IKASGAIAREN KONPETENTZIA ESPEZIFIKOAK



1. Espainiako ekonomiaren oraingo egoera eta bilakaera deskribatzeko ezinbestekoak diren funtsezko adierazle estatistikoak ulertu eta zehaztasunez interpretatzea.



2. Egiturazko eraldaketa nagusiak identifikatzea, Espainiako ekonomiaren etorkizuneko erronkak azaldu ahal izateko.



3. Espainiar ekonomian gertatzen diren esku-hartze publikoen antolakuntza eta moneta- eta zerga-politika makroekonomikoen funtzionamendu-mekanismoak eta helburuak analizatzea.



4. Estatu Espainiarraren zerga-sistemaren egitura analizatzea (lurraldeak, Itun eta Konbenioaren erregimenak, lotura puntuak, tributu-administrazioak eta erakunde legegileak), egoera bakoitzari aplikagarria zaion legedia modu egokian aukeratzeko.



5. Tributu Lege Orokorraren eta Tributu Foru Arau Orokorren tributu-hiztegia norbereganatzea eta zehaztasunez erabiltzea, euren testuinguruan erabiltzeko eta zergarik garrantzitsuenei aplikatu ahal izateko.



6. Tributu-sistema osatzen duten zergarik garrantzitsuenak analizatzea eta haien funtzioaren inguruan eta errenta birbanatzeko eta dirubilketarako haien gaitasunaren inguruan hausnartzea.



7. Tributuak sailkatzea eta eguneroko egoerak analizatzea, kasu bakoitzari dagokiona egokiro aukeratzeko eta, zergen egiturara hurbiltzeko asmoz, oinarrizko likidazioak egitea.



TITULAZIOAREN KONPETENTZIA ESPEZIFIKOAK



15. Fiskalitate eta kontabilitatearen arloetan era eraginkorrean kudeatzea eta aholkatzea.

17. Lan merkatuaren inguruko datuak eta adierazle sozio-ekonomikoak interpretatzea eta lan arloan ikerkuntza proiektuak garatzeko teknika egokiak aplikatzea.



GRADUKO ZEHARKAKO KONPETENTZIAK



Problemak eraginkortasunez ebaztea, balizko alternatibak identifikatu eta baloratzeko eskuratu diren gaitasunak eta trebeziak erabiliz (M2)



IKASKUNTZAREN EMAITZAK



Ikasleak ondoko hauetarako gauza izango dira:



- lan akademikoetan zitak eta erreferentziak egiteko

- data-base ofizialetatik deskargatutako datuak eduki teorikoei begira analizatzeko

- Indarrean dagoen tributu-legedia analizatzeko eta problema bakoitza ebazteko beharrezkoak diren atal egokiak aukeratzeko.

- Aukeratutako atal horiek problemaren ebazpenean aplikatzeko

- Kasu praktikoaren likidazioa emaitza duen azken ebazpenera heltzeko

I ZATIA: EKONOMIA-SISTEMAREN ANALISIA



ARLO TEORIKOAK



Ekonomia-analisirako gehien erabiltzen diren adierazleen aurkezpena:



- BPG eta bere bilakaera (nominala, erreala, eros-ahalmenaren paritateak, Kanbio-tasa korronteak, etab.).

- Sostengarritasuna, ekonomiaren ikuspegi alternatiboak eta beste adierazle batzuk.

- Ezberdintasunen neurketa

- Administrazio Publikoen kontuak.







ARLO PRAKTIKOAK



- zitak eta erreferentziak egitea

- datuen analisia eduki teorikoei begira



II ZATIA: TRIBUTU-SISTEMA



ARLO TEORIKOAK



- Tributaziorako sarrera orokorra: oinarrizko kontzeptuak, Tributu Foru Arau Orokorra eta Ekonomia Ituna

- Arlo praktikoan landuko diren tributuen arauak.



ARLO PRAKTIKOAK



Tributu-sistemaren zerga pertsonalik garrantzitsuenak likidatzea:



- Oinordetza eta Dohaintzen gaineko Zerga

- Ondarearen gaineko Zerga

- Pertsona Fisikoen Errentaren gaineko Zerga.

IKASGAIAREN LEHENENGO ZATIAN (EKONOMIA SISTEMAREN ANALISIA)



- ikasgaiaren eduki-baliabideak (mobilizatuko diren gaiak, hau da, praktikara eramango direnak) aurkezteko, eskola magistralak erabiliko dira.

- eduki-baliabideetan aurrera egin ahala, haiei dagozkien datuak ikasleei emango dizkiegu (data base ofizialetatik deskargatuak, stats.oecd.org, Eustat). Ikasleek analizatu beharko dituzte.

- adibideen bidez, ikasitako teoriari begira gauzatu ahal diren analisi motak aurkeztuko dira eta kasu batzuk proposatuko dira, ikasleek banaka edo taldeka ebazteko. Ikasleek ebatzitako kasuak bilduko dira (borondatez entregatutakoak) eta gelan jendaurrean analizatuko dira, ezinbesteko feed back-a emateko.

- eduki baliabideetan sakondu ahala, kasu praktikoak gero eta konplexuagoak izango dira.



IKASGAIAREN BIGARREN ZATIAN (TRIBUTU SISTEMAREN ANALISIA)



Ikasleei beharrezko tributu araudia bide elektronikoz entregatuko zaie.

Ikasleek analizatu beharko dute eta beharrezko eduki zehatzak identifikatzeko gauza izan beharko dira.

Aurretik analizatutako araudiari dagozkion kasu praktikoak ikasleei helaraziko zaizkie.

