Gaitasunak:



1. Energia-iturri konbentzional eta berriztagarri sorkuntza oinarrien ezagutza lortzea.



2. Energia-iturri berriztagarriak ezagutzea eta ebaluatzea eremu jasangarri batean; eguzki-energia, eolikoa, hidraulikoa,

Biomasa, geotermia, etab.



3. Sorkuntza berriztagarriarekin lotutako sistema elektrikoaren alderdiak sakontzea.



4. Gaur egun jasangarrienak diren sorkuntza-, biltegiratze- eta kontsumo-teknologien erabilera ezagutzea, kontsumoa eta ingurumen-kutsadura murrizteko, ingurumena babestuz eta energia-sistemaren jasangarritasuna bermatuz.



5. Energia konbentzionalak ordeztuko dituzten estrategia ekoeraginkorrak aztertzea.



6. Simulazioaren bidez, proposatutako alternatiba ekoeraginkorren irismena eta inplikazioak interpretatzea eta ebaluatzea.



Ikastearen emaitzak:



1. Ikasleak energia-iturri konbentzionalak eta berriztagarriak sortzeko printzipioak identifikatzen eta ezagutzen ditu.



2. Eremu jasangarri batean ebaluatzen ditu energia-iturri berriztagarriak: eguzki-energia, eolikoa, hidraulikoa, biomasa, geotermia, etab.



3. Energia berriztagarriei aplikatzen zaizkien sistema elektrikoaren alderdietan sakontzen du.



4.Gaur egungo teknologia jasangarrienak erabiltzen eta aplikatzen ditu sorkuntzan, biltegiratzean eta kontsumoan, kontsumoa eta ingurumen-kutsadura murrizteko, osasuna eta ingurumena babesteko eta energia-sistemaren iraunkortasuna bermatzeko.



5. Energia konbentzionalak ordezkatzen dituzten estrategia ekoeraginkorrak aztertzen eta inplementatzen ditu.



6. Proposatutako alternatiba ekoeraginkorren irismena eta inplikazioak interpretatzen ditu, simulazio energetikoaren bidez.

1. Gaia: Egungo egoera energetikoa

Energia eta potentzia. Munduko energia-sistemen ezaugarriak. Energia primarioa. Energia elektrikoa. Sortze motak. Energiaren azken erabilera. Sistema energetikoa Europan eta Espainian. Instalatutako potentzia elektrikoa. Eskaera-kurba. Erabilera-orduak. Egungo energia-sistemaren eraginkortasuna. Mendekotasun energetikoa. Emisio kutsatzaileak. Energiaren kostua. Petrolioaren, ikatzaren eta gas naturalaren arazoak.



2. Gaia: Energiaren agertoki alternatiboa

Alternatiba berriztagarria. Energiaren agertoki berriaren ezaugarriak. Sistema elektrikoa aldatzea. Energia-baliabide berriztagarriak. Ekoenergien ezaugarriak. Energia berriztagarria sortzeko sistemen funtzionamendu-printzipioak. Eolikoa, fotovoltaikoa, termosolarra, termoelektrikoa, mini hidraulikoa, biomasakoa, geotermia, itsasoko energiak, kogenerazioa, sistema hibridoak. Energia biltegiratzeko sistemak. Sarera konektatzeko sistemak. Autokontsumoa. Balantze garbia. Ekoizle-kontsumitzailea (Prosumitzailea). Smart City. Mugikortasun elektrikoa. Hidrogenoa.



3. Gaia: Energia-eraginkortasuna

Energia aurrezteko eta eraginkortasunez erabiltzeko ekintzak. Aplikazio-sektoreak. Eraikuntzako, argiztapeneko, garraioko eta bero- eta hotz-sareetako ekintzak. Energia-kontsumo ia nuluko eraikina. Passive house. Hiri jasangarriak. Mugikortasun elektrikoa. Ekoeraginkortasuna. Ekoeraginkortasunaren helburuak eta oinarriak.



4. Gaia: Ekintza ekoeraginkorrak



Eskura dauden teknologiekin egin daitezkeen ekintza ekoeraginkorrak ebaluatzea, ekonomiari, eraginkortasunari eta ingurumen-inpaktuari dagokienez. Jasangarritasun-irizpideak, gizarte- eta ingurumen-konpromisoa, energiaren sorkuntzaren, garraioaren, banaketaren eta kontsumoaren esparruan aplikatzekoak direnak. Soluzio ekoeraginkorrak simulatzea.

Teoria klaseak irakaslearen azalpenen bidez gauzatzen dira, eta azalpen horietatik taldean egin beharreko zereginak, irakasleak proposatutakoak edo ikasleen ekimenez egindakoak sortzen dira.



