Cristina Peña ‘Materialak+Teknologiak’ ikerketa taldeko ikertzaileak agerian utzi zituen plastikoa erabiltzeak dituen abantailak, haren propietate fisiko, kimiko eta mekanikoetatik eratorriak, bai eta prozesagarritasuna eta kostu txikia ere. Amaia Mendozak plastikoen kudeaketa txarraren eraginei buruz hitz egin zigun "Mikroplastikoak Bizkaiko Golkoaren hego-ekialdeko kostaldean. Karakterizazioa, kontroleko eta prebentzioko fokuak eta estrategiak ". Bertan, galautsak edo granza, ontzi eta fatxaden isolamendu termikoan erabiltzen diren poliestirenozko eta poliuretanozko aparrak eta agertu ohi direla nabarmendu zen. Azkenik, Idoia Fuertes, Surfriderretik itsas hondakinen aurkako borrokan aurrera egiteko garatzen ari diren lana aurkeztu zuen, eta ikaslea Surfing for Science proiektu europarrean parte hartzera animatu zuen. Proiektu horren helburua paddle surfa egiten duten pertsonek kostaldeko uren bilketan eta laginketan laguntzea da.

Bileran, estolderia-sistemek eta ibaiek hirietako hondakinak itsasoraino eraman ditzaketela jabetu beharra nabarmendu zen. Gainera, makroplastikoen degradazioa mikroplastikoen iturri bat da, eta, beraz, beharrezkoa da plastikoa itsasora ez iristea eta iritsitakoa lehenbailehen jasotzea.