Description

Ostegunean, ‘Cultura fósil: arte, estética y política entre el origen de la modernidad industrial y la crisis socioecológica’ hitzaldian Jaime Vindel izango da hizlaria.

XVIII. mendearen amaieratik hona erregai fosilen, industria-modernitatearen, soldatapeko lanaren ekoizpen-erregimenaren eta subjektu politiko berrien agerpenaren arteko harremana hainbat ikuspegi historiografikotatik aztertu da. Kultura, estetika eta arteak modernitate industrialaren bilakaeran izan duten papera izango da mintzaldi honen
ardatza. Erregai fosilen eta subjektibotasunaren arteko harremanari buruzko argudio kritiko batzuk planteatuz, ikuspuntu berrietatik aurre egingo dio uneko krisi sozioekologikoari. Ekitaldia aurrez aurre eta modu birtualean jarraitu ahal izango da.

Jaime Vindel Europako doktorea da Artearen Historian, masterra du Filosofia eta Gizarte Zientzietan eta Ramón y Cajal Programaren ikertzailea da (CSIC-Ikerketa Zientifikoen Goi Kontseiluko Historia Institutua). Bertan, energiaren eta entropiaren metaforen eta
modernitate fosilaren imaginario kulturalen arteko harremanari buruzko ikerketa bat garatzen du. Bartzelonako Arte Garaikideko Museoaren (MACBA) Ikasketa Independenteen Programaren zuzendaritzako kidea ere bada.