RobotStudent Gipuzkoako Ingeniaritza Eskolaren (EHU) proiektu estrategiko berria da, robotikan, automatizazioan eta teknologia aurreratuetan interesa duten ikasleei zuzendua.

Motostudent, Formula Student eta unibertsitateetako robotika-talde nagusietan inspiratuta, proiektu hau ikaskuntza praktikoa, talde-lana eta berrikuntza teknologikoa sustatzeko sortu da, benetako robot baten diseinuaren, eraikuntzaren eta garapenaren bidez.

🎯Erronka

RobotStudent taldearen erronka nagusiak honako hauek izango dira:

• Robot adimendunak diseinatzea eta eraikitzea.
• Sistema mekanikoak, elektronikoak eta softwarea integratzea.
• Autonomia, mugikortasuna eta elkarreragina garatzea.
• Benetako inguruneetan saiakuntzak eta baliozkotze-probak egitea.

Helburua alderdi hauen arteko orekarik onena lortzea izango da:

• Diseinu mekanikoa
• Fidagarritasuna
• Energia-eraginkortasuna
• Adimena eta autonomia
• Berrikuntza teknologikoa

🏆Lehiaketak eta erakustaldi teknologikoak

Proiektuak robotikaren arloko estatuko zein nazioarteko lehiaketetan parte hartzea bilatuko du, baita dibulgazio teknologikoko ekitaldi eta berrikuntza-erakustaldietan ere.

Jarduera horiek aukera emango dute:

• Beste talde batzuekin irtenbide teknologikoak alderatzeko.
• Ingurumen-arazoei aurre egiteko eta irtenbide jasangarriak sustatzeko.
• Bikaintasun teknikoa bultzatzeko.
• Unibertsitateen eta enpresen arteko networking-a indartzeko.
• Ikasleen talentuari ikusgarritasuna emateko.

🎓Prestakuntza eta gaitasunak

RobotStudent-en parte hartzea esperientzia bidezko ikaskuntza-ingurune batean murgiltzea da, non ingeniaritzarako eta berrikuntzarako funtsezko gaitasunak garatzen diren. Erronka robotikoaren bidez, parte-hartzaileek honako arlo hauetan trebatuko dira:

• Robotika eta automatizazioa: sistema autonomoen diseinua, eraikuntza eta kontrola.
• Diseinu mekanikoa eta CAD: egitura funtzionalen sorrera software profesionalaren bidez.
• Elektronika eta sentsorika: sentsoreak, eragingailuak eta zirkuituak integratzea ingurunea hautemateko.
• Baterietan oinarritutako energia-sistemak: autonomia eta potentziaren kudeaketa eraginkorra.
• Programazioa eta kontrol-sistemak: oinarrizko algoritmoetatik denbora errealeko kontrol-estrategietaraino.
• Adimen artifiziala eta ikusmen artifiziala: ikusmen bidezko pertzepzioa, erabaki autonomoen hartzea eta ikaskuntza automatikoa.
• Fabrikazio digitala eta prototipatzea: 3D inprimaketa, laser bidezko ebaketa eta CNC teknologiak.
• Proiektuen kudeaketa: plangintza, epeak, baliabideak eta metodologiak.
• Diziplina anitzeko talde-lana: profil tekniko desberdinen arteko lankidetza eraginkorra.
• Komunikazio teknikoa: dokumentazioa, aurkezpenak eta irtenbideen defentsa epaimahai espezializatuen aurrean.

Prestakuntza-esperientzia integrala da, teoria eta benetako praktika uztartzen dituena.

🚀Nola parte hartu

Proiektua batez ere titulazio hauetako ikasleei zuzenduta dago:

• Ingeniaritza Mekanikoko Gradua
• Industria Elektronikako eta Automatika Ingeniaritzako Gradua
• Ingeniaritza Elektrikoko Gradua
• Ingeniaritza Mekanikoko eta Industria Elektronikako eta Automatika Ingeniaritzako Gradu Bikoitza

Halaber, taldearen behar teknikoen arabera, lotutako beste gradu edo masterretako ikasleek ere parte hartu ahal izango dute.

Parte hartzeko:

1. Taldean parte hartzeko interesa adierazten duen mezu elektroniko bat bidali.
2. Adierazi titulazioa, ikasturtea eta parte hartzeko motibazioa.
3. Hasierako informazio-saioan parte hartu.

Hautaketa motibazioaren, erabilgarritasunaren eta profil teknikoaren arabera egingo da, talde orekatu eta diziplina anitzekoa osatzeko helburuarekin.

📩Harremanetarako eta izena emateko

gie.robotstudent@ehu.eus

👤Proiektuaren arduraduna

Florencio Fernández Marzo