurua
240 ECTS kreditu
Hizkuntzak
Euskara, Gaztelania, Ingelesa
Irakaskuntza mota
Ikasgelako gradua
Kredituaren prezioa 1. matrikulan
18,23 €
Gutxieneko nota
5 ezohiko deialdian (2023/24)
Eskainitako plazak
40 plaza
4 arrazoi gradu hau aukeratzeko
- Kimika gustatuz gero, gozatu egingo duzu gradua, kimika prozesu industrialetan aplikatuz.
- Gizarte jasangarriago bat egiten eta egungo teknologia kimikoa hobetzen laguntzeko prestatuko zara.
- Praktikak sektoreko enpresetan egin ahal izango dituzu. 250 entitate baino gehiagorekin dugu hitzarmena.
- Graduko atal bat Europa, Latinoamerika, AEB, Australia, Errusia eta beste herrialde batzuetako unibertsitateetan ikas dezakezu.
Sarrera-profila
Pertsona metodikoa eta zenbakiekin trebea bazara, ulermen abstraktua, arrazonamendu logikoa eta trebezia deduktiboa badituzu eta matematika, fisika eta kimika bezalako gaietan oinarrizko ezagutzak badituzu, Industria Kimikaren Ingeniaritzako Graduak liluratu egingo zaitu.
Irteera profesionalak
Arlo hauetan lan egiteko aukera izango duzu:
- Automobilgintza, aeronautika, energia, makina erreminta, kimika, ingurumena, industria produktuen fabrikazioa, energia berriztagarriak…
- Industria kimikoak, farmazeutikoak, paperarenak, petrokimikoak eta nekazaritzako elikagaienak.
- Proiektuen ingeniaritzako enpresak.
- Teknologia zentroak edo I+G+B departamentuak
- Merkaturatze, antolakuntza eta plangintza departamentuak.
Baita irakaskuntzan eta administrazio publikoen arloan ere.