‘Isuriz doa bizitza, ukimena eta ametsak’
Orain dela bost urte utzi gintuen Juliantxo Irujo irakasle eta artista. Bere lanari buruzko atzerabegirako erakusketa bat ikusgai dago Bizkaia Aretoan, urtarrilaren 23ra arte. Gaztetan hainbeste inspiratu zuten natura, lokatza, uraren jarioa eta harriak hautematen dira margo batzuetan, eta beste batzuetan gaixotasunagatik pairatutako minsorra. Azken batean, pinturari eskainitako bizitza baten heldutasuna islatzen duen lana dago ikusgai esposizioan.
