Gaitasunak:

CB3 - Datu garrantzitsuak batu eta interpretatzeko gaitasuna izatea (normalean bere ikasketa eremuaren barruan), gai sozial, zientifiko edo etiko garrantzitsuen inguruko hausnarketak jasotzen dituzten iritziak emateko

G004 - Lurraldea ezagutzea, ulertzea eta interpretatzea, eta ingurune fisikoa gizartearekin eta gizakiekin erlazioan jartzea.

G005 - Leku, eskualde eta kokalekuen aniztasuna azaltzea, eta erlazioak eta prozesu espazialak ulertzea. Gertaerak erlazioan jartzea, hainbat lurralde eskalatan.

G002 - Bai idatziz bai ahoz behar bezala komunikatzeko gaitasuna izatea

M03CM01 - Ikasleek natur zientzien eta giza zientzien arteko interfazean garatu duten ezagutza azaltzen eta transmititzen jakin eta ulertu, alderdi horietan ikasketa geografikoek duten funtzioa ulertu.



Emaitzak:

- Munduan dauden ingurune fisikoak eta gizarteak ezagutu.

- Lurra osatzen duten osagai fisikoak, giza ezaugarriak eta ezaugarri ekonomikoak interpretatzen jakin; haien arteko erlazioak, elkarrekin osatzen duten bateratasuna eta baita elkarren artean dituzten berezitasunak antzemateko eta baita azaltzeko trebetasuna erakutsi.

- Gaur egun ematen ari diren prozesu eta dinamikak ulertu eta idatziz zein ahoz azaltzen jakin: ingurugiroan, gizartean eta ekonomian.

- Informazio geografikoa errepresentatzeko erabiltzen diren mapa mota ezberdinak, grafikoak, indizeak... behar bezala ulertu eta interpretatu.

1. Sarrera: Munduaren Geografia orokorra.



2. Geografia Fisikoa: eremu natural anitzak. Erliebe unitate handiak, klima eremuak, landaretza eta lurzoruak, ur-eremuak.



3. Giza Geografia: giza testuinguru desberdinak. Demografia, hiritartzea, globalizazioa, desberdintasun kulturalak.



4. Munduko multzo sozioekonomikoak: eskualde garatuak, gorabidean diren eskualdeak, garatzeko bidean dauden eskualdeak



5. Egungo munduaren ingurugiro, gizarte eta ekonomia erronkak

Klase magistraletan aurrean adierazitako edukiak esposatuko ditu irakasleak power point baten laguntzaz. Proiektatuko den material guztia bisuala izango da (mapak, grafikoak, taulak, argazkiak...) beraz ikasleak azterketa prestatzeko eta praktikak burutzeko beharko duen informazioa jasotzeaz arduratu beharko dira. Gainera, irakasleak ez du informazio teoriko osoa emango, parte bat ikasleak berak elaboratu beharko du irakasleak eskainitako ildoa jarraituz.



Ostiraletan klaseko praktikak egingo dira. Horretarako eGelan utziko diren testu sortak erabili beharko ditu ikasleak. Testu hauek irakurri eta landuko ditu ikasleak, bai klasean bai klasetik kanpo ere, irakasleak planteatuko dituen praktika ezberdinak burutzeko: testu azterketak, gai geografiko bati buruzko testu iruzkinak, taldeko aurkezpenak... Praktika hauen inguruko zehaztasun guztiak Ikaslearen Gidan eta eGelan jasota daude.

Azterketa teoriko-praktikoa: nota finalaren %50a.

Azterketan kontzeptu geografiko batzuk argi azaldu behar dira, baita mundu mailako joera geografiko orokorrak identifikatu eta mapa eta grafikoren bat interpretatu.



Klaseko praktiketan oinarritutako iruzkinak eta aurkezpenak: notaren %50a.

Klaseko praktikak eta lanak entregatzeko edo esposatzeko, aldez aurretik data zehatzak finkatuko dira (klasean adieraziko dira eta eGelako egutegian aldarrikatuko dira). Data hauek betetzea ezinbestekoa da. Norberarenak ez diren lanak ez dira ebaluatuko.



