Asset Publisher

Irakaskuntza hobetzeko prestakuntza plana

Brujularen irudia

Docentiaz programak irakaslanerako feedback eraikitzailea  emateko helburua du, baita lan hori hobetzeko irakasleei laguntza eskaintzeko ere. Horretarako UPV/EHUko edozein irakaslek prestakuntzarako ondorengo baliabideak eta laguntzak ditu.

 

Hezkuntzarako Laguntza  Zerbitzuaren webgunean UPV/EHUko irakasleentzako prestakuntza-ikastaroei eta tailerrei buruzko informazio zabala eta zehatza kontsulta daiteke.

DOITU lantegia

Zer hobetu dezaket nire irakaskuntzaren plangintzan?

Ikastaro hau, irakasten aldez aurretiko eskarmentua izanik, ikasgai jakin bateko plangintzan eta garapenean hobekuntzak sartu nahi dituzten irakasleei zuzenduta dago, tituluan ezarritako jarraibideekin eta IKD, Ikaskuntza Kooperatibo eta Dinamikoa, ereduarekin bat eginda etor daitezen. Alderdi hauek Docentiaz UPV/EHUko irakasleen irakaskuntza jardueraren ebaluazio programaren baitan Ikasleen Gidak ebaluatzeko kalitate irizpide gisa hartzen dira.

iRAKER programa

UPV/EHUn Irakasleen gaitasun akademikoa garatzeko programa

Egonkortzeko bidean dagoen irakasleei zuzendutako 10 ECTSko programa da.  Prestakuntza honek irakaskuntza jarduna baterabiltzen dituen hiru arlo estaltzen ditu: konpromiso publikoa, ikerkuntza eta irakaskuntza-ikaskuntza. Azken atal honetan hnakoak aurreikusten dira: ikasle taldeetan ematen diren eskolekin lotutako jarduerak, tutore lana eta ikaskuntzaren jarraipena (praktikak, practicuma, GRAL, MAL, doktorego tesiak zuzentzea); irakasle arloetako lidergoa (irakasgaien, mailaren eta titulazioaren koordinazioa); titulazioaren diseinu curricularra; diziplinako irakaskuntzaren eta ikaskuntzaren ikerketa; hezkuntza berrikuntza.

UIPRE

Unibertsitateko irakasleen irakas-prestakuntza

Gai desberdinei buruzko iraupen labur eta ertaineko (2 ECTSra arte)  ikastaro eskaintza da, irakasteko gaitasuna garatzera zuzenduta.

GAITUZ

UPV/EHUko irakasleen garapen akademikorako laguntzen deialdia

Garapen akademikorako GAITUZ programaren helburua da kanpo akreditazioko mugarrien bitartez ibilbide profesional mailakatuak, eskalagarriak eta aitorgarriak osatzen dituzten jardueren finantzaketan laguntzea.
 

Irakaskuntza egiaztapenaren ondorioak

Talde-argazkia

DOCENTIAZ programaren eragina bi mailatan nabarmentzen da:

  • a) Irakasleei eragiten dizkien ondorioak:
    • Erkidegoko ordainsari osagarri gehigarrietan, DOCENTIAZ programaren bidezko irakaslanaren ebaluazioan lortutako emaitza Irakasle atalari dagokion ebaluazio irizpideetako bat da.
    • Ebaluazio bikaina lortzen duen irakasleak errektorearen aintzatespena izango du.
    • Kalifikazio bikaina duten irakasleak Docentiaz programarako ebaluatzaileak prestatzeko tailerrean parte hartzera gonbidatuko dira, eta hori gainditzen dutenak ebaluatzaileen poltsan sartuko dira.
    • Aldeko ebaluaketa, meritu bat da Euskal Unibertsitate Sistemaren Kalitate Agentziarentzat (UNIBASQ), baita ere Irakasleak ziurtatzen dituen Kalitatearen Ebaluaziorako eta Akreditaziorako Agentzia Nazionalarentzat (ANECA).

    • Aldeko ebaluazioa baldintzetako bat da oinarrizko irakaskuntza eta ikerketari dagozkion jardueren tartea lortzeko, UPV/EHUren Jardun Akademikoaren Planean.