Ikasleek, banaka edo taldeka, araudiari begira kasu praktikoak ebatzi beharko dituzte.

Ebatzitako kasuak gelan komentatuko dira, ikasleak eta irakaslearen arteko beharrezko feed-back-a lortzeko.

Zailtasun maila lehen aipatutako feed-back-ean detektaturiko aurrerakuntzen arabera ezarriko da.



EBALUAZIOA



Gure ustez, ebaluazioak bi funtzio bete behar ditu: formatzea eta zertifikatzea. Ebaluazio formatiboak, jarraituak, ikasleei haien ikaskuntza prozesuan lagundu behar die eta ikasle eta irakasleen arteko feed-back-aren oinarri izan behar da. Zertifikatiboak, ordea beste funtzio bat dauka, programatutako konpetentziak ikasleek eskuratu dituztela ziurtatu behar baitu. Horrela, bi ebaluazio mota hauek planteatzen ditugu:



Ebaluazio zertifikatiboa:



Irakasle-taldearen ustez ebaluazio zertifikatiboa batez ere banakakoa izan behar da. Beraz, ikasle guztiak banaka ebaluatuko ditugu, planeatutako konpetentziak garatzeko gauza direla egiaztatzeko. Hor ikasgaiaren eduki-baliabideak mobilizatu beharko dituzte, planeatutako gradazioari jarraiki.



Ebaluazio formatiboa:



Hala ere, irakasle-taldearen ustez, talde kooperatiboetan egindako lana eta problemen ebazpenean aurrerapenak ebaluatuak izan behar dira. Ebaluazio mota hau klaseetan zehar eta tutoretzetan egingo dugu: ikasleen jarraipen etengabea egingo dugu (analisien errebisioa, problemen ebazpenean laguntzea), ikasle-irakasle arteko feedback-aren bidez haien lanaren puntu ahulak eta indartu behar dituzten gauzak identifikatzen laguntzeko. Atal honetan irakaslearen ebaluazioa eta ikasleen autoebaluazioa eta koebaluazioa erabiliko ditugu.

Ikasgaiak ondo bereiztutako bi zati dauzkanez, lehenengo zatiaren amaieran ebaluazio bat egongo da (gutxi gora behera lauhilekoaren erdian). Bigarren zatiaren ebaluazioa ohiko deialdiaren data ofizialarekin bat etorriko da. Ikasgaia gainditzeko 5 puntu lortu beharko dira.



Ekonomia-sistemaren atala azken notaren %50ko pisua (5 puntu) edukiko du. Ebaluazioa tresna hauetako baten edo batzuen bidez egingo da:



- galdera teorikoak: erantzun laburrekoak edo garatzeko idazlanak.

- kasu praktikoak: gelan aurretik landutako analisien antzeko kasu bat (edo batzuk) entregatuko da eta eduki teorikoei begira landu beharko da: agertzen diren adierazleak aurkeztu eta definitu, datuak analizatu eta ondorioak atera.



Proba hau eskola egun normaletan egingo dugu (aldez aurretik abisatuta, gutxi gora behera 8. astean) eta data ez da inolaz ere aldatuko.



Tributu sistemaren atala banakako proba baten bidez ebaluatuko da. Probak bi zati edukiko ditu:



- galdera teorikoak (erantzun laburrekoak edo garatzeko idazlanak)

- tributazio kasu praktiko batzuk ebaztea



Biak azterketaren data ofizialean egingo dira eta notaren gainontzeko %50 izango dira. Azterketa honetara araudiaren atal batzuen bilduma eraman ahal izango da (taulak, koefizienteak, eskalak). Bilduma hori e-gelaren bidez ikasleen esku jarriko da eta haiek arduratuko dira orri hori inprimatzeaz, azterketara eramateko.



Ebaluazio jarraitua: ikasleak "ez aurkeztutzat" hartuko dira baldin eta proba bi horietatik bakar batera aurkezten ez badira. Lehenengora aurkezten diren ikasleak "aurkeztutzat" hartuko ditugu, bigarrenera aurkeztu zein ez aurkeztu.



Ebaluazio jarraituan parte har ezin dezaketen ikasleek azken azterketa edukiko dute, 10 puntukoa. Bere egitura eta puntuazioa aurretik azaldutako berbera izango da (baina azterketa bakar batean).



Pertsona batek ebaluazio jarraituan ezin duela parte hartu ondoko egoera honetan suposatuko dugu: lehenengo proba partzialera aurkezten ez bada. Kasu horretan, zuzenean azken azterketara pasatuko da. Ez da inolako eskakizunik eskatzen ebaluazio jarraitua edo azken ebaluaziora joateko.

Sailak prestatutako materialak, web-bidez entregatuko direnak
Moodle-bidez entregatuko diren erreferentzia bibliografikoak
Moodle-bidez entregatuko den tributu-araudia

Oinarrizko bibliografia

Mankiw, N.G. (2012). Principios de Economía (6ªed.) Paraninfo.

Lequiller, F., Blades, D., Alvarez Blanco, R., & E-libro, C. (2009). Comprendiendo las cuentas nacionales. Paris: OCDE

Banco Mundial (2000). Más allá del crecimiento económico. Introducción al desarrollo sustentable.

Gehiago sakontzeko bibliografia

Piketty, T. (2014). El capital en el siglo XXI Fondo de Cultura Económica.
Klein, N. (2015). Esto lo cambia todo: El capitalismo contra el clima. Barcelona: Paidós.

Aldizkariak

Papeles de Economía Española
Ekonomiaz