Materia Kimikoaren jakintzagai hau Oinarrizko Moduluan dago eta bere izaera nagusiki praktikoa bada ere, hainbat metodologia ezberdin erabiliko da. Batetik Laborategiko Praktikak burutuko dira, Oinarrizko Operazioak Kimikan izeneko jakintzagaian egindakoak osatuko dituztenak, baina praktika hauetan lortutako zenbakizko datuak matematikoki tratatuko dira. Beraz, erabiliko den bigarren metodologia emaitza hauen tratamendu estatistikoa izango da. Datuen tratamenduak nagusiki hauetxek izango dira, zenbakiak funtzio egokitara doitzea eta laborategian egindako hainbat praktiketan lortutako datuen adierazpen grafiko egokia egitea, hala nola, azterketa zinetikoetan, balorazio potentziometrikoetan, tresnen kalibraketan, e.a.etan lortutako datuen adierazpen grafikoa egitea. Tratamendu matematiko hauek zenbakizko metodoak eta metodo estatistikoak erabiliz egingo dira, eta horretarako kalkulagailuak edo ordenadoreak erabiliko dira. Badago beste metodologiarik ere, hainbat aplikazio informatiko erabiltzea hain zuzen ere, informazio zientifikoa bilatzeko (datu-baseak, bilaketetarako motoreak), molekulak modu birtualean ikusi ahal izateko, edo prozesu kimikoen zenbakizko simulazioak egiteko.

Jakintzagai hau Kimikan Graduko Oinarrizko Moduluan dago, eta beraz ikasleak RD1393/2007 dekretuan definitutako oinarrizko gaitasunak lantzea du helburu, aipatutako Moduluari egokitutako zeharkako gaitasun hauek [M01.CM09], [M01.CM010] eta [M01.CM11] eta zehatzago bertan definitutako gaitasunen artean bereziki hauek [M01.CM03], [M01.CM04] eta [M01.CM05].

M01CM03. Laborategiko ohiko bitartekoak eta teknikak modu seguruan erabiltzea.

M01CM04. Ingurune zientifikoan oinarrizko matematika-tresnak eta datu-analisien prozesuak ulertzea eta erabiltzea.

M01CM05. Kimikaren eta beste zientzia esperimental batzuen arloan behatzeko, aztertzeko eta emaitzak aurkezteko gaitasuna.

M01CM09. Zientzia Esperimentalak erabiltzea, fenomeno kimikoak ulertzeko.

M01CM010. Literatura zientifikoa ezagutzea eta erreferentzia-estiloak erabiltzea, ahozko eta idatzizko komunikazioan.

M01CM011. Zientzia Esperimentaletan ohikoenak diren informazio- eta dokumentazio-iturriak ezagutzea eta erabiltzea.

Jakintzagai hau Moduluko eta Graduko gainontzekoekin koordinatzeko Graduaren Koordinaziorako Batzordea dago.

Zenbakizko datuak lortu ahal izateko hainbat esperimentu burutzea. Datuak lortzeko iturriak: pisuaren neurketa, bolumenarena, presioarena, tenperaturarena, instrumentuen bidezko neurketak. Esperimentuak gasekin, zinetika, ioien arteko orekak disoluziotan. Instrumentuen kalibraketa.

Datuen tratamendu estatistikoa eta adierazpen grafikoak. Batezbestekoa, desbideratze estandarra, konfiantza-tarteak, erroreen banaketa, adierazpen grafikoak, zenbakien doiketa funtzioetara, datuen analisia.

Tresna informatikoen erabilera datuen tratamendurako. Kalkulagailuak eta ordenadoreak.

Aplikazio informatiko komertzialak. Programa estatistikoak.

Kimikako dokumentazioa. Paperezkoa: aldizkariak, liburuak, entziklopediak, datu-liburuak. On-line: Datu-baseak eta bilaketetarako motoreak.

Prozesu kimikoen simulazioa. Kristalak eta molekulak ordenadorean ikustea. Zinetikak eta orekak simulatzea.

Ez ditu

Notaren %50 idatzizko azterketak izango da. Froga honetan M01CM03, M01CM04, M01CM05 eta M01CM09 gaitasunak ebaluatuko dira.

Notaren gainontzeko %50 laborategiko koadernoak, etengabeko ebaluzioak osatuko dute eta norberak aurkeztutako txostenak osatuko dute.

Gainontzeko %50a laborategiko praktika baten txostenak, laborategiko liburuxkak eta ebaluazio jarraituak osatuko dute. Notaren atal honetan gaitasun guztiak ebaluatuko dira; M01CM05, M01CM09, M01CM10 eta M01CM11gaitasunak txostenaren bitartez, eta M01CM03, M01CM04, M01CM05 eta M01CM06 gaitasunak laborategiko liburuxkaren eta ebaluazio jarraituaren bitartez.

Ebaluazio jarraitua erabiliko denez, ikasle batek derrigorrezkoak diren ihardueretako bat egingo ez balu ikasturtean zehar, ohiko deialdian gainditu gabe gisa agertuko da, egindako gainontzeko ihardueretako nota edozein izanda ere. Ezohiko deialdian (ekainean) idatzizko azterketaz gain, ikasturtean zehar egin ez duen iharduera eska dakioke.

Ikasle bat Ez Aurkeztutzat hartuko da, ebaluagarriak diren derrigorrezko iharduerarik egin ez duenean, edo batenbat eginda ere maiatzaren 10a baino lehen asignaturari uko egiten diola esanez irakasleari idatziz adierazten dionean. Kasu batean, zein bestean, ezohiko deialdiaren eskubidea galduko luke.

Oharra: moodle plataforman, ikasleak aurkezpenak, txostenak, .... ebaluatzeko erabiliko diren errubrikak aurki ditzake.

Ikasleak ekarri behar duen Materiala: batusina, betaurreko babesleak, koadernoa eta kalkuladora zientifikoa.

Basic bibliography

D. C. Harris. Análisis Químico Cuantitativo, 3ª ed. (6ª ed. Original). Editorial Reverté, 2007.

G. D. Christian. Analytical Chemistry, 6th ed. John Wiley & Sons, 2004.

J. J. Ruiz Sánchez, J. M. Rodríguez Mellado, E. Muñoz Gutiérrez, J. M. Sevilla Suárez de Urbina. Curso Experimental en Química Física. Ed. Síntesis, 2003.

David R. Lide (Ed.) Handbook of Chemistry and Physics, 89th ed. CRC Press, 2008.

In-depth bibliography

J. C. Miller y J. N. Miller. Estadística y Quimiometría para Química Analítica. Prentice Hall, 2002.
S. R. Crouch, F.J. Holler. Applications of Microsoft Excel in Analytical Chemistry. Thomson, 2004.
R. E. Maizell. How to find Chemical Information, 3rd ed. John Wiley & Sons, 1998.
R. J. Sime. Physical Chemistry: Methods, Techniques, and Experiments. Saunders College Publishing, 1990.
S. James. Using literature (Analytical Chemistry by Open Learning). John Wiley & Sons, 1987.

Journals

Journal of Chemical Education