Gelako praktiketan, taldean lan egiten da, irakaslearen laguntzarekin, ikasturtean egin beharreko hiru zereginetan. Zeregin horiek amaitzean, lanaren ahozko azalpena egiten da, gardenki, bideo edo posterraren laguntzarekin.



Ordenagailuko praktiketan proposatutako gaiei buruzko informazioa biltzeko eta simulatzeko hainbat jarduera egiten dira. Taldekako zereginak entregatzen eta ebaluatzen dira.



Landa-praktiketako 7 orduetan, energia-sektoreko enpresak edota sistema ekoeraginkorrak dituzten instalazioak bisitatzen dira.

Ebaluazio jarraitua:



Ebaluazio jarraituak hiru ebaluazio-bloke ditu:

- Praktikak egitea (ariketak, kasuak, landa-lana): % 20

- Talde-lanak: % 60

- Lanak erakustea, irakurketak. Banakako ariketak: % 20

(Epez kanpoko entregak % 20rekin zigortzen dira).



Ikasleek ebaluazio jarraituari uko egin diezaiokete, ikasturteko 9. astea baino lehen sinatutako idazkiaren bitartez ebaluazio jarraituari uko egiten diotela eta azken ebaluazioa aukeratzen dutela jakinaraziz irakasleari.



Azken ebaluazioa:



Azkeneko ebaluazioa proba bakarraz osatuta dago ikasturtean garatutako edukien gainean eta bere balioa % 100 da. Azkeneko ebaluazioa era presentzialean ezin izango balitz egin, osasun baldintzek hala aginduta, irakasgai honetako konpetentziak online froga batean ebaluatuko lirateke. Froga horretan, ikasleak kurtsoan zehar landutako edukiei buruzko hainbat galdera erantzun beharko ditu, ahoz zein idatziz. Horretarako Egela eta BBCollaborate plataforma digitalak erabiliko dira



Uko egitea:



Erregelamenduan xedatutakoaren arabera, ikasleek ebaluazio-deialdiari uko egiteko, idazki bat bidali ahal izango diote irakasgaia ematen duen irakasleari, azterketa-aldi ofiziala hasi baino hamar egun lehenago gutxienez.



Deialdiari uko egiten duen ikaslearen kalifikazioa "ez aurkeztua" izango da.

eGela plataforman eskuragarri dagoen irakaskuntza-materiala.

Oinarrizko bibliografia

Gregorio Gil García. Energías del siglo XXI. De las energías fósiles a las alternativas. Madrid 2008. Ediciones Mundi- Prensa.

Xabier Elías Castells y Santiago Bordas Alsina. Energía, agua, medioambiente territorialidad y sostenibilidad. España 2011. Ediciones Diaz de Santos.

Norma Básica de la Edificación sobre Condiciones Térmicas NBE-CT-79, Madrid, 1979, MOPU

Mazria, Edward. El libro de la energía solar pasiva. Barcelona, 1983, Gustavo Gili

Manuales de Eficiencia Energética y Auditorías Energéticas del CADEN

Molina Igartua, Luis Alfonso, "Manual de eficiencia energética térmica en la industria", Bilbao 1993. Ente Vasco de la Energía.

Manuales de energías renovables: Minicentrales hidroeléctricas, energía eólica, energía e la biomasa, incineración de residuos sólidos urbanos, energía solar térmica, energía solar fotovoltaica. Madrid: IDAE.

El libro de les Energías Renovables, Colección ERA SOLAR Facturación. ADAE-Centro. Madrid, 1993.

L. Jutglar, I. Banyeras. Cogeneración de calor y electricidad. Ediciones CEAC.

José Mª Sala Lizarraga. Cogeneración. Servicio Editorial de la UPV/EHU.

Código Técnico de la Edificación © Copyright 2020

Acción de la UE en materia de energía y cambio climático (Análisis panorámico). Tribunal de cuentas Europeo. © Unión Europea, 2017

Estrategia a largo plazo para una economía española moderna, competitiva y climáticamente neutra en 2050. Ministerio para la Transición Ecológica y el Reto Demográfico. Madrid, noviembre 2020

Gehiago sakontzeko bibliografia

SZOKOLAY, S. V. Energía solar y edificación, Barcelona, 1979, Ed. H. Blume
WILSON, J. I. B. La energía solar, Madrid, 1982, Ed. Alhambra
RAMÓN MOLINER, Fernando. Iluminación natural en una situación urbana. Madrid, COAM

Aldizkariak

Energía. Ingeniería energética y medioambiental
Era solar
Revista Técnica de Energía Solar. Tecnología Térmica y Fotovoltaica
Energías renovables
Revista Energía. El economista
www.revista-anales.es/