***Bi aldeak banan banan gainditu beharko dira irakasgaia aprobatzeko (2,5 puntu lortu praktiketan eta 2,5 puntu azterketan)



Bestelako jakinarazpenak:

-Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan (Graduko Titulazio Ofizialetako Ikasleen Ebaluaziorako Arautegia. Euskal Herriko Agintaritzaren Aldizkaria, 2017ko martxoaren 13a: 8. Artikuluaren 3. puntua)



-Ikaslea ez bada azterketara aurkezten deialdiari uko egin diola ulertuko da eta "Aurkezteke" jarriko zaio.

eGela Plataforma birtualean utziko den artikulu sorta (klaseko praktiketarako beharrezkoa).

Oinarrizko bibliografia

AZCÁRATE LUXÁN, M.V.; AZCÁRATE LUXÁN, B.; SÁNCHEZ SÁNCHEZ, J. (2017): Munduaren Eskualde Geografia. Euskal Herriko Unibertsitateko Argitalpen Serbitzua UPV/EHU.



AZCÁRATE LUXÁN, M.V.; AZCÁRATE LUXÁN, B.; SÁNCHEZ SÁNCHEZ, J. (2016): Grandes regiones de la tierra. Naturaleza y sociedades. UNED, Madrid.



BARINAGARREMENTERIA, M.A., SOLA, C. eta GARIZURIETA, M. (2006): Geografia eta ingurumena: hiztegia. Erein, Donostia.



DE BLIJ, H.J., MULLER, P.O. (2013): Geography, realms, regions and concepts, John Wiley&Sons, New York.

Gehiago sakontzeko bibliografia

AZCÁRATE LUXÁN, M.V.; AZCÁRATE LUXÁN, B.; SÁNCHEZ SÁNCHEZ, J. (2006): Atlas histórico y geográfico universitario. UNED, Madrid.

AZCÁRATE LUXÁN, M.V; AZCÁRATE LUXÁN, B.; SÁNCHEZ SÁNCHEZ, J. (2009): Grandes Espacios Geográficos. El Mundo Desarrollado, UNED, Madrid.

AZCÁRATE LUXÁN, M.V; AZCÁRATE LUXÁN, B.; SÁNCHEZ SÁNCHEZ, J. (2009): Grandes Espacios Geográficos. Subdesarrollo y países emergentes, UNED, Madrid.

DE LA DEHESA, G. (2005): Comprender la Globalización. Alianza Editorial, Madrid.

DEMANGEOT, J. (1989): Los medios naturales del Globo. Masson, París.

DIAMOND, J. (2010): Colapso: por qué unas sociedades perduran y otras desaparecen. Debate, Barcelona.

DURAND, M.F. eta beste batzuk (2008): Atlas de la globalización: comprender el espacio mundial contemporáneo. Joan Romeroren itzulpena, Universitat de València, València.

Egile asko (2009): El mundo en cifras país a país. ICEX, Madrid.

Egile asko: El estado del mundo. Anuario económico y geopolítico mundial. Akal, Madrid, 1984-2012

GARCÍA DE LA CRUZ, J.M; DURÁN, G. (Koord.) (2004): Sistema económico mundial. Thomson, Madrid.

LE MONDE DIPLOMATIQUE (2009): El atlas geopolítico 2010. Cybermonde-UNED, Madrid.

LE MONDE DIPLOMATIQUE (2008): Atlas medioambiental. Cybermonde, Madrid.

LE MONDE DIPLOMATIQUE (2010): Atlas de las migraciones. Las rutas de la humanidad. UNED-Akal, Madrid.

LE MONDE DIPLOMATIQUE (2014): Atlas de las Metrópolis. Fundación Mondiplo, Madrid.

MENDEZ, R., MOLINERO, F. (1998): Espacios y sociedades, introducción a la geografía regional del mundo. Ariel, Barcelona.

SUTCLIFFE, B. (2005): Mundu desorekatu honen 100 irudi. Ikaria, Barcelona. Hegoak euskaratua. Gune honetan eskuragarri: http://biblioteca2012.hegoa.efaber.net/system/ebooks/16869/original/Mundu_desorekatu_honen_100_irudi.pdf

Aldizkariak

Le Monde Diplomatiquek argitaratutako aldizkariak: "Atlas medioambiental", "El atlas geopolítico", "Atlas de las mundializaciones", "Nuevas Potencias emergente", "Atlas de China", "Atlas de las metrópolis"...
Herrialdeen datu estadistikoei buruzkoa urtekariak: "El estado del mundo. Anuario económico y geopolítico mundial". Akal, Madrid, 1984-...