    • Eskakizun bat da aldeko ebaluazioa lortu izana, gutxienez 60 punturekin, “IKD i3 Laborategia Berrikuntza Proiektuen deialdian” koordinatzaile gisa parte hartzeko.

    • Hiru urtetik gorako esperientzia duten irakasleen kasuan, Docentiaz programan ebaluatua izana azken bost deialdietako bateren batean, edo, bestela, 2023ko Docentiaz deialdian parte hartzeko konpromisoa hartzea baldintza berezia da GAITUZ programaren 1. ibilbidean.

    • Docentiaz programaren azken bost deialdietako batean parte hartzea, 70 puntutik gorako puntuazioarekin, edo, bestela, 2023ko Docentiaz deialdian parte hartzeko konpromisoa hartzea GAITUZ programaren 2. ibilbideko baldintza berezietako bat da.

    • Campus Bizia Lab Programa: Proiektuko irakasle koordinatzaileak UPV/EHUk kontratatutako langilea izan beharko du, edo estatutuei dagokienez UPV/EHUrekin lotuta dagoen langilea; horrela bermatuko da unibertsitatearekin duen loturaren iraupena ez dela eskatutako proiektuarena baino laburragoa. Kontuan izango da irakasle koordinatzaileak Docentiaz programaren azken bost deialdietako batean parte hartu izatea eta 70 puntutik gorako puntuazioa lortu izatea.

    • Aurkako ebaluazioa duten irakasleek gonbidapen bat jasoko dute, irakaslana ebaluatzeko arloaren Errektoreordetzaren Hezkuntzarako Laguntza Zerbitzuak Prestakuntza Planaren barruan kudeatutako programa edo tailerren batean parte har dezaten. Era berean, banan-banako prestakuntza edo aholkularitza eskatu ahal izango diote aipatutako zerbitzuari.

    • Docentiaz programaren bitartez irakaslanaren akreditazioa izango da "Irakasleen merituen" ebaluaketan irizpide nagusia (Bosturtekoak).​​

  • b) Unibertsitate Erakundeari  eragiten dioten ondorioak:
    • Programa erakundearen indarguneetako bat da, 2022-2025 aldirako Plan Estrategikoaren PERTSONEI buruzko I. PRESTAKUNTZA helburuetako bat garatzeko, hots, 05 HELBURUA: “Bultzada ematea IKD hezkuntza ereduari eta GJHekin konprometitutako irakaskuntza berrikuntzako esparru berriari, diziplina anitzeko prestakuntza indartuta, baita zeharkako gaitasunak eta gaitasun digitalak ere”; “04. EKINTZA:. Irakasleen garapen profesionalerako eredu propio bat diseinatzea, IKD hezkuntza ereduaren eta i3 estrategiaren garapenarekin eta irakaskuntza lana ebaluatzeko (Docentiaz programa) ereduarekin koherentea izango dena, eta prestakuntza baliabideak berrantolatzea eta osatzea, irakasleei aurrera egiten laguntzeko”.
    • Docentiaz programaren parte hartze portzentajea tituluen jarraipenerako adierazleetako bat da, kalitatearen barruko berme sistemaz baliaturik beharrezkoak diren antolakuntza eta kudeaketa aldaketak sartu ahal izateko.

Irakaslana-jarduera zifratan

Zerua izarrekin

Irakaslanaren ebaluazioaren emaitzen argitalpena izaten da funtsezko lehen pausua barruko hausnarketa egiteko eta, honek etengabeko hobekuntza prozeduretan erabakiak hartzea bideratzen du.

Irakaslana Ebaluatzeko Zerbitzuak honako datu hauek ematen ditu: Irakaslanari buruzko ebaluazioa (Docentiaz Programa), ikasleriari buruzko gogobetetzea gradu eta graduondokoan (Irakasleen Irakas-jardueraz Ikasleek duten Iritziari buruzko Inkestak), baita inkesta horien irismena ere. Informazio hori eskuragarri dago UPV/EHUko Gardentasun Atarianren web gunean.