Description

Pierre-Yves Ginet argazkilari frantziarraren ‘Mujeres en resistencia’ erakusketa aurkeztu du Donostiako Aliantza Frantsesak. Hau EHUkultura Gipuzkoa programaren barruan dago, eta martxoaren 3tik apirilaren 4ra egongo da zabalik, UPV/EHUko Carlos Santamaria Zentroko Txillardegi aretoan, Donostian. Ordutegia goizeko 8:00etatik arratsaldeko 20:30ak arte izango da, astelehenetik ostiralera, eta larunbatean 9:00-14:00. Sarrera librea da.

Pierre-Yves Ginet argazkilariak 1998az geroztik 21 herrialdetan egindako erreportajeak dira ‘Mujeres en resistencia’ izeneko erakusketan biltzen diren lanak. Antolatzaileek diote: “Bere lana kultura desberdinetako, hizkuntza desberdinetako, emakumeek bakarrik egindako hainbat ekimen islatzea da, bakearen, askatasunaren, justiziaren eta biziraupenaren, berdintasunaren eta garapen iraunkorraren alde; konpromiso garrantzitsuak eta, askotan, ‘ahaztuta’ daudenak. Topaketa berri bakoitzari esker, autoreak hainbat eratako emakume-konpromisoen panela egin zuen, ‘itzaleko borrokalariak’ anonimatutik aterata, idealak eta pertsonalitateak aldi berean aurkeztuz. Orain arte, lan horren ondorioz sortutako erakusketak eta liburuak 900.000 pertsona baino gehiago hunkitu dituzte Frantzia metropolitarrean. Perutik Afganistanera, Angolatik hasi eta gure herrialdeetan genero-indarkeriaren biktima diren emakumeen borrokaraino, bisitaria emakumeen aurkako eraso ugariez jabetzen da, baina, batez ere, autorearen lanaren bidez jabetzen da emakumeek itzaletik ateratzeko eta beren idealak eta erresistentzia ezagutarazteko hartu dituzten konpromisoak.

Pierre-Yves Ginet autoreak, 1996an, analista finantzario izateari utzi eta fotokazetari bihurtu zen. Erreportari handia da. Tibeteko moja batzuei buruzko lan sakon baten bidez, emakumeen erresistentziaz jabetu da, eta, gero, haien ekintza-eremua mundu osora zabaldu du. 1998az geroztik, gai horri buruzko hogeita hamar erreportaje egin ditu hainbat herrialdetan, eta gehienak 2009an argitaratutako ‘Femmes en résistence’ liburuan ageri dira. Borroka horien lekuko gisa, bere lana askotan azaldu da, Frantzian eta atzerrian, ehunka mila lagun erakarriz. Testuinguru horretan, seiehun talde baino gehiago izan ditu ahaztutako emakumeak aurkezteko, betiere estereotipo sexistei eta genero-berdintasunari buruzko hausnarketa sustatzeko.”